Belastingdienst ta manda invitashon pa entregá Verzamelloonstaat
Transcripción
Belastingdienst ta manda invitashon pa entregá Verzamelloonstaat
Fecha 09-04-2013 KOMUNIKADO Belastingdienst ta manda invitashon pa entregá Verzamelloonstaat 2012 medio aprel 2013 For di aña pasá Belastingdienst Caribisch Nederland a desaroyá un Verzamelloonstaat (Estado di Entrega kompilá) elektróniko. Awor ta spera di doñonan di trabou ku nan ta entregá e Verzamelloonstaat den forma elektróniko via e wèpsait di Belastingdienst. Ya no ta nesesario pa entregá un ‘hard copy’. Lo manda e invitashonnan pa entregá e Verzamelloonstaat medio aprel, ku dia 30 di aprel 2013 komo fecha. Doñonan di trabou na Saba, Sint. Eustatius i Boneiru lo haña tempu amplio pa entregá esaki. Mester entregá e informashon pa mas tardá 30 di yüni 2013 na Belastingdienst. Belastingdienst a laga desaroyá e Verzamelloonstaat elektróniko pa hasi posibel ku e doñonan di trabou i Belastingdienst por traha di forma mas efisiente. Aña pasá kompanianan ku obligashon di retenshon a risibí un nòmber di usuario i un kontraseña pa por entregá nan formulario di forma elektróniko. Den e kaso ku e nòmber di usuario i e kontraseña ya no ta konosí, por manda un email na: [email protected]. No ta nesesario pa warda riba e invitashon pa por entregá e Verzamelloonstaat. E sistema protehá di internèt di e Verzamelloonstaat online ta aksesibel durante hinter aña. Nos t’ei pa sirbibo! Belastingdienst/CN Bonaire Kaya L.D. Gerharts 12 Postbus 329 Kralendijk Sint Eustatius H.M. Queen Beatrixstreet Oranjestad Saba Matthew Levenstone Street The Bottom Contactpersoon: Mw. K. van Dijk Tel: +599 715 85 85 Fax: +599 715 88 00 E-mail: [email protected]