Cartafueyu Feelgood
Transcripción
Cartafueyu Feelgood
FEELGOOD D’Alistair Beaton Direición: Alberto Castrillo-Ferrer FEELGOOD TEATRU D’Alistair Beaton Adautada y dirixida por Alberto Castrillo-Ferrer Fran Perea Manuela Velasco Jorge Bosch Javier Márquez Ainhoa Santamaría Jorge Usón Edu Elisa Max Álex Marta Simón Collaboración especial en videu de Carlos Hipólito (Presidente) dirixíu por Paula Ortiz Ayudante de direición Diseñu d’escenografía Diseñu d’illuminación Diseñu de vestuariu Producción executiva Amanda Recacha Uxua Castelló theBlueStagefamily Marie-Laure Bénard Producciones [off] Una co-producción de Teatro Español, Producciones [off] y enTRAMAdos Teatro FEELGOOD. Dossier de prensa. Teatro Español www.teatroespanol.es Feelgood, ye una obra maravillosa, nidia, que nun se pue catalogar fácilmente. Tien munchu humor y teatralidá, mientres cabalga sobre una temática enguedeyada. En Feelgood nun hai conflictu xeneracional, nun hai problemes familiares, pero reconocemos perfeutamente les situaciones y los personaxes, porque Feelgood fala d’una realidá más dura y fonda del ser humanu: la rellación del Home y el Poder. Feelgood, ganó’l Premiu Evening Standard a la Meyor comedia en 2001 y, dende aquella, estrenóse con ésitu nos Estaos Xuníos, Canadá, Alemania, Dinamarca, Austria, Portugal, Eslovenia, Estonia, Finlandia y Hungría. El so autor, Alistair Beaton, que ñació en Glasgow, desarrolla la so actividá profesional en teatru, radio y televisión. Escribió munches obres de teatru que tuvieron munchu ésitu en Londres como King of heart y Follow my Leader amás de trabayar como traductor y adautador al inglés. Tamién hai de destacar que se trata d’una voz enforma conocida na BBC Radio. Alberto Castrillo-Ferrer coincidió nel Teatru Español en 2010 cola producción de Todos eran mis hijos con Fran Perea, Manuela Velasco, Jorge Bosch, Ainhoa Santamaría y Amanda Recacha. Dende aquella persiguieron esti proyeutu qu’agora ye realidá, onde Alberto dirixe a los antiguos compañeros a los que se xunieron Javier Márquez y Jorge Usón. ARGUMENTU La obra cuenta les hores anteriores a la intervención del Presidente del Gobiernu delantre’l Congresu del so partíu. La situación ta enllena acusaciones de censura a la llibertá d’espresión per parte de miembros del partíu y de protestes ciudadanes a la puerta’l sitiu onde se ta faciendo’l Congresu. La trama da una vuelta inesperada al descubrise un ciertu secretu qu’afecta al propiu Presidente. FEELGOOD. Dossier de prensa. Teatro Español www.teatroespanol.es L’AUTOR Alistair Beaton ta consideráu como ún de los meyores escritores satírico-políticos de Gran Bretaña y desarrolla la so actividá profesional en teatru, televisión y radio. Ñació en Glasgow (Escocia), ye Cum Laude en Filoloxía rusa y alemana. Autor de la esitosa obra Feelgood, que ganó’l Premiu Evening Standard a la Meyor Comedia en 2001 y, dende entós, estrenóse con ésitu nos Estaos Xuníos, Canadá, Alemania, Dinamarca, Austria, Portugal, Eslovenia, Estonia, Finlandia y Hungría. En teatru, tamién destaquen la comedia satírica King of Heart, la sátira antibélica Follow my leader, les dos estrenaes con perbona acoyida en Londres, lo mesmo que les traducciones y adautaciones a inglés de grandes obres de la lliteratura. La so obra más reciente, Caledonia, ye una historia d’engañu y codicia. El Festival Internacional d’Edimburgo y el Teatru Nacional d’Escocia coproduxéronla y estrenáronla nel Teatru Kings d’Edimburgo en 2010. En televisión, Beaton trabayó como consultor pa Columbia Tristar, nel desarrollu de proyeutos pal mercáu européu y foi coautor de la conocida comedia pa ITV, Downwardly mobile, y escritor en solitario de la premiada tv-movie A very social secretary. Amás, ye una voz perconocida de la radio BBC y consiguió