perfekshonamentu di nos fe - Joycita
Transcripción
perfekshonamentu di nos fe - Joycita
Lès 2 4- 10 òktober 2014 PERFEKSHONAMENTU DI NOS FE Lesa pa estudio di e siman aki: Santiago 1:2, 3; 1 Pedro 1:6, 7; Fil. 3:12-15; Santiago 1:19-21; Lukas 17:5, 6; Lukas 12:16-21. Versíkulo di Memoria: “Fihando nos wowo riba Hesus, e outor i kumplidó di fe, Kende, pa motibu di e goso poné Su dilanti, a soportá e sufrimentu di krus, sin hasi kaso di bèrgwensa, i a sinta na man drechi di e trono di Dios.” Hebreonan 12:2 Un dentista a splika dikon su koronanan semper ta sin defekto. “Kontrali na algun dentista,” e a bisa, “nunka mi tin problema ku e koronanan ku ta bini bèk for di laboratorio. Si mi manda pa nan un trabou perfekto, nan ta manda pa mi koronanan perfekto.” E dentista aki no ta preokupá ku e resultado final. E ta enfoká riba su parti den e fase inisial di e proseso. Igualmente, komo kristiannan, nos no mester preokupá si nos karakter lo ta sufisiente bon òf nò na final. Esei ta trabou di Dios. Nos parti ta pa “lucha e bon lucha di fe” (1 Tim. 6:12) teniendo nos wowonan fihá riba Hesus, “e outor i kumplidó di fe” (Heb. 12:2). Tal fe den Kristu ta kapasit’E pa obra den nos “tantu pa kier komo pa hasi segun Su bon boluntat” (Fil. 2:13) i pa terminá e bon obra ku E a kuminsá (Fil. 1:6). Sin fe ta posibel pa nos sinti derotá hasta promé ku nos kuminsá pasobra nos ta enfoká mas riba nos mes ku riba djE. Manera Hesus ta bisa: “Esaki ta e obra di Dios, pa boso kere den Esun ku E a manda” (Huan 6:29). Santiago, manera nos lo mira, ta yuda nos komprondé e bèrdat spiritual importante aki. *Studia lès di e siman aki pa prepará pa Sabat, 11 òktober 21 Djadumingu 5 òktober Lès 2 FE TA PERDURÁ Lesa Santiago 1:2, 3; 1 Pedro 1:6, 7; 4:12, 13. Kua ta e aktitut general di tantu Santiago komo Pedro relashoná ku pruebanan? Kon ta ser sperá di nos pa relashoná ku e mandato bíbliko inkreibel aki? Ningun hende ta gusta sufrimentu; si nos por, kasi semper nos ta trata di evit’e. E palabra griego usá den vèrso 3 pa purbamentu di nos fe ta dokimion. E ta referí na e proseso di proba genuinidat di un kos. Pedro ta gusta e tèstmentu aki òf e aprobamentu di nos fe manera kandela ta purifiká oro; ounke ku tal tèstmentu no ta plasentero, Dios ta spera un resultado eksitoso. Pruebanan no mester deskurashá nos; pasobra, si nos keda fiel, nos lo “sali manera oro” (Yòp 23:10, kompará ku Prov. 17:3). Asina anto, nos mester regosihá ora ku pruebanan bini, spesialmente over di nos fe, pasobra Hesus ta bisa: “Regosihá i sea kontentu, pasobra boso rekompensa den shelu ta grandi” (Mat. 5:12). Tambe pruebanan ta profundisá nos apresio pa loke Kristu a soportá pa nos. Manera 1 Ped. 4:13 ta apuntá, nan ta kapasitá nos pa partisipá den sufrimentunan di Kristu. En breve, nos mester wak dor di i tras di kada prueba i visualisá e resultado ku Dios ke alkansá. Ta einan fe ta drenta. Nos mester kere den un Tata amante, dependé riba Su sabiduria i aktua riba base di Su Palabra. Nos por konfia nos futuro di forma sigur na djE (wak Rom. 8:28). De fakto, solamente dor di fe, dor di konosé pa nos mes e amor di Dios i biba pa fe den lus di e amor ei, nos posiblemente lo por regosihá den nos pruebanan. Den Santiago 1:3, e blanko final di e prueba di nos fe ta “pasenshi” (NKJV). E palabra griego (hypomonē) por wòrdu tradusí tambe komo “resistensia” òf “perseveransia”. Hypomonē ta referí na e loke ku ta keda mas largu ku tur otro kos pasobra e ta deskansá konfidentemente den e seguridat di Dios Su liberashon final (manera den Lukas 21:19). Ta un kos pa keda fiel na Dios durante di pruebanan; ke men, pa no pèrdè bo fe pero pa tene duru na Señor, hasta den e momentunan di mas difísil. Pero nos a wòrdu bisá pa “regosihá” den nos pruebanan. Esei no ta pidimentu di mas? Final di kuenta, tin biaha por ta sufisiente duru djis pa keda fiel den pruebanan, pero pa regosihá den nan? Sinembargo, ta esei a wòrdu bisá na nos; kon, anto, nos por siña regosihá ora ku regosihamentu ta e último kos ku nos ta sinti pa hasi? 22 Lès 2 Djaluna 6 òktober PERFEKSHON Lesa Santiago 1:2-4. Nota e progreso: fe, prueba, pasenshi, perfekshon. Santiago ta kuminsá ku fe pasobra esei ta e fundeshi di tur eksperensia kristian berdadero. Despues e ta bisa ku nos tin mester di pruebanan pa tèst e genuinidat di nos fe. Por último, Santiago ta deklará ku pruebanan por siña nos perseveransia, ku asina eventualmente nos lo no wòrdu kohé pa sorpresa i wòrdu vensé dor di nan. Dios Su blanku pa nos ta ku nos “por ta perfekto i kompleto, sin falta di nada” (Santiago 1:4). E lenguahe no por tabata mas notabel. E palabra perfekto (teleios) ta nifiká madures spiritual, miéntras ku kompleto (holokleros) ta referí na integridat di tur forma. Di bèrdat, nos por bira asina tantu mas den Señor si nos muri na e ami i permitiÉ traha den nos “pa kier komo pa hasi segun Su bon boluntat” (Fil. 2:13). Lesa Efesionan 4:13 i Filipensenan 3:12-15. Ki aktitut pa ku “perfekshon” kristiannan ta wòrdu enkurashá pa tin? Manera Pablo, siguidónan di Kristu nunka lo ta satisfecho ku kualke kos ku no ta un ehèmpel pa nan bida ku ta segun e amor no-egoista i di sakrifisio di nan Maestro. Pero nunka nos lo sinti komo sifuera nos a “optené ya kaba” òf “ya kaba ta perfekshoná”. Nota tambe den e pasashinan e énfasis riba futuro. Pablo ta apuntá adilanti loke ku e a wòrdu primintí den Dios dor di fe den Hesus. Nunka den e kanamentu kristian lo tin un tempu kaminda nos por bisa “Mi a alkansá,” por lo ménos loke ta konserní karakter. (Bo a yega di ripará tambe ku esnan ku ta bisa ku nan a “alkansá” por lo general ta desagradabel i yen di hustisia propio?) Nos ta manera un obra di arte; semper nos por wòrdu mehorá, i Dios ta primintí di hasi esei mesun tantu tempu ku nos ta lucha padilanti den fe, buskando pa entregá nos mes na djE diariamente den konfiansa i obedensia. Si bo muri aworakí, lo bo ta sufisiente bon pa ta salbá? Òf si bo a muri dos siman despues ku bo a aseptá Hesus, lo bo tabata bon sufisiente pa ta salbá? Bo ta kere ku denter di seis luna lo bo ta bon sufisiente? Kiko bo kontesta ta bisa bo over di bo nesesidat pa e mantel perfekto di hustisia di Kristu, a apesar di kualke nivel di “perfekshon” ku bo alkansá? 