ta pornada job ta teme dios? - Joycita

ta pornada job ta teme dios? - Joycita

9 – 1 5 ò k t o be r
Studia e lès aki promé ku Sabat, 15 òktober
TA PORNADA JOB TA TEME DIOS?
Lesa: Job 1; Job 2; 1 Korintionan 4:9; Genesis 3:1-8; Filipensenan 4:11-13; Mateo 4:1-11;
Filipensenan 2:5-8.
Teksto Prinsipal: “Ma Job a bis’é: ‘Bo ta papia manera un di e muhénan bobo ta papia.
Akaso nos tin ku aseptá loke ta bon for di Dios i no aseptá atversidat?’” (Job 2:10).
E
buki Job ta kuminsá pa nos manera un dimenshon kompletamente nobo di e
realidat. E ta duna nos un bista di e gran konflikto ku tin entre Kristu i Satanas.
Dor di esaki e ta duna nos tambe un manual pa komprondé e mundu ku nos ta biba
aden mas mihó . Un mundu ku hopi biaha ta konfundí nos i spanta nos ku tur loke ta
sosodé den dje. E buki Job ta laga nos mira ku e no ta solamente lucha ku problemanan
di e mundu aki, pero tambe ku esnan di un otro mundu: “Pa e motibu aki, regosihá, O
shelunan i boso ku ta biba den nan. Ai di tera i laman, pasobra diabel a baha bin serka
boso ku gran furia, sabiendo ku ta ked’é solamente un poko tempu mas” (Revelashon
12:12). Satanas a baha bin riba tera i nos sabi ku su furia ta di bèrdat grandi. Ta kua di
nos no a yega di sinti e furia ei?
Den e siman aki nos ta ban wak mas aleu na e promé dos kapítulonan di Job. Nos ta
ban purba komprondé nan mas mihó, i mira kon nos ta pas den e konflikto aki.
30
Djad u m i n g u 9 ò k t o be r
Djal u n a
DIOS SU SIRBIDO JOB
Lesa Job 1. Paga tinu espesialmente riba Satanas su akusashonnan kontra Job. Ta kiko
presis Satanas ta bisando? Ta kiko e ke sugerí den su atake? Ta ken en realidat diabel ta
atakando?
“Bo no a traha un trankera rònt di djé, rònt di su kas, i rònt di tur loke e tin na tur
banda? Bo a bendishoná e trabou di su man, i su propiedatnan a oumentá den e tera”
(Job 1:10). E buki di Job no ta kuminsá solamente menshonando Job su bon karakter
hustu, pero ta menshoná tambe su bendishonnan material i e famia grandi ku e tin.
Ta dor i e kosnan aki Job a wòrdu yamá “esun di mas grandi di tur e hòmbernan di
oriente” (Job 1:3). Ta e kosnan aki tambe Satanas a pone dilanti Dios. Ku esaki el a bisa
en realidat ku Job tabata sirbi Dios djis pa e hopi rikesanan ku Dios a dun’é.
Satanas ta sugerí despues: “Ma si Bo kita tur e rikesa aki for di Job, sin duda lo e
maldishoná Bo den Bo kara” (Job 1:11). E atake ta en realidat un atake kontra Dios mes.
Si Dios ta asina bunita i bon Job lo sirbi’E, lo e ador’E i tem’E pa amor i ku apresio. Ta
ken lo no stima Dios si El a hasi asina hopi kos pa nan? Den otro palabra, Satanas ke
bisa, en realidat, ku Dios a ‘kumpra- susha man di- soborná’ Job pa keda fiel na djE. Ke
men, Satanas ta demandá ku Job no ta sirbi Dios pa motibu di amor, pero pa motibunan egoista.
Si Señor ta di bèrdat asina konsiderabel, amoroso i atento manera ta pint’E, Job ta
bai keda fiel ainda na djE si e pèrdè tur kos? Dor di sugerí ku Job no ta bai hasi esaki,
Satanas ta bisa, en bèrdat ku e no ta konfia Dios kompletamente. Job su lealtat lo dependé riba kon bon e dil ta pa e mes.