colase nes llibreríes ingleses cola so serie de noveles satíriques The Little book of complete bollocks y la sátira política A planet for tehe President (Orion, 2005). Anguaño, Alistair ta con un guión nuevu pa Channel 4 sobre la desigua del Reinu Xuníu. Más información en www.alistairbeaton.com FEELGOOD. Dossier de prensa. Teatro Español www.teatroespanol.es FEELGOOD O LA ERÓTICA DEL PODER Feelgood, d’Alistair Beaton, ye un bichu raru. Una obra maravillosa, nidia, que nun se pue catalogar fácilmente. Tien munchu humor y teatralidá, mientres cabalga sobre una temática enguedeyada. En Feelgood nun hai conflictu xeneracional, nun hai problemes familiares, nun hai’l día a día, pero reconocemos perfeutamente les situaciones y los personaxes, porque Feelgood fala d’una realidá más dura y fonda del ser humanu: la rellación del Home y el Poder. Poder, como fin en sí mesmu escontra’l poder pa facer coses pal restu la humanidá. Poder nes rellaciones de pareya, nes rellaciones de trabayu, nel control de mases. Poder sobre les lleis y sobre la democracia… En definitiva, poder xugar a ser dios. L’envoltoriu final de la comedia atapez una dramaturxa intelixente y esperimentada: un equipu asesores más o menos desafortunaos, un ministru torpe, una periodista con información peligrosa, un presidente de Gobiernu na solombra y, nel epicentru de too, Edu, un triunfador, dalguien que conoz el calter y la debilidá humana como naide, asesor del presidente del país, un país poderosu que pue facer cambiar el destín del Tercer Mundu, un home que tien el Mundu nes manes. Si nos dexamos llevar pol llinguax y pol dinamismu, casi podríemos dicir que tamos delantre d’una comedia de puertes, momentos de risa, retruques eficaces y demoledores, que dexen al públicu viaxar llixero pela obra. Pero Alistair Beaton nun escaez que l’oxetivu del bon teatru ye dar que pensar y ye un mayestru aprovechando l’humor pa da-y al públicu unes cuantes cargues de fondura. “Dalgunos opinen que l’humor ye l’arma más mortal qu’hai”, diz nun momentu dau un personaxe… La dramaturxa alluga l’aición nel emblema del poder: la política. El congresu añal d’un partíu ye’l marcu de la situación, pa nun cayer nel maniqueísmu d’una llucha electoral ente bonos y malos, porque equí, polo menos n’apariencia, la ideoloxía ye la mesma pa tol mundu. Nun s’esclaria cuala ye, pero tampoco importa. Que’l tema principal del congresu seyan los alimentos tresxénicos tien un porqué; <<el milagru de los panes y los peces>>, dirá nun momentu determináu Edu, na so identificación col toupoderosu. FEELGOOD. Dossier de prensa. Teatro Español www.teatroespanol.es Per otru llau ta Elisa, una periodista que tien información pa destruyilo too (ecos d’otru mitu: Prometeo, el que robó’l fueu de los dioses pa dá-ylu a los homes y pal que’l castigu foi mui duru por culpa d’ello); pero na obra, Elisa sabe más que Prometeo o ye más femenina y más artera (Feelgood tamién fala de machismu estructural) y decide nun dexase seducir pol mitu del poder. Ingredientes polos que se nagua pa facer una direición bien prestosa de los actores y actrices, porque son ellos y elles (o los sos personaxes) los y les qu’encarnen esta fábula que se reconoz rápido, por desgracia, en cualquier estamentu o en cualquier sitiu onde haya seres humanos. Siempre habrá una rellación de poder ente ellos, el problema siempre va ser el pasase. Alberto Castrillo-Ferrer Direutor de Feelgood FEELGOOD. Dossier de prensa. Teatro Español www.teatroespanol.es EL DIREUTOR Alberto Castrillo-Ferrer (Zaragoza, 1972), ye actor y direutor de teatru formáu en París (École, Itnal mimodrame Marcel Marceau), Madrid (RESAD, 1999-2003) y Lisboa (ESTC). Ente los sos trabayos como direutor destaquen Cabaré de Caricia y Puntapié, premiu MAX al meyor