23 Djamars Djadumingu 7 òktober Lès 2 PIDIENDO DEN FE Lesa Santiago 1:5, 6. Kon sabiduria ta diferente for di konosementu? Ki konekshon Santiago ta hasi entre sabiduria i fe? E por ta parse un poko straño ku Santiago ta bisa: “Ma si kualkier di boso falta sabiduria.” Ken ta pensa ku e tin sufisiente sabiduria pa kuminsá kuné? Salomon, por ehèmpel, rekonosiendo su nesesidat, humildemente a pidi pa “un kurason di komprondementu pa . . . diserní entre bon i malu” (1 Reinan 3:9). Despues e a skirbi: “E temor di Señor ta e prinsipio di sabiduria” (Prov. 9:10). Nos ta inkliná pa pensa di sabiduria komo e loke ku nos sa. Kon e siguiente tekstonan, sinembargo, ta mustra nos kua ta un otro banda di sabiduria berdadero? Santiago 1:19-21; 2:15, 16; 3:13. Tantu Proverbionan i Santiago ta deskribí sabiduria komo algu masha práktiko: nó loke nos sa pero kón nos ta biba. Por ehèmpel, siendo “lihé pa tende, no lihé pa papia” (Santiago 1:19). Plato a bisa: “Hòmbernan sabí ta papia pasobra nan tin algu di bisa; bobonan pasobra nan tin gana di bisa algu.” Den palabranan diferente, nos por tin tur sabiduria ku mundu ta ofresé pero tòg tin falta di sabiduria berdadero. Klaru, pasobra Dios ta e fuente di tur sabiduria, nos ta atkirí sabiduria mayormente dor di skuch’É - lesando Su Palabra i pasando tempu meditando i kontemplando e bida di Kristu ”Kende a bira pa nos sabiduria for di Dios” (1 Kor. 1:30). Dor di siña pa reflehá e karakter di Kristu den nos mes bida, nos ta biba e bèrdat manera e ta den Hesus. Esei ta sabiduria berdadero. Lesa Santiago 1:6 atrobe. Nos mester pidi ku fe, sin duda. Esei, tin biaha, no ta difísil? Ken no sa lucha ku duda, tin biaha? Ora ku esei sosodé, loke ku ta krusial ta pa hasi orashon i kuminsá para ketu riba tur e motibunan ku nos tin pa fe: e bida di Hesus, e profesianan den Beibel, i nos mes eksperensianan personal. Kon, hasiendo esaki, por yuda nos pasa dor di kualke duda ku lo por lanta okashonalmente? 24 Lès 2 Djarason Djaluna 8 òktober E OTRO BANDA DI FE Lesa Santiago 1:6-8. Kiko e ta bisa nos akinan? E palabra pa “duda” ta referí na ser dividí interiormente; esaki ta yuda nos komprondé su konekshon ku indesishon. Nos ta wak un ehèmpel kla di esaki na KadeshBarnea. Israel tabata enfrentá un skohementu aki: bai dilanti ku fe òf rebeldiá kontra di Señor. Asombrosamente nan a skohe pa rebeldia i tabata kier a bai bèk den sklabitut di Egipto. Ora ku Dios a intervení i a anunsiá via di Moisés ku nan lo muri den desierto, diripiente e pueblo “a kere”! Nan a bisa: “Nos a peka, ma nos lo subi bai na e lugá ku Señor a primintí” (Num. 14:40). “Awor nan tabata parse sinsero pa arepentí di nan kondukta pekaminoso pa motibu di e resultado di nan proseder malu mas bien ku for di un sentido di nan ingratitut i desobedensia. Ora ku nan a ripará ku Señor no a suavisá Su ordenansa, nan kier a lanta atrobe i nan a deklará ku nan lo no bai bèk den desierto. Dor di komandá nan pa retirá for di tera di nan enemigunan, Dios a tèst nan sumishon aparente i a proba ku e no tabata real.”---Ellen G. White, Patriarchs and Prophets, p. 391. Lesa Lukas 17:5,6. Kiko Hesus ta kontando nos akinan over di fe? Ora ku e disípulonan a pidi pa mas fe, Hesus a bisa ku fe tamaño di simia di mòster tabata abundante. Loke ku ta konta ta si nos fe ta bibu i kresiendo, i esaki por i lo sosodé solamente miéntras nos kontinuá ehersiendo e fe ei dor di buska i konfia den Dios bou di tur sirkunstansia. Pero tin biaha duda ta drenta. Nos mundu ta bombardiá nos ku duda i inkredulidat; ningun hende ta imün. Tur loke ku nos por hasi pa pasa dor di dje ta hasi orashon, rekordando Dios Su fieldat den pasado i konfiando den djE pa nos futuro. Kua ta tur e motibunan ku bo tin pa konfia den Dios i den Su promesanan i biba pa fe? Pensa over di nan, papia ekstensamente over di nan i bo fe lo no hasi otro sino krese. 