Pakiko abo ta sirbi Dios? Ban bisa ku bo motibunan no ta perfekto, i bo mester spera te ora
nan ta korekto, ta kiko lo pasa ku bo i bo fe?
31
Djal u n a 1 0 ò k t o be x r
Djam ars
KUERU PA KUERU...
Job 2:1-3 ta kuminsá ku kasi un ripitishon di Job 1:6-8. E gran kambio ta sinta na
e último parti di Job 2:3, kaminda Dios ta papia i bisa kon fiel Job a keda despues di
tur e sufrimentu ku a bini riba dje. Ora nos yega na Job 2:3 ta parse komo si fuera tur
Satanas su akusashonnan tabata inhustu. Job a keda fiel na Dios, i e no a maldishoná
Dios manera Satanas a pronostiká.
Lesa Job 2. Kiko ta pasando den e teksto aki. Kiko ta nifiká ku tantu den Job 1 i Job 2 ‘habitantenan di shelu’ ta testigu di e kombersashon ku tin entre Dios i Satanas?
Den e promé tradukshonnan di Beibel por haña e palabranan “kueru pa kueru”, pero
nan no ta aparesé mas den e tradukshonnan mas nobo. E idea tras di e palabranan aki
ta: Laga un kos pasa ku Job, i lo bo wak kon leal e ta realmente. Heridá su kurpa i su
salú i wak kiko ta pasa.
Ta interesante ku e kombersashonnan aki no a tuma lugá den skondí. Na tur dos
okashon den e lucha aki den shelu tin mas habitante di shelu presente. Satanas ta
hasi su akusashon-nan den públiko, kaminda e otronan ta presente. E idea aki ta pas
perfektamente den loke nos sabi di e gran konflikto. E ta algu ku ta plamá den henter
universo” (Mira 1 Korintionan 4:9; Daniel 7:10; Revelashon 12:7-9).
“E plan di salbashon tabata enserá, sinembargo, mas kos ku djis salbashon di hende.
Kristu a bini na e tera aki no solamente pa e meta ei; no tabata solamente pa revelá
na habitantenan di e planeta chiki aki e lei di Dios den su lus berdadero; pero e tabata
pa hustifiká Dios Su karakter tambe pa henter e universo.... Dor di e morto di Kristu,
shelu lo ta habrí pa ser humano, pero pa henter universo Dios i Su Yu ta keda hustifiká
den nan trato ku Satanas. Ta establesé e eksistensia eterno di Dios Su lei, i e naturalesa
i konsekuensianan di piká ta keda revelá” (P at ri arc h e n e n P ro f e t e n , ‘E Plan di Salbashon’, p. 42).
32
Djam ars 1 1 ò k t o be r
Djaraso n
BENDISHONA TA E NOMBER DI SEÑOR
Kon Job a reakshoná riba e promé atake di Satanas? (Mira Job 1:20-22). Kiko ta nifiká
ku asta meimei di tur e miseria aki Job no a peka òf akusá Dios?
Den Dios Su gobernashon di amor, libertat di skohe ta para sentral. Dios ke pa nos
sirbiE pa amor, i no pasobra a fòrsa nos. “Satanas a insinuá ku Job tabata sirbi Dios for
di interés propio, ku motibunan egoista... El a purba desmentí ku religion berdadero ta
konsistí di amor i un apresio inteligente pa Dios Su karakter. Hende ku ta adorá Dios
berdaderamente, di kurason, ta hasi esei pa motibu di fe mes, no pa e rekompensa. Nan
ta sirbi Dios, pasobra di su mes ta bon pa nos hasi esei, no pasobra shelu ta un lugá yen
di goso. Nan ta stima Dios pasobra E ta digno di nan amor i konfiansa, i no pasobra E ta
bendishoná nan” (T h e S DA B i bl e C o m m e n t ary , vol. 3, p. 500).
