GK_Persbericht_4 juni 2016_Timo Brouwer_PAP.indd

GK_Persbericht_4 juni 2016_Timo Brouwer_PAP.indd

Mensahe di prensa | 4 di yüni 2016
GreenKidz i Green Force
ta uni forsa
www.greenkidz.org
greenkidzcuracao
Green Force, e kompania di resiklahe, ya pa hopi aña ta aktivo i bon konosí na Kòrsou.
Ta apénas for di 2015, GreenKidz ta aktivo den enseñansa ambiental ku materialnan gratuito
i moderno. E dos partidonan aki ku plaser ta uni forsa i traha huntu. P’esei riba 4 di yüni,
GreenKidz ta presentá su promé foyeto di resiklahe pa famianan, na dos idioma, na minister
di Enseñansa i na públiko, durante di e apertura festivo di e Sentro di Resiklahe nobo i di mas
grandi na Albert Heijn Zeelandia.
Ku un programa edukativo bon pensá i ku
Curaçao Clean Up komo partner ofisial, GreenKidz ta duna alumnonan, dosentenan i mayornan lès, informashon i e ta organisá aktividatnan ambiental. Mirando ku edukashon tokante
medio ambiente i resiklahe no por sin otro,
Green Force i GreenKidz a uni forsa. Resultado
di e kolaborashon aki, ta un foyeto tokante resiklahe kolorido ku ta apoyá e aktividatnan di
resiklahe. Por download e foyeto, ku ta na papiamentu i hulandes, na www.greenkidz.org.
E foyeto ta splika den poko palabra, kiko resiklahe ta, kon ta hasi esaki, dikon e ta asina importante i na unda na Kòrsou bo mester ta ora
bo ke resiklá mas tantu shushi ku ta posibel.
Mensahe di prensa | 4 di yüni 2016 | GreenKidz i Green Force ta uni forsa
Na 2010, Timo Brouwer a lanta e kompania
Green Force i di kolektá 60 kilo di shushi pa
aña, awor e ta kolektá 11.000 kilo pa aña.
Na kuminsamentu e tabata resiklá prinsipalmente aluminio. E tabatin algun sentro di resiklahe na supermerkadonan. Entretantu el a
amplia formalmente. Awor e ta kolektá por
ehèmpel plèstik pa manda pa eksterior i bateria
di outo. Esakinan ta wòrdu elaborá di manera
responsabel, sigur i sigun reglanan ekológiko.
E sentronan di resiklahe ta krese diariamente
i Green Force tin kontratonan ku diferente
kompania pa pasa buska i prosesá shushi.
Na momentu ku GreenKidz a paresé aña pasá,
Brouwer a kue su
chèns. Nan ideanan
tabata pas perfektamente ku su idiologia i su kompania.
“Lagando nan tuma e
parti edukashonal pa nan
kuenta, ami por konsentrá
fultaim riba e otro aktividatnan
di Green Force”, Brouwer ta splika.
‘Mi ta keda envolví’
Ideologia
Durante e promé añanan Timo Brouwer, regularmente tabata duna lès na skol tokante resiklahe i polushon.
El a siña sigur 5 mil
mucha tokante e
temanan aki.
E tabata hasi esaki su so i sin niun
fondo. Kada dia e
tabata mas i mas
drùk.
www.greenkidz.org
“Te na aña 2012 mi
tabata pasa e sentronan di resiklahe
un biá pa siman pa
buska shushi.
Entretantu mi mester pasa kada dos
dia. Esaki ta fantástiko, pero e ta tuma
mas tempu. I p’esei mi tabata sobra
ménos tempu pa e
parti edukativo.”
Brouwer tabata aktivamente envolví den trahamentu di e material di skol di GreenKidz i ainda
e ta duna nan konseho. Huntu ku GreenKidz e
ke duna e hubentut di Kòrsou, e mesun mensahe ku e ta duna su yu. Esta ku kada persona
ta responsabel pa kon e mes ta susha i laga
e planeta aki atras. “Hende ku no ta resiklá ta
forma parti di e problema di sushi riba mundu,
pero masha fásil nan por bira parti di e solushon. Basta nan ke.” Ku un kantidat kresiente
di sentronan di resiklahe i mas edukashon i
instrukshon tokante medio ambiente, awor
Green Force i GreenKidz ta traha huntu na un
Kòrsou mas limpi i bèrdè.
greenkidzcuracao