25 Djaweps 9 òktober Lès 2 E RIKU I E POBER Den e karta kòrtiku aki Santiago ta mustra gran preokupashon pa hende pober; algun hende hasta ta konsider’é su tópiko mas importante. Pero pa oreanan moderno, su atakenan kontra e rikunan i na fabor di e pobernan ta parse ekstremo, hasta spantoso. Na e mesun momentu, sinembargo, San-tiago no ta bisando nada masha diferente for di loke Hesus a bisa. Kompará Sant. 1:9-11 ku Lukas 8:14; kompará Sant. 1:27 ku Mat. 25:37-40; kompará Sant. 2:15, 16 ku Luk.10:29-37; i kompará Sant. 5:1-4 ku Luk. 12:1621. Kua ta e mensahe komun pa nos einan? Ki seramentunan i atmonishonnan nos tur por kita for di loke ta asina kla ekspresá akinan? Klaru, Santiago no ta sera e portanan di e reino pa e hendenan riku. Pero, manera Hesus, e ta rekonosé e tentashonnan astuto ku ta bini huntu ku rikesa. Riku òf pober, nos mester mantené nos wowonan fihá riba e premio real. E problema ku plaka ta ku e tin tendensia pa gaña nos pa enfoká riba loke ta temporal enbes di riba loke ta eterno (2 Kor. 4:18). No tin duda, atkisishon di rikesa, edukashon superior, òf influensha sosial trempan a mantené e dos klasenan aki huntu dor di pone balornan mundano kabes abou. Esun ku tin e lugá mas abou, e parti di humildat, ta esun ku por gloria den eksaltashon. Tanten ku tin hende ku hamber den e mundu di Dios ku mester wòrdu alimentá, esnan sunú ku mester wòrdu bistí, almanan peresiendo dor ku nan falta e pan i awa di salbashon, tur indulgensia innesesario, tur loke ta di mas na kapital, ta supliká pa e pobernan i esnan sunú.”---Ellen G. White, Welfare Ministry, p. 269 Enkuanto di bo mes awor? Sea riku òf pober, no ta importá; loke ta konta ta, kon bo ta relashoná ku plaka. Ta kiko tin ku plaka ku ta hasié asina poten-sialmente peligroso pa nos alma? Lès 2 Djabièrnè 10 òktober MAS ESTUDIO: Ellen G. White: “The Sermon on the Mount.” Pag. 298-314, den The Desire of Ages. “Dios lo ke pa Su sirbidónan sera konosí ku nan propio kurason. Pa por logra duna nan un konosementu berdadero di nan kondishon, E ta permití kandela di aflikshon asaltá nan, ku asina nan por wòrdu purifiká. E pruebanan di bida ta Dios Su obreronan pa kita e impuresanan, enfermedatnan, i rasgonan malu for di nos karakter, i fit nan pa e sosiedat di angelnan puru i selestial den gloria. Ora ku nos ta pasa dor di prueba, ora ku kandela di aflikshon ta kima nos, nos lo no tene nos wowonan fihá riba e kosnan ku no por wòrdu mirá, riba herensia eterno, e bida inmortal, e peso di gloria muchu mas spesial i eterno? I miéntras ku nos ta hasi esaki, e kandela lo no konsumí nos, pero lo kita solamente e impuresa, i nos lo keda shete biaha purifiká, kargando e seyo di e Divino.”---Ellen G. White, The Advent Review and Sabbath Herald, April 10, 1894. PREGUNTANAN PA DISKUSHON: • Kua ta e personahenan di Beibel ku bo ta haña mas alentador den tempunan di sufrimentu? Bo a siña di haña goso den pruebanan? Si ta asina, kompartí ku e klas kiko a yuda bo hasi esaki. Na e mesun momentu, si bo no tabata kapas pa regosihá den bo sufrimentunan, papia over di esei tambe den klas (esta si bo ta sinti bo bon pa hasi esei). • Pasa mas tempu riba e idea aki ku sabiduria berdadero no ta asina tantu konosementu di kabes, pero loke nos ta hasi den fe dor di Kristu. Na e mesun momentu, dikon esaki no ke men