Den e buki Job ta revelá ku e akusashonnan di Satanas ta falsu i inhustu. Ounke Dios
tabata sabi kaba kiko ta bai pasa, Job te ainda por a reakshoná diferente. E por a peka,
òf tira falta riba Dios. Dios no a obligá Job reakshoná manera el a hasi. Bou di e kondishonnan aki su fe firme manera un baranka, tabata un testimonio fantástiko pa hende i
pa angelnan.
Kompará e susesonan den Job 1 i Genesis 3:1-8. Kon e kontraste aki ta hasi e piká di Adam i
Eva asina teribel?
Adam i Eva ta haña nan mes komo sernan kreá sin piká den un paraiso di bèrdat.
Nan a desobedesé dor di atake di Satanas, i asina nan a haña e maldishon di piká riba
nan. Job ta hañ’é meimei di doló, ferdrit i miseria, pero a pesar di Satanas su atake, Job
ta keda fiel na Señor. Den tur dos kaso nos tin un ehèmpel poderoso di loke ta na wega
ku e libertat pa skohe ku nos tin.
Kon Job su reakshon ta laga nos mira ku nos ekskusanan pa hasi piká, hopi biaha ta masha
fásil, barata i robes?
33
Djaraso n 1 2 ò k t o be r
Djam ars
JOB SU ESPOSA
Esaki ta kisas e momentu eksakto pa mira na un otro víktima den e relato di Job, i
esei ta Job su kasá. Nos ta hañ’é solamente den Job 2:9, 10. Despues di esaki e ta disparsé for di e relato i for di historia. No ta bisa nos nada mas di dje. Pero ora nos pensa
riba tur loke a pasa, nos no por imaginá nos mes kuantu ferdrit e pober muhé aki lo
mester tabatin. Su sufrimentu, esun di su yunan i di tur e otro víktimanan den kapitulo
1, ta laga nos mira kon universal sufrimentu ta. Nos tur ta envolví den e gran konflikto,
no tin ningun hende ku ta skapa for di dje.
Kompará Job 2:3 ku Job 2:9. Ki palabranan paresido Dios ta usa i Job su kasá tambe ta
usa, i kiko ta importante den e forma ku kada un ta us’é?
No ta kasualidat ku mes un frase pa su integridat ta aparesé den tur dos e tekstonan.
E palabra ku ta tradusí pa “integridat” ta bin dilanti tambe den Job 1:1 i Job 1:8. E palabra mes ta duna e idea di “perfekto” òf “henter”.
Ta duele ku nèt Job su kasá ta esun ku ta bin ataká Job riba e punto ku Dios a elogi’é
p’é. Den Su luto i sufrimentu e ta pusha Job netamente den e direkshon ku Dios a bisa
di dje, ku e no ta hasi’é. Tòg nos no por kondená e señora di Job, e ta un lès pa nos tur,
ku nos mester ta kuidadoso pa no bira un piedra di trompeká pa otronan” (Mira tambe
Lukas 17:2).
Lesa Job 2:10. Ki testimonio poderoso Job ta duna na su kasá? Mira tambe Filipense-nan
4:11-13.
Job ta demostrá e integridat di su karakter. E lo sirbi Señor tantu den bon dianan
komo den mal dianan. Fasinante ta ku for di e momentu aki Satanas ta disparsé for di e
relato, i no ta bolbe bèk. Ounke no ta menshoná esaki den e teksto, nos por imaginá nos
mes ku Satanas a keda tur frustrá i furioso pa Job su reakshon. Otro intentonan di tentashon riba Adam i Eva, a resultá hopi mas fásil. “E akusadó di nos rumannan hòmber i
muhé” mester a buska un otro hende pa e akusá di algu (Revelashon 12:10).
Kon nos por siña pa keda fiel na Dios, tantu den bon dianan komo den mal dianan?
