Reglanan di SMS campaign Final
Transcripción
Reglanan di SMS campaign Final
Reglanan pa TeleCuraçao (51 aña) SMS Car Game 2011: 1. TeleCuraçao ta bin ku un SMS Car Game ku chèns di gana un outo Voleex 2011. 2. E outo su preis ta un preis predeterminá pa TeleCuraçao ku ta varia entre Naf. 1,- i Naf. 50.000,- (Pues no ta preis di agensia). 3. Partisipantenan mester manda un SMS na 1919, indikando preis di e outo. Por manda kuantu SMS ku ta deseá. Preis pa SMS ta Naf. 1.50,-. 4. Henter e kampaña ta keda supervisá dor di un komishon independiente ku ta konsistí di un miembro di SAOB, un Deurwaarder i un persona di Internal Audit. 5. Na prinsipio di e kampaña Gerensia di TeleCuraçao ta entregá un ènvelòp ku e margen di preis predeterminá seyá na e komishon di supervishon pa warda te na final di e kampaña. 6. Partisipantenan mester ta mayor di edat esta 18 aña òf mas. 7. Na momentu ku un partisipante manda su SMS e sistema ta manda un SMS bèk indikando ku e partisipante ta “below” òf “above” di e preis. 8. Na momento ku e partisipante indiká un preis ku ta denter di e margen predeterminá, e ta risibí un SMS bèk ku ta bisa “You’re very close and maybe a finalist to win the 2011 Voleex Car”. 9. Na final (djadumingu 31 yüli anochi 8’or) e komishon di supervishon ta habri e ènvelòp ku ta indiká e margen predefiní ku a wòrdu stipulá pa TeleCuraçao. 10. E sistema lo generá “random” un preis denter di e margen predeterminá pa TeleCuraçao, i outomatikamente ta indentifiká tur e partisipantenan ku tin e preis korekto i ta skohe outomatikamente mesora un ganado for di tur esnan ku tin e preis korekto. 11. Si no tin hende ku tin e preis eksakto, e sistema lo identifiká outomatikamente e persona ku ta mas serka di e preis komo ganadó apsoluto Den kaso ku tin mas ku un persona ku ta mesun serka di e preis, e kompiuter ta identifiká esakinan, i ta saka mésora di manera “random” un (1) ganador apsoluto for di nan. 12. Partisipantenan ta aseptá ku tur disputa ku lo por surgi den e kampaña lo keda disidí pa e komishon di supervishon i ku e desishon di komishon di supervishon ta e desishon definitivo i final. 13. Na momentu ku e partisipante manda su SMS outomátikamente e ta bai di akuerdo ku e reglanan di TeleCuraçao pa ku e SMS Car Game. 14. TeleCuraçao lo rekonosé komo e ganador, e persona ku presentá ku e telefòn ku e number di telefòn ku a gana i e mensahe ku el a gana huntu ku su ID, Den kaso ku tin inklaridat ken ta e doño di e telefòn, TeleCuraçao no ta responsabel pa verifikashon di esaki. 15. E komishon di supervishon ta mantené e derechi, si tin kualke inklaridat, duda òf sospecho di froude, di por anulá e resultado. 16. E miembronan di supervishon i TeleCuracao lo wòrdu apsolvé di tur konsekuensia hurídiko. 17. E kampaña ta inisiá dia 28 di yüli 2011 pa 8’or di anochi i ta tèrminá djadumingu dia 31 di yüli pa 8’or di anochi. 18. E outo lo wòrdu entregá den aproksimadamente un siman.