ku konosementu di kabes no ta importante? Dikon, por ehèmpel, teniendo doktrina falsu por ta masha desbentahoso pa un hende su kanamentu ku Señor? • • Un hòmber hóben tabatin un amigu ku tabata pasa dor di pruebanan pisá. Ounke ku e hòmber hóben tabata sinti malu pa wak e pruebanan, e a ripará ku su amigu tabata krese den grasia. Ora ku e pruebanan a pasa, su amigu di bèrdat a kambia, anto e a bira mihó! Ki siñansa bo a saka for di bo pruebanan ku tabata spiritualmente benefisioso pa bo? Puntra bo mes: lo mi por a siña di nan di kualke otro forma? Kiko bo por bisa un hende ku ta parse di ta sinsero den fe i tòg ta atmití ku tin biaha duda ta drent’é? Kon lo bo por yuda? Lès 2 Djasabra 11 òktober E LÈS DI FORMA RESUMÍ Versíkulo Klave: Hebreonan 12:2 E STUDIANTE LO: Konosé: (1) Realisá ku Hesus ta e Perfekshonadó di nos fe; (2) rekonosé ku pruebanan ta hèrmènnan ku ta fortifiká i purifiká fe; (3) komprondé ku berdadero sabiduria ta trata mas di e manera ku nos ta biba ku di loke nos sa. Sinti: Eksperensiá e goso i satisfakshon ku ta resultá for di konfiansa den Dios, risibiendo Su sabiduria i kresiendo den madures spiritual. Hasi: Determiná pa mantené nos wowonan fihá riba Hesus, enfokando riba realidatnan eterno mas tantu ku riba esunnan temporal. BOSKEHO DI ESTUDIO: Konosé: Komprondé Kon Hesus ta Perfekshoná Nos Fe A. Kiko ta fe? Kon pruebanan ta edifiká i fortifiká fe? Dikon nos ta wòrdu bisá pa regosihá den pruebanan? Kon esei ta posibel? B. Kua ta e relashon entre fe, sabiduria i madures spiritual? Kon nos ta alkansá e atributonan importante aki? C. Sea riku òf pober, dikon ta importante kon nos ta dil ku plaka? Kiko ta asina peligroso pa ku rikesa terenal? Sinti: Eksperensiá Goso Berdadero I Ku Ta Perdurá A. Kon sabiduria i madures spiritual ta kontribuí na goso berdadero i perdura bel? B. Ki tipo di sintimentu(nan) bo ta eksperensiá ora ku bo sa ku bo ta bon ku Dios? Hasi: Enfoká Riba Realidatnan Eterno A. Bo ta haña ku ta mas fásil pa kere den loke bo por opservá ku bo sentidonan? Dikon, òf dikon nò? B. Den ki formanan spesífiko nos por enfoká riba e realidatnan eterno di Dios, mas bien ku riba e plasernan i tristesanan temporal di e tera aki? Resúmen: Santiago ta mustra nos kon Hesus ta e Perfekshonadó di nos fe i ta splika kon Dios ta usa pruebanan pa fortifiká i purifiká nos fe. Tèstmentu ta siña pasenshi i perseveransia, guiando na sabiduria i madures spiritual. San-tiago ta hasi énfasis tambe kon sabiduria berdadero ta revelá su mes dor di “bon kondukta” i humildat. E ta rekordá nos ku duda ta guia na instabilidat, i fe ta rekerí ehersisio pa keda na bida i krese. Finalmente, Santiago ta rekordá nos pa no ta mará na rikesa terenal, pero na lugá di esei pa revelá un spiritu kariñoso i generoso. 28 Lès 2 Djasabra 11 òktober STAP 1 / MOTIVÁ Spòtlait riba Skritura: Hebreonan 12:1, 2 Konsepto Klave pa Kresementu Spiritual: Ora ku nos mantené nos wowonan fihá riba Hesus, e Perfekshonadó di nos fe, nos ta siña rekonosé pruebanan komo hèrmènnan ku Dios ta usa pa fortifiká i purifiká nos fe. Djis pa Maestronan: Algun hende ta sinti inkómodo ora ku e palabranan perfekto òf perfekshon wòrdu menshoná. Ya ku ningun hende, ku eksepshon di Hesus, ta “perfekto,” un ta bèrdat? Pero kon maravioso ta pa sa ku Hesus ta “e outor i kumplidó di fe” (Heb. 12:2). Enfoká riba e promesa aki