Malwetse a dintšwa a bakiwang ke diparasiti tsa letlalo
Transcripción
Malwetse a dintšwa a bakiwang ke diparasiti tsa letlalo
Malwetse a dintšwa a bakiwang ke diparasiti tsa letlalo —go tlhaloganya sebaki le thibelo— – SETSWANA – agriculture Lefapha la Temothuo REPABOLEKI YA AFORIKA BORWA M alwetse a letlalo mo dintšweng ke bothata jo bogolo mo dikgaolong tsa lebopo. Mangwe a malwetse a, a ka baka dintsho mme go botlhokwa go a alafa ka bonako. O ka botsa motlhankedi wa boitekanelo jwa diphologolo, ngaka ya diphologolo kgotsa koporasi ya temothuo go bona kgakololo ya go re o ka laola jang ditshenekegi le dibokwana tse di bakang malwetse a letlalo. Malwetse a a botlhokwa thata a dintšwa a letlalo a tlhaloswa mo lekwalong le: Bolwetse ba letlalo ba sarcoptic le demodectic Tlhaselo ya ntsi Kilano/aleji ya malomo a matsetse. Bolwetse ba letlalo ba sarcopic B olwetse jo bo bakiwa ke setshedinyana se se nnye se se bidiwang “mite” se o ka se se boneng kwa ntle ga makerosekoupu. Bo bidiwa Sarcoptes scabei. Fa ntšwa ya gago e na le bolwetse jo, o tla bona e tlhotlhonelwa le go ingapa mme bowa bo tla kgoboga go dikologa matlho le mo mmeleng otlhe. Dintlha tsa tsebe di tla omelela mme ditshedinyana di tla bonwa mo tlhogong, mo ditsebeng, mo nkong le mo kotung ya mogatla. Fa o akanya go re ntšwa ya gago e na le bolwetse jo, tsweetswee etela ngaka ya diphologolo ka ntlha ya fa bo fetelela le mo bathong. Bolwetse ba letlalo ba demodectic S etshedinyana se se nnye se o ka se se boneng kwa ntle ga makerosekoupu se se bidiwang Demodex canis se baka bolwetse ba letlalo ba “demodectic”. Fa ntšwa ya gago e na le mohuta o wa bolwetse o tla fitlhela sefatlhego le maoto a kwa pele a kgoboga gotlhelele le go nna le sekgwakgwa. Ga bo tlhotlhone mme seno ke sona se bakang pharologano ya bolwetse jo le ba “sarcoptic”. Ga bo fetelele mo bathong. Le fa go le jalo, dintšwa tse di nang le bolwetse jo di na le dibokwana kgotsa ga di bone dijo tse di lekaneng. Ka jalo go botlhokwa go fedisa dibokwana le go oketsa dijo tsa tsona le go di tlhapisa ka dipi e o ka e rekang mo koporasing kgotsa kwa ngakeng ya diphologolo. O ka bona tshedimosetso ya go ya pele mo webeng e: http://www.marvistavet.com/html/demodectic_mange.html Setshedinyana sa dintšwa se se tlhotlhonang S etshedinyana se se bidiwang “Cheyletiella” se baka bolwetse jo. Se segolo go na le ditshedinyana tse dingwe tse di tsenang dintšwa mme dinako dingwe se bidiwa “sekerefole se se tsamayang” ka ntlha ya fa se le sesweu. Se tlhotlhona thata mme gantsi ga se bake tatlhegelo ya bowa. Bolwetse jo le bona bo fetelela le mong mme bo bonwa e le dipatso tse di nnye tse di tlhotlhonang tse di tšhibidu tse ka tlwaelo di nnang mo letlalong le le boleta la letsogo kgotsa mpa. Bo bonolo go alafiwa ka dipi go tswa kwa koporasing ya balemirui kgotsa kwa ngakeng ya diphologolo. Ntsi e e tlhaselang dintšwa N tsi ya ntšwa (Stomoxys calcitrans) le ntsi e ntsho di loma ditsebe tsa dintšwa mme di bake sekgwakgwa le go tswa madi. Se se ka thibelwa ka go laola dintsi (dintsi tse di tsalela mo mosutelong le mo podisong/ kompose) le ka go tshasa beselina kgotsa sekoba dintsi mo ditsebeng. O se ke wa tshasa mo godimo ga diso mme o tshase fela mo tikologong ya tsona. Kilano/aleji ya malomo a matsetse L etsetse la, Ctenocephalides felis, ke pharasaete e e tlwaelesegileng ya dintšwa le dikatse e e ka lomang le batho. Dintšwa dingwe di ilana thata le matsetse mme di tlhotlhonelwa thata. Dipatso tse di tšhibidu di bonala mo setlhaneng le mo mokokotlong fa dintšwa di ingwaya mo fanitšhareng kgotsa mo dikaleng. O tshwanetse wa alafa ntšwa le lefelo le e robalang mo go lona ka melemo e e laolang matsetse. E ka rekwa kwa ngakeng ya diphologolo kgotsa kwa koporasing ya temothuo kgotsa le kwa lebenkeleng le legolo la dithoto. Taolo ya letsetse e botlhokwa thata go seng jalo o ka fitlhela ntlo ya gago yotlhe e tletse matsetse mme wena le ntšwa ya gago la tlhotlhonelwa le go nnela go ingwaya! Lekwalo le le teng le mo webeng ya��: www.nda.agric.za/publications 2007 Le rulagantswe ke Lephata la Ditirelo tsa Tshedimosetso la Temothuo Le gatisitswe le go phasalatswa ke Lefapha la Temothuo Le bonwa kwa Setheong sa Metswedi, Lephata la Ditirelo tsa Tshedimosetso la Temothuo Private Bag X144, Pretoria, 0001 South Africa
Documentos relacionados
Na o tla tseba jwang hore o na le TB?
e be o kula ha bonolo haholo. Bo bong ba malwetse a tlwaelehileng haholo boo o ka kenwang ke bona ke TB. Ho bohlokwa hore ha o na le HIV o etse hlahlobo ya TB mme ha o na le TB o etse diteko tsa...
Más detalles`Tlhoafaletse Ditiro Tse di Molemo`?
Jesu o ne a itse gore go botsa dipotso tse di tshwanetseng, go thusa motho yo o rutang gore a ithute mo gontsi ka moithuti mme gape go thusa moithuti gore a nne le seabe mo motlotlong. Ka sekai, fa...
Más detalles