34
Djabi è rn è
Djaw e p s 1 3 ò k t o be r
FIEL TE NA MORTO
Job 1:22 ta bisa: “Den tur esaki Job no a peka ni e no a kulpa Dios”. For di e punto di
bista aki por mira Job komo un sorto di símbolo, un ehèmpel leve di Hesus (mira Lès
14), ku a pesar di desafionan i tentashonnan teribel ku a bin riba djE, E no a entregá i no
a hasi piká i dor di esaki El a desmentí e akusashonnan di Satanas. A lo largo e echonan
di Hesus tabata muchu mas grandi ku esnan di Job, pero e komparashon ta keda.
Lesa Mateo 4:1-11. Kon Job su eksperensia ta reflehá loke ta pasando akinan?
Den un medio ambiente teribel i debilitá dor di hamber, Hesus no a hasi den Su
humanidat loke diabel tabata ke pa El a hasi. Di mes un forma, Job no a hasi esaki. I
meskos ku Satanas a disparsé for di esenario despues ku Job a keda fiel, asina tambe e
ta disparsé bai laga Hesus, ora ku Hesus a neng’é na e di tres tentashon. Beibel ta bisa:
‘E ora ei diabel a lag’E’ (Mateo 4:11).
Pero loke Hesus a pasa aden den desierto tabata djis komienso. Su prueba mas grandi tabata bini na e krus. I akinan tambe El a keda fiel, a pesar di tur prueba ku a bini
riba djE, fiel te na morto.
Lesa Filipensenan 2:5-8. Ki speransa e ‘fiel te na morto” di Hesus ta duna nos, i kiko esaki
ta bisa nos di e forma ku nos mester biba komo kontesta pa Su fidelidat?
35
Djabi è rn è 1 4 ò k t o be r
Djaw e p s
PA MAS ESTUDIO
E palabranan Hebreo ku su kasá a bis’é ta tradusí: “Maldishoná Dios tòg i muri” (Job 2:9).
Job 1:5 ta tradusí asina: “Por ta mi yunan a hasi piká i a maldishoná Dios den nan kurason”.
I Job 1:11 ta tradusí: “Pero si Bo saka Bo man i mishi ku tur loke ta pertenesé na dje, sin
duda lo e maldishoná Bo den Bo kara”. E palabra ku ta usa akinan pa “maldishoná” ta bini
for di un palabra ku ta nifiká “bendishoná”. Den henter Beibel e palabra ta nifiká “bendishoná”, manera den Genesis 1:22. Pakiko e palabra aki ku ta nifiká bendishoná òf elogiá ta
wòrdu tradusí komo “maldishoná” den algun tekstonan? Pa kuminsá e tekstonan tokante
Job lo no tabatin sentido si tabata ke men e idea di bendishoná. Pakiko Job den Job 1:5 lo
ke trese ofrenda pa Dios den kaso ku su yunan a “alabá” Dios den nan kurason? Konteksto di
e relato ta rekerí un otro nifikashon. Meskos ta konta pa Job 1:11 i Job 2:5. Pakiko Satanas
lo a kere ku ora kos malu pasa ku Job, ku e ta bai bendishoná i elogiá Dios pa esei? Atrobe e
konteksto ta rekerí pa e nifikashon no ta elogiá ni bendishoná, pero maldishoná. Pakiko Job
ta papia asina ku su kasá si su kasá ta bis’é pa alabá Dios? (Job 2:9, 10). Ku e konteksto ku
tin, e teksto tin nifikashon solamente ora e palabra ke men “maldishoná”.
Pakiko e eskritor no a usa anto e palabranan komun di “maldishoná”? Estudiosonan ta pensa ku esaki ta asina pasobra e konsepto di maldishoná Dios, tabata ofensivo pa e sensibilidat religioso di e eskritor. Na lugá di e palabra “maldishoná” Moises a usa e ora ei e palabra
“bendishoná, ounke ta opvio ku ke men maldishoná.
