protocol 93…..firma pa un crisis financiero….of pa aruba

protocol 93…..firma pa un crisis financiero….of pa aruba

BENNY NISBET(PPA):
PROTOCOL 93…..FIRMA PA UN CRISIS FINANCIERO….OF PA ARUBA
‘SCHRAP’ E FECHA DI INDEPENDENCIA FOR DI DEN STATUUT ??
Despues cu Gab Mike Eman a firma e acuerdo di ‘diahuebs santo’ na Hulanda cual a causa un
orcan di protesta fuerte den partidonan di oposicion …inicia cu e splicacion di PPA cu e
‘protocol’ aki ta nada mas cu ‘traicion’ y nada mas cu traicion contra interes arubano. Masha
notable tabata con lihe e reunion di parlamento pa trata contentido di e protocol aki a tuma
lugar. Pero mas remarkable tabata ora Min Pres Mike Eman en vez di defende contenido di e
‘Protocol di diahuebs santo’ y contenido di esun cu E a firma na 2011 cu Min Pres Mike Eman a
prefera di referi na e Protocol 93 cu tabata un entrego formal di parti substancial di nos Status
Aparte/Autonomia arubano. Apesar cu e ‘protocol 93’ ta firma tanto pa Prome Ministro Nelson
Oduber como Lider di AVP Henny Eman ….cual ta hasi ambos responsabal pa e ‘entrego formal’
di un parti ‘substancial’ di e Status Aparte. Tambe Prome Ministro Mike Eman a acopla e
‘protocol 93’ na un supuesto crisis financiero den e periodo ey.
Esaki a causa cu x Ministro Presidente Nelson Oduber a defende su mes splicando e.o. riba
Facebook cu e motibu real pa a firma e ‘protocol 93’ tabata pa logra ‘scrap’ e fecha di
Independencia cu a consecuencia di e acuerdo na 1983 a worde hinca den e Ley di Reino di
1985 cu tabata dilanti porta. X- Prome Ministro Nelson Oduber a splica den su reaccion cu ….si
no a firma e protocol aki Aruba lo tin 18 ana Independiente mientras tanto y ta mira e ‘protocol
93’ como un logro formal di MEP….tambe x Prome Ministro Nelson Oduber ta splica acerca
….mester a firma e protocol pasobra Hulanda tabata nenga di duna Aruba e GARANTIANAN cu
Hulanda a priminti Aruba na 1983 pa Aruba por a bai pa su Independencia(?).
E BERDAD ‘ROND’ DI PROTOCOL 93 SEGUN BRIL ORANJE !!
PPA ta sinti cu e momento a jega pa nos pone e ‘protocol 93’ den su contexto real pa nos
pueblo por tuma nota di con PPA ta wak esaki. Na prome lugar PPA ta considera cu e solo hecho
cu Ministro Presidente Mike Eman a usa contenido di e ‘protocol 93’ pa defende contenido di e
‘protocol di diahuebs santo’ ta demonstra con ‘zwak’ gabinete Mike Eman ta para pa cu e
realidad di un crisis financiero enorme cu AVP a hinca nos pueblo aden….y ta mustra e realidad
cu AVP NO kier a tuma medida formal prome cu eleccion…pero ta prefera di entrega nos
autonomia arubano(Status Aparte) pa nan keda na poder politico y tuma un racha di medida
despues di eleccion !!