i su implikashonnan práktiko ku bo klas. Kiko ke men pa tin un fe perfekto (tambe tradusí komo kompletu òf finalisá), i kon esaki ta wòrdu kumplí? Aktividat di Apertura/Diskushon: David i Nancy Guthrie tabata parse di ta manera kualke otro mayor kendenan tabata spera nan yu, mirando felismente adilanti na su nasementu. Pero ora ku Hope chikitu a nase, siñalnan fo’i trempan a indiká ku algu a bai teriblemente robes. E resien nasí no tabatin kapasidat pa chupa, i e tabatin su pianan birá paden. Tèstmentu a revelá ku Hope tabatin e síndrome di Zellweger, un enfermedat ku “ta destruí strukturanan esensial yamá peroksisomenan den kada sélula. Resien nasínan ku Zellweger tin dañonan selebral severo, hopi biaha nan ta siegu i surdu, i no por kome di forma oral.” David Van Biema, “Modern-Day Job: When God hides His face,” sitá den The Baptist Standard, 30 yüli 2001, http://assets.baptiststandard.com /archived/2001/7_30/pages/gut hries.html. Sin ningun tratamentu òf kuro konosí pa e enfermedat di Zellweger, Hope a biba nèt 199 dia. E probabilidat di tin un djin (gene) resesivo di e Síndrome di Zellweger ta 1 riba 160; tantu David komo Nancy a haña sa ku nan tabata portadó. “E probabilidat pa dos portadó topa otro i haña yu ku ta sufri di e síndrome ta rònt di 1 riba 100.000,” di akuerdo ku e artíkulo den Baptist Standard. Despues di e eksperensia tan doloroso ku beibi Hope, David a disidí pa laga hasi vasektomia (sterilisashon). E probabilidat pa un muhé sali na estado despues ku su esposo a kumpli ku e prosedura aki tabata aproksimadamente 1 riba 2.000. Un aña i mei despues, Nancy a sali na estado atrobe. Un tèst ku un muestra di plasenta a revelá notisia teribel – e beibi tabatin e Síndrome di Zellweger. Promé ku e kumpli su promé aña di bida, e beibi aki lo kompartí un graf ku su ruman muhé Hope. “Si Dios a pidi mi pa sufri esaki signifikantemente,” Nancy a bisa, “mi ta pensa ku E tin algu signifikante ku E ke hasi kuné atraves di mi, kisas djis den mi kurason.” Pensando riba Yòp, Nancy a reflekshoná ku e “tabata bendishoná den su deskonsolashon, dor di su siguimentu agitá di Dios. E tabatin un relashon nobo, mas íntimo ku 29 Lès 2 Djasabra 11 òktober Dios, un ku nunka e lo por a haña sin doló i kontratempu. Den e dianan di mas skur, nos a eksperensiá un forsa i pas sobrenatural. Hopi biaha nos no por mira e propósitonan skondí di Dios. Pero nos por determiná pa ta fiel i sigui kana den Su direkshon den tur e skuridat.” – David Van Biema, “Modern-Day Job: When God hides His face,” Time magazine, re-imprimí den The Baptist Standard, 30 yüli 2001, http://assets.baptiststandard. com/archived/2001/7_30/pages/guthries. html. Konsiderá Esaki: Den e storia ariba, Nancy ta komentá ku Yòp “tabatin un relashon nobo i mas íntimo ku Dios, un relashon ku nunka e lo por tabatin sin doló i kontratempu.” Kiko bo ta pensa? E ta posibel pa tin un relashon fuerte i íntimo ku Dios sin nunka eksperensiá doló i kontratempu? Dikon, òf dikon nò? STAP 2 / EKSPLORÁ Djis pa Maestronan: Signifikantemente pa nos komo Atventistanan di Shete Dia, Santiago ta konektá sabiduria ku e tipo di tèstnan i pruebanan ku Dios Su pueblo lo enfrentá den fin di tempu. Tal sabiduria ta “ e poseshon presente di e remanente hustu, manera e loke ku ta kapasitá nan pa resistí i padesé e pruebanan di e siglo aki.” – Peter H. Davids, The