Preguntanan pa Diskushon:
• Pakiko ta un reakshon natural pa hende duda di Dios Su eksistensia ora kosnan bai
malu? Pakiko nos tin ku sigui kere den e mundu kaí aki den e krus?
• Nos konosé fondo di e historia di Job, te asina leu ku nos sa, Job no tabata sabi esaki.
E tabata sabi so ku kosnan malu tabata pasando kuné, pero e no tabata sabi pakiko.
Kiko esaki ta bisa nos di e forma kon nos ta atendé ku kontratiempo, i kon nos mester
keda kòrda ku tin hopi kos mas na wega di loke nos sabi?
36
Djabi è rn è 1 4 ò k t o be r
Djasabra
37
Djasabra 1 5 ò k t o be r
Djasabra
“TA PORNADA JOB TA TEME DIOS?”
JOB 2:4-13
PREGUNTA PA KIBRA EIS:
Kua forma di sufrimentu ta parse esun di mas pió pa bo?
MI TA REKONOSÉ:
Nos teksto ta un parti di e introdukshon di e buki Job, ku ta manera un historia.
E ta trata di un segundo seri di kalamidatnan ku ta toka Job. Esaki ta sosodé riba
inisiativa di e enemigu, pero ta keda aprobá dor di Dios, pa purba motivashon di
su fe den Dios. E buki ta duna un resúmen di Job, di su kasá i su tres amigunan,
pa loke a pasa kuné.
MI TA STUDIA:
 Lesa di nobo e kapítulonan 1 i 2 den vários tradukshon di Beibel.
 Kiko ta paresido i kiko ta diferente entre e dos oudiensianan selestial, deskribí
den Job 1:6-12 i 2:1-6?
 Ki personahenan ta envolví? Ki ròl kada un di nan ta hunga: e yunan di Dios,
Satanas (e kontrapartida), Dios, Job, e kasá di Job i e tres amigunan di Job?
 Di kiko e segundo ola di miseria ku a toka Job tabata konsistí? Kua ta síntomanan di su malesa? Kua ta resultado pa loke ta trata su lugá di biba i su
kontaktonan sosial?
MI TA KOMPRONDÉ:
 E palabra Hebreo pa “kontrapartida”, referí tambe na dje komo Satanas (vs. 4,
5, 6) ta un nòmber general. Den 1 Kronikanan 21:1 el a bira un nòmber propio.
 E verbo ku a usa pa tradusí “maldishoná” (vs. 5, 9) ta en realidat e palabra
pa papia bendishon-nan, usá den forma iróniko pa indiká nèt lo kontrario. E
kontrapartida ta konvensí ku Job ta bai para zundra i maldishoná, i mustra dor
di esaki ku semper el a aktua for di interés propio. Kisas Job su kasá a spera
ku Job lo haña un morto repentino, i pronto lo keda librá di su sufrimentu, si e
bisa algu pa ofendé Dios. E “stòf i sushi” ku Job tabata sinta riba dje i e pida di
wea di klei kibrá (vs. 8) ku el a haña pa raspa su kurpa kuné, ta duna indikashon ku e no tabata biba mas na kas, pero pafó di stat den un lugá di basura,
kaminda e hendenan tabata bai tira nan sushi.
 Loke ta trata e tres amigunan, ta solamente e lugá di biba di esun promé ta
keda menshoná. Einan e desendientenan di Esau tabata biba, e Edomitanan
(mira Génesis 36:4, 10, 11, 15; 1 Kronikanan 1:36; Jeremias 49:7; Abdias 8, 9).
38
Djasabra 1 5 ò k t o be r
Djasabra
MI TA APLIKÁ:
 E pregunta kardinal ku ta bin dilanti den e buki Job ta esun di orígen di sufrimentu
i ken ta res-ponsabel di dje. Den sekshon di e tekstonan aki nos ta mira di nobo e
diferensia entre okashoná i pèrmití? Esei ta duna bo satisfakshon? Pakiko si, pakiko
nò? Tras di e dos aktitutnan aki tin mesun motivashon: tèst.