Durante un Conferencia di Mesa Redonda na 1983 partidonan a logra firma un acuerdo cu a
duna Aruba un Independencia entrente 1 di Januari 1996 y na caminda pa esaki un Status
Aparte entrante 1 di Januari 1986. E acuerdo aki cu tabatatin e fecha di Indepencia di Aruba
hinca den djele….NO …mi ta ripiti NO tabatatin decisionan menciona di garantianan pa
sobrevivencia di e pueblo arubano …! Esaki e.o. a pone cu PPA a declara di a mira e acuerdo aki
cu sentimentonan ‘mixto’. PPA a splica di e tempo ey cu acceptacion di un Independencia SIN
garantia …..lo pone e pueblo arubano lomba contra muraya. Pasobra sea Hulanda lo duna nos
un cantidad minimo di garantia of nada mes….Y e momento ey Aruba lo mester kana e caminda
di Canossa segun pensamento di PPA. E caminda pa entrega ‘autonomia/Status Aparte bek den
man Hulandes pa keda den Reino Hulandes. Tanto MEP como AVP a diferencia di opinion cu
PPA !!
Na 1985 partidonan mester a retorna Den Haag pa tratamento di e concepto di Ley di Reino
cual despues a worde trata den Eilandsraad di Aruba . E proceso aki naturalmente e duna
caminda pa e posicion di kada partido bira mas scherpi. PPA a splica cu Hulanda tabata limita e
DERECHO DI AUTODETERMINACION segun concepto vigente di Naciones Unidas forzando Aruba
pa bai pa un Independencia SIN garantia !! PPA tabata di opinion cu mirando e posicion di
Hulanda esta SIN GARANTIA Aruba mester a tuma su Status Aparte so. PPA a mustra un vez mas
riba e CAMINDA DI CANOSSA cu Aruba lo bai kana…e momento cu Aruba lo mester didici den
un Independencia SIN garantia of un Status Aparte manka di entrega autonomia simpelmente
pa keda den Reino Hulandes e momento ey. E partidonan cu a accepta e acuerdo 1983 esta
AVP y MEP a splica pueblo cu e Ley di Reino ta duna pueblo su Status Aparte punto…..nan No
kier a duna mucho atencion e tempo ey na e decision mas clave esta INDEPENDENCIA pa 1 di
Januari 1996 !! Esey a bin na ordo si …una vez cu Aruba tabata den su Status Aparte ….!
Durante e periodo di Gabinete Nelson Oduber (1989 – 1994) a worde teni varios reunion na
nivel di Reino e.o. uno na Corsow unda Hulanda a duna e delegacion di Aruba un mensahe
masha cla mes…!! NO tin garantia na e forma cu Aruba ta pidiendo !! Si Aruba kier tuma su
INDEPENCIA entrante 1 di Januari 1996 ….Aruba lo mester tuma esaki SIN GARANTIA !! E
momento cu PPA a mustra su preucupacion pele a jega…..NINGUN GARANTIA…….PPA a hana
razon ….cu si tabata kier Independencia cu e garantianan mester a worde negocia na 1983
mes…locual NO tabata e caso.
E momento di e berdad…..E caminda di Canossa …oktober 1993 !
Na September/oktober 1993 Hulanda a manda jama Prome Ministro Nelson Oduber y Lider di
Oposicion sr. Henny Eman …..e partidonan cu a firma y vota pa e INDEPENCIA di Aruba entrante
1 di Januari 1996. Ningun momento manera Henny Eman y Prome Ministro Mike Eman (AVP) ta
splica pa trata asunto financiero….maske algun aspecto financiero a worde trata……pero e
‘essencia’ real tabata pa tende di srs Nelson Oduber(MEP) y Henny Eman(AVP) si nan lo sigui cu
e proceso pa tuma Aruba su Independencia Si of NO …y SIN GARANTIA…..y si e contensta ta
NO….si nan ta dispuesto pa firma e condicionan di Hulanda pa permiti Aruba keda den Reino
Hulandes ….esta ‘schrapmento’ di e fecha di Independencia. Aki Min Pres Nelson Oduber ta
papia e berdad ……pero PPA NO ta di acuerdo cu e parti unda E ta splica cu Hulanda No kier a
duna e garantianan cu a worde priminti na Aruba….!! Na 1983 Hulanda NO a priminti ARUBA
NINGUN GARANTIA…y esey tabata motibu e.o. cu PPA a distancia su mes di accepta e acuerdo
1983 cual tabata primeramente INDEPENDENCIA …na caminda pa esaki un Status Aparte pa
maximalmente DIEZ ana pero SIN GARANTIA !! Cu otro palabra na September/oktober 1993 e
CAMINDA DI CANOSSA a worde kana pa e Lidernan politico di MEP y AVP cu a accepta
Independencia y pesey mester a firma un PROTOCOL 93 pa entrega ‘Status Aparte y
Autonomia’ arubano ….un protocol di entrego SIN mesiricordia…..Un entrego jamas visto
…….pero pa keda den Reino Hulandes. PPA a hana razon….NO mester a jena ningun fecha di
Independencia pero mester a lucha pa un Status Aparte so. Tur e storia di crisis financiero y
partidonan chikito tabata simpelmente e HUMA necesario pa e MASA di pueblo Arubano NO
realisa kiko tabata pasando.