Epistle of James: A commentary on the Greek Text (Grand Rapids, Mich.: Eerdmans, 1982), pag. 71, 72. E sorto di sabiduria aki, di akuerdo ku Santiago, ta bini komo un regalo, pa medio di fe. E ta lanta para na ora di prueba; i si nos kere i skucha Dios Su Palabra pa e sabiduria aki, lo e ta di nos (Marko 11:24). Mustra bo klas kon e temanan aki hañá den Santiago ta similar na deskripshon di e remanente den Revelashon 14:12, ku ta referí na e “perseveransia” di esnan ku tin “e fe di Hesus” i ta biba pa mir’E bin (wak Rev. 14:14-16). Enfatisá ku Hesus ta e Perfekshonadó di nos fe (Heb. 12:2) i ku E ta hasi esei atraves di vários medionan, inkluyendo pruebanan i otro eksperensianan ku ta siña nos sabiduria, guiando nos pa wòrdu halá mas bien na kosnan eterno ku na kosnan temporal. KOMENTARIO BÍBLIKO Un Nubia Grandi di Testigu (Revisá Hebreonan 11 ku bo klas.) Abel, pèrdiendo su bida, a sigui Dios Su instrukshonnan relativo na e sorto di sakrifisio ku e mester a trese pa adorashon. Enoc a biba den komunion asina será ku Dios ku e a wòrdu trasladá. Noe a para virtualmente su só kontra un mundu inkrédulo ku tabata na punto di wòrdu destruí. Abraham a bandoná su hogar i pais pa un “mihó tera” ku Dios a primintí di mustr’é. Sara a kere ku Dios lo a mantené Su promesa i ku e lo haña un yu hòmber, ounke ku físikamente esei tabata imposibel. Tur e hendenan aki, komo tambe e otronan menshoná den Hebreonan 11, a pone nan fe i konfiansa den Dios Su palabra i promesa, ounke ku kisas nan no a komprondé nan kompletamente i lo no biba pa mira nan kumplimentu kompletu. Hopi di e héroenan aki tabata un tipo di “remanente 30 Lès 2 Djasabra 11 òktober fiel” – nan tabata para práktikamente nan só ora ku e mayoria enorme tabata pensa di forma diferente. Spesialmente Enoc a biba den un tempu ku maldat tabata inkontrolabel; sinembargo, “e no a mancha su mes ku pikánan ku tabata prevalesé den e siglo den kual e tabata biba. Ohalá nos por keda puru i sin korupshon.” – Ellen G. White, Testimonies for the Church, vol. 2, pag. 122. Konsiderá Esaki: Kua héroenan bíbliko den Hebreonan 11 ta nifiká mas pa bo komo ehèmpelnan di fe i pakiko? Kon lo bo splika e diferensia entre fe berdadero i fe falsu? Nota Hebreonan 11:3, 6 i e sita aki for di Gospel Workers: “Fe ta reklamá Dios Su promesanan i ta pari fruta den obedensia. Presunshon tambe ta reklamá e promesanan, pero ta usa nan manera Satanas a hasi, pa ekskusá transgreshon. . . . No ta fe ta reklamá e fabor di Shelu sin kumpli ku e kondishonnan riba kual miserikòrdia mester wòrdu duná. Fe genuino tin su fundeshi den e promesanan i provishonnan di Skritura.” Ellen G. White, Gospel Workers, pag. 260. Ki akshonnan spesífiko e “gran nubia di testigunan” aki ta, teniendo komo ophetivo pa wòrdu enkurashá den nos awe? (Wak Heb. 11:13-16, 12:1.) Mirando na Hesus for di Kuminsamentu te Fin (Revisá ku bo klas: Hebreonan 12:1-4.) Hesus ta wòrdu yamá e “outor i perfekshonadó” di nos fe (Heb. 12:2, NASB). Fe mes ta un regalu, kual ta e motibu dikon Hesus ta su outor. E palabra pa “outor” ta archēgos, ku ta wòrdu usá den Tèstamènt Nobo solamente pa Hesus. E ta “e Outor di bida” (Echonan 3:15, ESV) i fundadó di nos salbashon (Heb. 2:10). Den Hebreonan e palabra archēgos ta referí spesífikamente na e obra di Hesus di habri un kaminda di salbashon pa kreyentenan sigui. Ta