 Ku prueba abo lo por a soportá pa pasa dor di e tèst aki?
 Ken bo ta pone responsabel si bo mes tin ku sufri, òf bo mira otronan sufri?
 Kon bo por ta kla pa sigui sirbi Dios, ora esei pasa ku bo?
MI TA MEDITÁ:
Señor, yuda mi ta manera e amigunan di Job den e sekshon aki di e
tekstonan: pa ta huntu ku e persona
ku ta sufriendo, i di por keda ketu.
39
Djasabra 1 5 ò k t o be r
Djasabra
TA BIRA SERIO
Pregunta inisial
Kiko bo a siña di e Ted Talk ‘Want to be happy? Be grateful’? Kompartí ku e grupo.
Lesa huntu Jòb 2:1-10
Pregunta
Bo a yega di haña un aksidente? Kiko esei a hasi ku bo? Konta e grupo.
Inspirashon
‘Akaso nos tin ku aseptá loke ta bon for di Dios i no aseptá atversidat.’1
Trata e teksto
 Djadumingu: vèrsikulo 1-3. Kompará e ekspreshon di 1:6-8 ku 2:1-3. Ki bo ta ripará?
Dikon e eskritor lo ta hasi esei? Kiko tin nobo den e di dos parti aki? Kiko Dios ta bisa
Satanas. Awor ta ken a hasi kiko? Dios a hasi Jòb algu òf Satanas a hasi Jòb algu?
Dikon Dios lo a hasié i dikon nò?
 Djaluna: vèrsikulo 4-7. Satanas ta bai un paso mas leu. Dikon e ta hasi Jòb malu?
Kiko Satanas no tabatin mag di hasi? Dikon nò bo ta pensa? Kiko Jòb su reakshon lo
tabata si e tabata sa e fondo di e susesonan aki?
 Djamars: vèrsikulo 8-10. Kon e kasá di Jòb ta reakshoná? E tin rason? E ta reakshona
diferente for di Jòb. Kiko lo bo por bisa di su fe? Dikon bo ta pensa esei?
Aplikashon
¹ Jòb 2:10, Beibel Santu
40
LÈS DI HOBEN
 Djarason. Algun hende ta pasa den hopi kosnan fèrfelu. Bo konosé un hende pa ken
esaki ta konta? Ki ora susenonan ta dal hende mas duru? Kon Dios ta duna forsa i
yudansa? Kon Jòb lo a haña forsa den su fe?
 Djaweps. Ken bo ta pensa ta kousa e kosnan fèrfelu den bo bida? Ta Dios, otro hende,
òf e ta bini di bo mes eskohonan i manera di pensa? Kiko ta pasa ora bo tira falta riba
un otro hende, i kiko ora bo mes tuma responsabilidat?
 Djabièrnè. Hopi hende ta reakshoná meskos ku e kasá di Jòb: bo por mihó bira lomba
pa Dios ora E no ta hasi nada pa bo? E reakshon ei ta hustu? Kon nos por sa ku Dios
no ta hasi nada? Diskutí e puntonan aki ku otro.
 Sabat. Jòb ta hopi balente. Su fe ta firme. Kon firme abo su fe ta? Ki ora lo bo por
pèrdè bo fe? Bo por bira mas fuerte den bo fe tambe? Kon esei ta bai? Kiko lo bo
mester eksperensiá pa esei? Diskutí e puntonan aki ku otro.
Djasabra 1 5 ò k t o be r
Djasabra
Tarea
Pensa ku bo grupo kon bo por animá un hende ku tin kontratempu. Pensa algun frase kòrtiku
ku lo bo por bisa. Purba na evitá stigma. Portá bo no a pasa den loke e otro ta pasa, tòg bo
por yuda e otro. Purba.
41