espectáculu de teatru musical 2010; El Mercader de Venecia, producida pol Centru Dramáticu d’Aragón; Ojalá estuviérais muertos y Un Tal Pedro, d’Iñigo Ramírez de Haro (versión de Peer Gynt d’Ibsen); Ay, Carmela! De Sanchis Sinisterra en Montauban (Francia); Pierre et Jeanne de la compañía de teatru xestual M. et Mme O (Francia); Pas de fumée sans feu, de la compañía Frenesí (Suiza) o más reciente Al Dente, de la que ye autor tamién y Museo arriba, museo abajo, de Jean Michel Ribes. Como actor trabayó a les órdenes de grandes direutores como Luca Fraceschi, Carlo Boso, Iñaki Rikarte, Claudio Tolcachir, Charo amador o Luis Blat ente otros. Amás del nomáu premiu MAX, Castrillo-Ferrer tuvo dellos premios como’l de meyor actor del festival del teatru d’Haro por El Tartufo, meyor actor nel Festival de Teatru de Santander por Ildebrando Biribó, el último Cyrano, y, hai poco, el premiu al Meyor actor nel Festival de Teatru Ciudad de Palencia por Unipersonal Ser o no ser, una cómica tragedia. Ye direutor de la compañía de teatru El Gato Negro FEELGOOD. Dossier de prensa. Teatro Español www.teatroespanol.es FRAN PEREA. Edu Fran Perea representa a Edu, el direutor de Comunicación del Presidente, un personaxe con una ambición que nun tien llendes, una persona que yá nun diferencia ente’l bien y el mal y que va pisar cualquier cabeza que se meta pel mediu del so camín p’algamar l’ésitu. Pa él, el fin xustifica los medios. Fran Perea (Málaga, 1978) ye Llicenciáu n’Arte Dramáticu, na especialidá d’Interpretación, pola ESAD de Málaga (2000). La Electra de José Carlos Plaza, ganadora del Premiu Ceres del Públicu na 58ª edición del festival Internacional de Teatru clásicu de Mérida, foi la última presencia de Fran Perea sobre les tables, interpretando’l papel d’Orestes. Todos eran mis hijos, dirixida por Claudio Tolcachir; Don Juan, el burlador de Sevilla, dirixida por Emilio Hernández; Fedra, dirixida por J.C. Plaza con guión de Juan Mayorga o Fashion, Feeling, Music, dirixida por Esteve Ferrer, son otros montaxes teatrales nos qu’intervino. La so participación nel cine tamién ye considerable. Fizo películes como De tu ventana a la mía, de Paula Ortíz; Balada triste de trompeta, d’Álex de la Iglesia; Las trece rosas, d’Emilio Martínez Lázaro; El camino de los ingleses, d’Antonio Banderas o Los managers, de Fernando Guillén Cuervo. Amás, nos últimos años protagonizó los cortos Life vest under your seat, Volamos hacia Miami y El opositor, de María Giráldez y Miguel Provencio. En televisión, recientemente foi ún de los protagonistes de la serie d’Antena 3 Luna. El misterio de Calenda, na qu’interpretaba al guardia civil Nacho Castro. Tamién protagonizó la esitosa Los Serrano y participó n’Hospital Cental, Al salir de clase o El comisario. Fran Perea tuvo’l privilexu d’actuar nel renacimientu del clásicu Estudio 1 de TVE, con La viuda valenciana. FEELGOOD. Dossier de prensa. Teatro Español www.teatroespanol.es MANUELA VELASCO. Elisa Manuela Velasco ye Elisa, una periodista buscando la noticia y que va tar nel Congresu del partíu. La información ye poder…pero tamién ye peligroso. Manuela Velasco ye una actriz madrileña (1975) que se formó nel Estudiu Internacional del Actor Juan Carlos Corazza. Debutó nel cine de la mano de Pedro Almodóvar en La ley del deseo. Tamién participó na película Amigos, de Borja Manso y Marcos Cabotá; El club de los suicidas, de Roberto Santiago; Holmes y Watson Madrid days, de Jos Luis Garci; o REC (2007), de Jaume Balagueró y Paco Plaza, papel pol qu’algamó’l Goya a la Meyor Actriz Revelación y el Premiu a la Meyor Actriz nel Festival de Sitges. Tamién protagonizó REC 2 en 2009. En televisión participó, ente otres, nes series Cuéntame, El síndrome de Ulises, La chica de ayer, Doctor Mateo, Águila Roja, Ángel