INFORMASHON PA GARASHI

INFORMASHON PA GARASHI
Tep pa garashi pa un medio ambiente seif
Na mart 2010 un lei tabata na vigor pa protekshon di medio ambiente serka
garashinan pa nos isla. E reglanan aki ta ankrá den e dekreto kontra Molèster di
Garashi Boneiru. Tur doño di garashi riba e isla di Boneiru mester atené nan mes
na e reglanan aki. E kambio aki lo no eksigí masha esfuerso, i lo tin un
rendimentu hopi altu pa nos medio ambiente. Ademas tur garashi lo bai traha
riba un nivel mas profeshonal i bo klientenan lo apresiá kon e garashi ta kuida
medio ambiente.
Aki ta sigui un resúmen kòrtiku di e eksigenshanan ku ta bin dilanti den e dekreto
kontra Molèster pa Garashi Boneiru (A.B. 2009, no. 12). Lo por haña e teksto
kompleto di e dekreto aki riba e web site di gobièrnu di Boneiru:
www.bonairegov.an
General
 Mantené e garashi i den besindario limpi.
 Bai poko poko ku energia (koriente); hasi uso di aparato ku no ta gasta
energia.
 Sòru pa instalashon di koriente ku ta seif.
Sonido
 Sòru pa habitantenan den besindario no tin molèster di zonido duru.
 No mester por skucha radio te pafó di e edifisio.
Suela / flur
 Ku eksepshon di awa, niun otro tipo di líkido no mag pasa bai den tera /
flur.
 Den e lokal di trabou, e magazine, i e espasionan kaminda e tanki di
reserva di líkido ta, mester tin flur di betòn pa evitá ku líkido ta pasa bai
den suela.
 Kontrolá e tankinan, baki ku ta fangu líkido i flur tur aña.
 Warda zeta nobo, zeta di brek, ‘koelvloeistof’ i otro líkido den empake
será,
 Pone e empakenan den un baki di fangu líkido ku no ta pasa awa, ku no
ta lèk, ku ta sufisientemente grandi. E baki di fangu líkido mester por
karga por lo ménos mesun tantu ku e empake di mas grandi plùs 10 % di
tur otro empake aserka.
 Áwaseru no mag di kai den e baki di fangu líkido.
1

Limpia líkido ku mòrs un bes. Anda ku e pipita pa apsorbé líkido i paña pa
hasi limpi manera ku ta sushi / desperdisio peligroso.
Sushi / desperdisio
 Mantené e siguiente sushinan den empake apart ku etikèt riba dje:
o Zeta prosesá i lubrikante
o Zeta di brek i líkido hidróuliko usá
o ‘Koelvloeistof’ usá
o Bateria bieu
o Paña pa hasi limpi, i pipita pa apsorbá líkido
o Metal
 Warda sushi líkido apart den tanki òf empake será destiná pa esaki.
 Pone e tankinan òf empakenan den un baki di fangu líkido ku no ta pasa
awa, ku no ta lèk, ku ta sufisientemente grandi. E baki di fangu líkido
mester por karga por lo ménos mesun tantu ku e empake di mas grandi
plùs 10 % di tur otro empake aserka.
 Entregá sushi i awa sushi solamente na un kolektadó rekonosé. Warda e
resibu di entrega di e material.
Awa sushi
 E reglanan ku ta konta pa deshasí di awa sushi lo drenta na vigor na
momentu ku e garashi ta riba e ret di ‘riolering’.
Material peligroso
 Material peligroso ta material ku tin etikèt indikando ku nan ta peligroso òf
e restu di e material peligroso aki.
 Warda material peligroso den un depósito ku por resistí kandela.
 Sòru pa warda materialnan peligroso ku por reakshoná riba otro separá.
 Warda material peligroso den empake será ku un etikèt ariba.
 Limpia líkido ku mòrs un bes.
 Kologá bòrchi ku instrukshonnan bon kla tokante medida di seguridat i
pone tur personal na altura di esaki.
 Pone e bòrchi di atvertensia ‘Prohibí pa huma’ riba porta di depósito di
materialnan peligroso.
Gas





