Defensor di Pueblo - Ombudsman Curaçao

Defensor di Pueblo - Ombudsman Curaçao

 Ofisina di Ombudsman Djaluna pa Djabièrnè 08:30 – 11:30 Scharlooweg 41 Tras di edifisio di CUROIL na Scharloo T. 461 0303 F. 461 9483 E. info@ombudsman­curacao.cw W. www.ombudsman­curacao.cw No tin gastu mará na nos servisionan
Defensor di Pueblo
2014
EDISHON 2
Mensualmente Defensor di Pueblo ta informá pueblo di Kòrsou di su aktividatnan pa pueblo por konosé e trabounan di su ofisina. RESUMEN DI KEHONAN RISIBĺ DEN FEBRÜARI 2014 Keho ku a wòrdu atendé despues di skucha suidadano E suidadano a risibí un konseho òf a wòrdu referí na un otro instansia Kehonan ku a wòrdu entregá via Internèt: Lotus Kehonan ku a wòrdu entregá via karta Kliente ku ta regresá pa kontinuashon di su kaso 30 17 3 0 8 Total di kehonan risibí: 58 E organisashon ku den luna di febrüari mas a koperá ku Defensor di Pueblo ta Sector Sociale
Ontwikkeling.
Kontenido:
Keho ku a sobresalí den luna di febrüari 2014.
‐ Keho kontra e departamentu di Reibeweis di e ministerio di Gobernashon, Planifikashon i
Servisio Publiko
Aktividatnan di Defensor di Pueblo:
‐
4 febrüari 2014 Defensor di Pueblo tabata den e programa di Z-86 serka Mariano Heijden.
‐ 11 febrüari 2014 Defensor di Pueblo a duna un entrevista den e programa “Solo ta Sali pa nos tur”.
‐ 18 febrüari 2014 Defensor di Pueblo i sra. Martis tabata den den e programa Pro-Info.
‐ 20 febrüari 2014 Defensor di Pueblo a invita direktora di skolnan Romano Katóliko sra. Lisette van
Lamoen-Garmers pa kombersá tokante e proyekto di informashon na hóbennan di skol sekundario.
>> PA MAS INFORMASHON BISHITA WWW.OMBUDSMAN-CURACAO.CW
Keho ku a sobresalí den luna di febrüari 2014 Un siudadano Merikano a aserka Defensor di Pueblo ku un keho kontra di e departamentu di Reibeweis di e Ministerio di Gobernashon, Planifikashon i Servisio Públiko. E suidadano a ‐
haña un karta di e Ministerio den kua su petishon pa kambia su reibeweis Merikano pa un reibeweis lokal, a wòrdu nenga. E siudadano a indiká ku e no ta di akuerdo ku e desishon aki. Pa por duna e siudadano un konseho, Defensor di Pueblo a analisá e reglanan ku ta aplikabel den e kaso aki. Entre otro a analisá e tratado di Ginebra (Verdrag van Geneve 1949), e tratado di Viena (Verdrag van Wenen 1968) i e ordenansa ku ta regla tráfiko na Kòrsou (Wegenverkeers‐
verordening Curaçao 2000). For di e análisis aki Defensor di Pueblo a konkluí ku pa por kambia un reibeweis di un pais stranhero pa un reibeweis lokal, mester kumpli ku vários rekisito. Un di e rekisitonan aki ta ku e pais for di kua e reibeweis ta prosedente, mester ta asosiá na e tratadonan ya menshoná i e reibeweis en kuestion mester ta bálido ainda. E siudadano mester tin residensia permanente na Kòrsou pa medio di un pèrmit di estadia permanente òf mester ta trata di un persona ku pa lei outomátikamente ta keda atmití na Kòrsou. E siudadano mester tin por lo ménos 18 aña di edat i e mester entrega tambe un komprobante médiko di estado di su salu. Personanan ku no ta kumpli ku tur e eksihensianan aki por bini solamente na remarke pa haña un pèrmit pa kore outo ku ta bálido pa un máksimo di 3 luna di e Minister di Gobernashon, Planifikashon i Servisio Públiko. E outorisashon aki por keda renobá kada 3 luna pagando un suma segun nesesidat di e siudadano. Mirando ku e siudadano no tin residensia permanente na Kòrsou, en prinsipio e no ta bini na remarke pa kambia su reibeweis Merikano pa unu lokal. E keho kontra di e departamentu di Reibeweis komo tal no ta funda. E siudadano tin e opshon legal pa denter di seis siman despues ku e la risibi e desishon di Minister, entrega un karta di opheshon serka e Minister òf kuminsá un kaso serka hues atministrativo a base di e Landsverordening administratieve rechtspraak (Lar). Defensor di Pueblo a pone e siudadano na altura di su análisis . E siudadano a komprondé e informashon i a yama Defensor di Pueblo danki pa e splikashon. Aktividatnan di Defensor di Pueblo Entrante prome di febrüari 2014 sra. Geritne “ Geri ” Goeloe a drenta servisio di Ombudsman Bureau. Nos ta desea Geri bon bini i tur kos bon. 11 di febrüari 2014 Defensor di Pueblo a risibí Rishaina Adamus di e programa “Solo ta sali pa nos tur”. Akinan Defensor ta spliké meta di e instituto i tambe e proyekto di informashon di Defensor di Pueblo pa hóbennan di skol sekundario. 20 febrüari 2014 Defensor di Pueblo a invita direktora di skolnan katoliko sekundario, sra. Lisette van Lamoen‐Garmers pa un bishita. E meta ta pa semanalmente kuminsa ku un proyekto kaminda ta duna un presentashon tokante instituto i maneho di Defensor di Pueblo. Tambe e hóbennan lo haña un rekorido den e edifisio i sera konosí di aserka ku Defensor di Pueblo i su personal. >> PA MAS INFORMASHON BISHITA WWW.OMBUDSMAN-CURACAO.CW