o demonio o Áida. En 2010, debutó en teatru, col papel d’Anne Deever na obra Todos eran mis hijos d’Arthur Miller, dirixida por Claudio Tolcachir, que s’estrenó nel Teatru Español de Madrid. FEELGOOD. Dossier de prensa. Teatro Español www.teatroespanol.es JORGE BOSCH. Max Jorge Bosch ye Max, un Ministru del Gobiernu que ta implicáu de llenu na trama alrodiu de la que ta la obra. Corruptu y cobarde, representa’l llau más miserable de la natura humana. Jorge Bosch ye un actor madrileñu (1967), con una carrera llarga en cine, teatru y televisión. Babel, d’Andrew Bovell, ye’l so trabayu más reciente sobre les tables. Todos eran mis hijos d’Arthur Miller, con direición de Claudio Tolcachir; Glengarry Glen Ross, de David Mamet, con direición de Daniel Veronese o la renomada El método Grönholm, de Jordi Galcerán, con direición de Tamzin Townsend, son dalgunos de los montaxes teatrales nos qu’intervino nos últimos años. La so trayeutoria cinematográfica tamién ye grande. Atopamos títulos como Cándida, de Guillermo Fesser; La caja Kovak, de Daniel Monzón; Planes para mañana, de Juana Macías, o’l so últimu trabayu Cinco metros cuadrados, de Max Lemcke, trabayu que-y valió la Biznaga de Plata al Meyor Actor de Repartu nel Festival de Cine Español de Málaga. En televisión, participó en series tan conocíes como Compañeros, Hospital Central o Periodistas y, anguaño, Isabel, en TVE. FEELGOOD. Dossier de prensa. Teatro Español www.teatroespanol.es JAVIER MÁRQUEZ. Álex Javier Márquez ye Alex, l’encargáu d’escribir los discursos del Presidente. L’amor pol trabayu y la esperanza de que queden dalgunos principios polos que lluchar mantiénenlu nel so puestu, magar de sacrificar la so vida personal pola so carrera. Javier Márquez ye un actor malagueñu (1976), que terminó los estudios d’Interpretación na Escuela Superior d’Arte Dramáticu (ESAD) de Málaga nel añu 2000, fecha na que va pa Madrid pa siguir la so formación y entamar cola so profesión. Denis Rafter, Claudio Tolcachir o Will Keen foron dalgunos de los sos mayestros na época madrilana. En teatru trabaya baxo la direición de Rafael Pence en Como te mueras, te mato nos años 2009 y 2010, y, enantes, tuvo nel repartu de la obra Amigos d’ATPC Teatru. En televisión destaquen los sos más de 500 capítulos como protagonista d’Arrayán, la serie de mayor ésitu emitida en Canal Sur Tv, asina como les sos apariciones en series como La que se avecina, Cuéntame, Cuestión de sexo, Cómplices, HKM o El caso Wanninkhof, ente otres. En cine, debutó de la mano de Jesús Ponce en 15 días contigo. FEELGOOD. Dossier de prensa. Teatro Español www.teatroespanol.es AINHOA SANTAMARÍA. Marta Ainhoa Santamaría (Vitoria, 1980) ye Marta, l’asistente personal del Presidente, anque ye más bien la que fai de too un poco. Como ta tan cerca’l Presidente, quier dir más p’allá de lo que ye’l so llabor como secretaria… En televisión actuó nes series Águila roja, El Comisario, Con dos tacones, Vida en Marte, Amar en tiempos revueltos y, anguaño, Isabel, interpretando’l papel de Beatriz de Bobadilla, en TVE. En teatru, entamó nel añu 1991 cola obra La dama boba. Dempués actuó en Presas, dirixida por Ernesto Caballero nel Centru Dramáticu Nacional (CDN), Esa cara, de Polly Stendham, dirixíu por Pilar Masa, o en Todos eran mis hijos, dirixida por Claudio Tolcachir nel Teatru Español, pola que foi candidata a Meyor actriz de repartu nos Premios de la Unión d’Actores. Tamién intervino nos cortometraxes La leyenda de un hombre malo, Su obra maestra, Luz, El invierno de Torlania, El reflejo y Diente por ojo. Ainhoa Santamaría, llicenciada na RESAD (2001-2005), estudió danza clásica y solféu, amás de tar nel coru Zintxarri, too ello en Vitoria. FEELGOOD. Dossier de prensa. Teatro Español www.teatroespanol.es JORGE