Bòter di gas i e reguladó di preshon mester ta di kùr.
Pone bòter di gas ku ta lèk un bes pafó, i pone un bòrchi na dje ku e
indikashon ‘Ta lèk’.
Sòru pa kumpli ku e eksigenshanan di medidanan di seguridat.
Ora ta trata di bòter di gas ku tin gas inflamabel, por ehèmpel pa
lasmentu, mester tin un aparato di paga kandela ku ta tin por lo ménos 6
kg di puiru pa paga kandela.
E aparato di las mester ta na un lugá ku un posishon fiho.
2
Seguridat kontra kandela
 Sòru pa tur aparato di paga kandela i slan di awa ta na un lugá bon visibel
i ku nan ta fásil pa alkansá i kla pa usa.
 Sòru pa e aparatonan i medionan di paga kandela ta kumpli ku e
eksigenshanan stipulá via lei.
 Laga kontrolá e aparatonan i otro medionan di paga kandela tur aña.
 Humamentu i kandela habri ta prohibí. Pone bòrchi di atvertensia pa
esaki.
 Ta permití pa kòrta, las i sleip (mula).
Garashi
 No spùit òf bari manda afó zeta, vèt i awa ku plama riba flur.
 Sòru pa tin sufisiente fentilashon di airu.
 Bai ku kuidou ku kandela, lasmentu i kòrtamentu.
 Usa un baki pa fangu zeta/vèt ku por sera.
 Evitá ku stof di e sistema di brek ta plama rònt.
 Por warda no mas ku 8 karkacha di outo (outo kibrá) sin ku esakinan tin
líkido i bateria den nan.
 No pone e outonan kibrá (e karkachanan) riba otro.
Spùit ku ferf i tratamentu di kontra frus
 E kabina kaminda ta spùit outo mester tin un flur di betòn i ku un
instalashon di chupa airu ku filter.
 Kambia e filternan na tempu.
 No kousa molèster ku e dam / stom i holó di spùit.
 Sòru pa kumpli ku e eksigensha di medida di seguridat.
 Sobra di ferf i sushi disolvente ta konta komo restunan peligroso.
Baterianan
 Sòru pa un instalashon di koriente ku no ta chispa kandela i tambe pa
lampinan speshal.
 Kòrda paga koriente ora ta kita òf pone bateria.
 Ventilá e espasio ora ta karga bateria.
 Sòru pa kumpli ku e eksigensha di medida di seguridat.
 Humamentu i kandela habrí ta prohibí. Pone bòrchi di atvertensia kontra
esakinan.
Èrko di outo
 Yena i hasi èrko di outo bashí solamente ku un aparato speshal pa esaki.
 Fangu e ‘koelmiddel’ (freon) for di e aparato.
 No laga e ‘koelmiddel’ (freon) sali ora ta drecha e aparato.
3
Kalentá i fria
 Sòru pa e aparato ta bon alkansabel.
 Laga kontrolá e aparato tur aña.
Atministrashon
 Warda tur resibu di esun ku ta rekohé sushi i awa sushi serka bo.
 Mantené un buki unda bo ta nota e inspekshonnan di tur aña i tambe
notashon di e mantenshon di flurnan, tankinan i bakinan ku ta fangu
zeta/vèt.
E dokumentu aki ta kontené un bista ariba riba di loke tin pone den e stipulashon di lei. Den kaso
di diferensha di opinion no por hasi un apelashon riba e publikashon aki. Konsulta semper e
leinan i reglanan mes.
Kolofon:
Revista di informashon Naturalesa i Medio Ambiente no. 031201P
Mart 2012
Teritorio Insular di Boneiru
Servisio di Ordenamentu Teritorial i Maneho
Sekshon Maneho di Medio Ambiente i Naturalesa
Kaya Amsterdam 23
Kralendijk
Tel.: 717 – 8130
Faks: 717 – 6980
www.bonairegov.an
4