Esaki ta e berdad rond di ‘PROTOCOL 93’ firma pa tanto Ministro Presidente Nelson Oduber y
Lider di AVP sr. Henny Eman…..canando e caminda pa Canossa pa entrega …..parti di e logro
…..pa Aruba por keda den Reino….un proceso cu PPA kier a evita….pero ningun No kier a scucha
PPA na 1983 y 1985 !!
Esaki ta e berdad …y nada mas cu e puro berdad….pero PPA ta comprende cu e ananan di
Indoctricacion di un otro storia…lo hasciele dificil pa hopi traga e berdad ! A lo menos e
defensa pober di Min Presidente Mike Eman a ponele ataka MEP riba esaki….lubidando cu su
‘ruman homber’ Lider di AVP Henny Eman tambe a firma e Protocol 93 y ta mes responsabel.
PPA NO a hiba un politica di splica cu nos a hana razon….pasobra PPA a pone interes di Aruba
na prome lugar….Un Independencia SIN garantia ta lo peor cu Aruba por a pasa aden….y PPA
tabata consciente cu e momento di e caminda di CANOSSA tabata dilanti porta !!
E splicacion aki NO ta kita e realidad cu Status Aparte a worde logra bao liderato di sr. Gilberto
Francois Betico Croes q.e.p.d. …un Status Aparte na Caminda pa nos Independencia, cual a
worde cambia cu e ‘protocol 93’ y cual a hasi sr. Nelson Oduber y su gobierno (MEP-ADN- PPA)
esun cu a logra e Status Aparte di mas ana……….!!! Motibu cu sr. Nel Oduber a manda su
gobierno cas (partidonan chikitu) y a sinta na mesa cu AVP pa forma un gobierno nobo
(draagvlak mas hancho) NO tin nada di haber cu medidanan pa un crisis financiero…….pero cu
tin di haber cu MEP no kier a ejecuta e ‘protocol 93’ su so….y tabata kier AVP banda di djele
den gobierno…e ora ey..ningun por a jama otro pa traidor….pero AVP tabata kier otro…esta un
gobierno su so !!
Pero aki Lider di AVP Henny Eman a traiciona sr Nelson Oduber y despues di a mustra na
Hulanda di ta dispuesto pa forma cu MEP ….a dicidi di rechasa esaki y forza eleccionan nobo cu
a conduci na Gabinete Henny Eman ……(1994 2001). Esaki ta e storia tras di e storia….E
ponencia di PPA durante e debatenan durante 83/85 cu si accepta e fecha di Independencia den
Statuut SIN garantia cu lo mester a kana e caminda di Canossa a bira realidad …esaki ta e
berdad segun bril politico di PPA !!
PPA ta spera cu gab Mike Eman splica pueblo….Pakiko awe na 2013….AVP ta bolbe entrega un
pidi di nos Status Aparte bek na Hulanda…!!
Aruba, 11 di april 2013
Lider Politico di PPA
BENNY NISBET