USÓN. Simón Pick Jorge Usón ye Simón Pick, reconocíu guionista de comedies pa televisión, al que l’equipu’l Presidente contrata pa dar un toque allegre al discursu. Jorge (Zaragoza, 1980) recibió’l Premiu Max al Meyor Espectáculu Musical en 2010 por Cabaré de caricia y puntapié, del que ye coautor y actos protagonista. Tien la so propia compañía Nueve de Nueve Teatro y ta agora llevando a varios sitios la comedia Al Dente. Los dos espectáculos diríxelos Alberto CastrilloFerrer. Hai poco protagonizó’l documental ¿Por qué escribo?, Féliz Romeo de Gaizka Urresti y tuvo una temporada nel programa En el Fondo Norte de Crackovia p’Aragón TV-Lobomedia. Foi capitular na serie d’antena 3, Doctor Mateo. Tuvo cinco años na Compañía de Teatru del Temple, dirixida por Carlos Martín con montaxes como Yo no soy un Andy Warhol, Luces de Bohemia o 75 por ciento (musical d’Enrique Bumbury pa ExpoAgua 2008). Amás trabayó pa los centros dramáticos aragonés y gallegu col espectáculu traxicomedia musical Misiles Melódicos de Sanchís Sinisterra, dirixíu por David Amitín y Gabriel Sopeña. Tamién trabayó con Lola Baldrich en 27 veces Hamlet, asina como en The Sinflow nel Madison Square Garden en 3D, dirixíu por Miguel Ángel Lamata, o nos premiaos cortometraxes Cuídala bien y Efímera, de Javier Macipe. FEELGOOD. Dossier de prensa. Teatro Español www.teatroespanol.es Amanda Recacha. Ayudante de direición Ñaz en Zaragona en 1976. Formada na Escuela de Teatru de Zaragoza (1995/1998) y nel Teatru La Abadía (1999/2001), onde empezaba la so andadura como actriz de la mano d’Alex Rigola col montaxe Ubú Rey (2002). En 2004 xúntase con otros actores de La Abadía pa los que dirixe l’espectáculu Sólo Desechos, estrenáu na sala Triángulo y presentán na Feria de Teatru y Danza de Huesca. Nesi tiempu collabora cola compañía Babel, participando en varios montaxes como actriz y faciendo la direición artística de los espectáculos A Solas y Muro, esti últimu presentáu en Dies de Dansa (Festival Grec) de Barcelona, Lekuz-Leku de Bilbao y Trayectos de Zaragoza. Nos últimos años trabayó pa PTC en Todos eran mis hijos baxo la direición de Claudio Tolcachir y pa La Abadía en El mal de la juventud con direición d’Andrés Lima. Creó la so propia compañía: Les Felices , con un primer montaxe El cortador de bambú de Peer Wittenbols con direición de Luis Moreno, estrenáu n’ochobre de 2011 nel teatru La Abadía dientro de Los Abadías, participa nel apartáu Showcases de la Feria de Teatru y Danza de Huesca 2011. Rodó como protagonista xunto a Pedro Casablanc el llargometraxe Un ramo de cactus baxo les órdenes de Pablo Llorca, direutor col que yá collaborare na película El mundo que fue y que es (2011). FEELGOOD. Dossier de prensa. Teatro Español www.teatroespanol.es EL PROYEUTU enTRAMAdos Feelgood, cuando los actores busquen el so propiu discursu • La nacencia de Feelgood ye’l resultáu de los tiempos que tamos viviendo. Seis actores buscando crear la so propia compañía pa representar una obra de teatru. Pa poder, en definitiva, trabayar. • Amás, Feelgood ye’l resultáu de l’amistá que xurdiere ente’l repartu actores y actrices de la obra Todos eran mis hijos, que dirixó en 2010-2011 el nomáu direutor arxentinu Claudio Tolcachir. L’amistá y l’amor al teatru xunieron a parte del equipu cola idega de crear un proyeutu nuevu. • Fueron meses buscando un llibretu nuevu, una escusa más pa volver a pisar l’escenariu. Dempués de munches llectures, llegó a les sos manes Feelgood d’Alistair Beaton. La obra cautivólos, tornáronla y adautáronla, entamando’l so montaxe. • Al primer grupu xuntáronse otros actores y actrices, que da como resultáu un repartu que reflexa dafechu una xeneración lleída y diferente que nun espera a la llamen pa trabayar, sinón que crea’l so propiu