NA MEMORIA DI HILWARD CROES. Ku hopi tristesa direktiva di

NA MEMORIA DI HILWARD CROES. Ku hopi tristesa direktiva di

NA MEMORIA DI HILWARD CROES.
Ku hopi tristesa direktiva di AMAK ta manda palabranan di kondolensia na famianan di
Hilward Croes, na músikonan di Aruba i na Pueblo di Aruba en general.
Hilward Croes ta un gran músiko, un profeshonal ku ta dominá tur género di músika i ku
tin rekonosementu internashonal.
Hilward tabata graba ku bandanan grandi manera Aventura i otro nan.
Hilward Croes a yega di fungi komo miembro di hurado durante Festival di Tumba aki na
Kòrsou i na e okashon ei, na tur medio di komunikashon ku el a keda entrevista, ela
elogiá e trato ku ela haña na Kòrsou. Hilward Croes a bisa na e okashon ei ku el a biaha
pa hopi pais, pero e Festival di Tumba di Kòrsou ta algu grandi.
Na aña 2011-2012 direktiva di AMAK tabata tin kòmbersashonnan kontinuo i intensivo
pa yega na lantamentu di un Asosiashon di Músiko nobo na Aruba.
Despues di esei, ora ku e organisashon MUSICA a haña e enkargo pa organisá Kalipso
Festival, e kontaktonan ku Kòrsou tabata estrecho i direktiva di AMAK ta kontentu di por
a aportá na konsehonan importante pa lokual ta trata lantamentu di e organisashon.
Hilward Croes manera nos a bisa tabata un tremendo músiko, pero e tabata un bon hende
tambe. Un personahe amabel.
Aunke ku e tabata poseé kalidatnan musikal haltu, hamas i nunka e tabata pretendé di ta e
mihó músiko.
Hilward lo bai hasi hopi falta sigur den farándula di Aruba, pero nos tambe lo bai sinti su
falta, pa e kolaborador sinsero ku tabata eksistí entre su persona i nos organisashon.
E bon kolaborashon tambe a yuda kondusí ku por a eliminá e diskrepansia den
trafikashon di artistanan entre Kòrsou i Aruba.
Hilward a areglá últimamente un komposishon pa e hóbennan di Junior Allstar i lo bai
graba e kansion aki na su memoria.
For di aki palabranan di forsa na tur famianan ku el a bai laga atras i Hilward Croes
mester keda sirbi komo e ehèmpel pa uni farándula di Kòrsou i Aruba.
Hilward Sosegá na pas.
Na nòmber di direktiva di AMAK