dor di nos skuchamentu na Su palabra (Rom. 10:17) i hañando salbashon den djE, ku fe ta krese. E ta tambe e perfekshonadó di nos fe, pasobra solamente Esun ku a tuma nos naturalesa (Heb. 2:14-18) i a wòrdu tentá manera nos, pero sin nunka a peka (Heb. 4:15, 16) por duna nos poder pa obedesé i siña nos kon pa resistí tentashon. Studiando Su bida i pensando profundamente over di e manera kon E a trata otronan, spesialmente esnan ku tabata kontra di djE, nos fe ta krese. “Hasta den pensamentu E (Hesus) no a sede pa tentashon. Asina por ta ku nos tambe. . . . Tanten ku nos ta uní kunE den fe, piká no tin dominio mas riba nos. Dios ke alkansá e man di fe den nos pa dirigié pa tene na e divinidat di Kristu, pa asina nos por logra perfekshon di karakter.” Ellen G. White, The Desire of Ages, pag. 123. Konsiderá Esaki: Dikon ta wòrdu bisá ku e remanente, djis promé ku Hesus bini, no solamente ta warda e mandamentunan di Dios pero tambe “e fe di Hesus” (Rev. 14:12)? Kon e dos atributonan aki ta relashoná ku otro? 31 Djasabra 11 òktober Lès 2 Kuantu paralelo bo por haña entre Enoc i esnan ku ta biba pa mira Hesus bin? (Wak: Patriarchs and Prophets, pag. 86-89.) Lesa Santiago 1:2-4 den lus di Revelashon 14:12. Kua ta e relashon entre resistí tentashon, soportá pruebanan ku pasenshi, i desaroyo di karakter? STAP 3 / APLIKÁ Djis pa Maestronan: E lès aki ta indiká un kaminda kristalino di fe ku ta: manteniendo nos bistanan fihá riba Hesus, ta mas fásil pa enfoká riba realidatnan eterno ku riba bida temporal, ku ta yuda nos soportá pruebanan ku pasenshi, fortifikando i purifikando nos fe. E pasenshi i fe risibí di shelu, deskribí den Santiago 1:3, 4, ta e mesun atributonan deskribí den Rev. 14:12 – “At’akí e pèrseveransia di e santunan ku ta warda e mandamentunan di Dios i nan fe den Hesus.” Kon e realidat aki ta yuda nos regosihá, pa “konta tur esaki komo goso” ora ku nos ta sufri dor di pruebanan? Pensamentu/Preguntanan di Aplikashon: Beibel ta bisa nos pa “pone boso mente riba e kosnan djariba, no riba kosnan ku ta riba tera” (Kol. 3:2). Un outor a deklará ku “Kontrali na opinion públiko, teniendo e mente riba kosnan selestial semper ta inspirá nos pa ta mas mihó den kosnan terenal.” – Keith Krell: “Heavenly Minded and Earthly Good (1 Kor. 3:18-4:5),” http://bible.org/ seriespage/heavenly-minded-and-earthly-good-1-corinthians-318-45. Hasi bo klas e siguiente preguntanan: Kiko ke men pa enfoká riba “realidatnan eterno,” òf “pone bo mente riba kosnan djariba”? Kon, spesífikamente, nos ta hasi esei miéntras ku nos ta biba riba tera? Kiko ta “realidatnan eterno” i pasikiko nos mester enfoká riba nan? Fe ta un regalu, pero ta kon nos ta risibié? (Wak Rom. 10:17.) STAP 4 / KREA Aktividat: Invitá bo studiantenan pa partisipá den un òf mas di e siguiente aktividatnan: 1. Identifiká un himno ku a duna bo forsa i kurashi durante di un tempu difísil den bo bida. Kanta e kantika ei pa bo klas, òf traha un poster bunita dekorá, destakando e palabranan di e himno. 2. Buska un òf mas potrèt di pasado ku a wòrdu saká durante di un tempu ku Dios tabata partikularmente serka di bo. Mustra e potrèt i kompartí e storia over di e tempu ei ku un hende ku tin mester di algu di enkurashamentu. 3. Bai kana den airu liber i buska formanan ku Dios a generá bunitesa, hasta bou di sirkunstansianan menos-ku-ideal. 32