espectáculu. Nun mesmu barcu, el proyeutu xunió a actores andaluces, madrilanos, vascos, gallegos, aragoneses… Toos a una, arimando l’hombru al tayu. • La producción tamién ye amuesa de cómo tán cambiando los modelos de xestión cultural d’España. Ye una producción compartida ente los actores y actrices coles Producciones OFF. Implicación de tol grupu n’estáu puru. Delles veces pasa… Cuando, hai agora dos años, alredor d’estes feches, estrenamos en Madrid Todos eran mis hijos, dirixida por Claudio Tolcachir, los nervios del estrenu nun nos dexaron imaxinar que güei taríemos equí, poniendo les nuestres ganes y el nuestru tiempu pa desenvolver esti nuevu proyeutu xuntos…Pero sí, dímonos cuenta, práuticamente dende los ensayos, qu’aquel grupu de profesionales, caún dún sitiu y d’una escuela diferente, paecía que se xuntare p’aguantar munchu tiempu. FEELGOOD. Dossier de prensa. Teatro Español www.teatroespanol.es Delles veces pasa… Y el tiempu, de momentu, va dándonos la razón. Güei tamos equí, dempués de munchos meses buscando, cuadrando axendes, llectures, tornes, aconceyamientos, etc…, presentando l’embrión de Feelgood en sociedá. Pasaron munches coses dende aquella; cambia tamién muncho la manera que tuvimos d’embarcanos nesta aventura, pero’l fondu la cuestión sigue siendo’l mesmu: xubinos a les tables d’un teatru. ¿Cómo? Ta claro. Col compromisu. Cola iniciativa. Sabemos que tamos nun momentu difícil, distintu, nos que les fórmules de producción, los sistemes pelos que se van a articular les llinies de financiación y distribución del teatru tán cambiando, pero nun hai que dexar de lluchar por siguir faciendo les coses nes que creemos poder xuntar el nuestru conocimientu, la nuestra esperiencia y el nuestru amor y respetu. Sabemos, amás, que nun tamos solos nel camín. Dende’l primer pasu sentimos que tenemos dalgo bono pente les manes y fueron munchos los profesionales de primera que quixeron xubir a esti carru con nós. Tenemos claro qu’hai dalgo interesante pa cuntar y que podemos cuntalo bien… Queremos siguir faciendo teatru. Queremos que la xente siga yendo al teatru. Queremos aportar el nuestru granu arena. PRODUCCIONES [OFF] Producciones [off] ñaz col envís de llevar a cabu una forma alternativa de producción. Solucionar la xestión y la producción a los coleutivos que lo pidan, asoramientu profesional pa les compañíes que se tean abriendo camín pel texíu cultural o la creación de proyeutos propios pa dar puxu a dellos espacios diferentes onde amosar los trabayos, son dalgunes de les llinies d’aición que tien de siguir esta empresa nueva. Producciones [off] xurde del ánimu y l’enfotu de dos persones, Mónica Regueiro y Violeta Ferrer que tienen la mesma filosofía y que comparten la mesma pasión pol teatru y el so procesu de creación. A la vez, estos dos motores que trabayen agora nuna mesma llinia, siguieren, en tou esti tiempu, caminos diferentes dientro les artes escéniques, lo que da bayura al proyeutu empresarial común. FEELGOOD. Dossier de prensa. Teatro Español www.teatroespanol.es Asina pudieron asoleyase proyeutos como Recortes, dirixida por Mariano Barroso, o Los miércoles no existen del cineasta Perís Romano. Con Feelgood algamen un camín perafitáu y prometedor onde ye posible desenvolver proyeutos estremaos con una filosofía común. Una forma diferente de producción sofitada na importancia del capital humanu. Prensa TRUC comunicación 915750290 [email protected] Teatru Español Belén Herrero [email protected] 913601480 Redes: Twitter: @FeelgoodTeatro Facebook: http://www.facebook.com/pages/Feelgood/140155662824388 Blog: http://www.TeatroFeelgood.wordpress.com Web: http://www.feelgoodteatro.com Fotos: http://www.flickr.com/photos/93893029@N04 FEELGOOD. Dossier de prensa. Teatro Español www.teatroespanol.es