23 de junio de 2013
Transcripción
23 de junio de 2013
POONAM KA DHYAAN (MEDITATION) 23 JUNE 2013 DOORI SE DHYAAN, RAAT KE 9.00 BAJE Yeh dhyaan akele mein ya doosre logon ke saath ek ghera banaakar kiya ja sakta hai, mann mein yeh irada prakat karte hue ki jo sab log doori se yeh dhyaan uss waqt kar rahe hain, ek bade ghere mein shaamil ho jaayein. SUJHHAAV Ho sake to safed kapde pehen kar aayein. Agar dhyaan khuli hawaa mein nahin kiya ja sakta toh ek aisa pavitra sthaan tayyaar karein jahaan par yeh chaar tatva maujood ho: Prithvi, Paani, Hawaa aur Aag. Har ek ke saamne ek safed mombatti jali hui honi chahiye aur ek mombatti ghere ke beechon beech jalani chahiye. Ghere ke beech mein woh log baithein jo is tarah ka dhyaan karne ke aadi nahin hain. Baaju waale ko haath mein haath dete waqt dhyaan rakhein ki baayan haath ooper ki taraf (pravishti) aur dayaan haath neechey ki tarf rakhein (prasthaan). * KYAA LEKAR AANA HAI: Ek safed mombatti. Ek chandramaa ka patthar, jo poore nae chandrama ke chakra mein hamare saath rahega. (Agar chandrama ka patthar nahin mile, to ek paardarshi quartz bhi chalega) AASHAYA (PURPOSE) YAAD KARO TUM KAUN HO AUR PRITHVI PAR KYON AAYE HO (Spain mein aur kuchh doosre shaharon mein, har baras, St.John (San Juan) yaa midsummer ke naam se ek tyouhaar manaaya jaata hai jismein raat ke samay, jagah-jagah par, ek tarah ka hawan kiya jaata hai jismein puraane kapde, kitaabein aur doosra saamaan jalaaya jaata hai. Uska maksad hai vaataavaran aur logon mein pavitrata laana. Iss mahine, yeh shubh twouhaar aur poonam ka chaand ek hi raat mein manaaye jaa rahe hain.) Iss dhyaan ke aashaya ka maksad hai hum har ek ke bheetar hamare asli roop ki yaad jagaana. Hum Dharti par roshni hain. Shareerik roop mein jeeti hui roshni. Insaani vikaas ke iss daure mein iss roshni ko zaroorat hai failne ki, roshan karne ki aur chetna jagaane ki. Hamari aatma ke paas woh saari jaankaari hai jiski aage badhne ke liye humein zaroorat hai. Unke paas hamare asli roop ki aur hamari apni jeevan yojna ki yaad maujood hai. Humein seemit karne wale khayaal, hamare bheetar ka darr aur asurakshata ki bhaavna hai jo humein apni sachaai se door kar dete hain. Humein seemit karne waali har ek baat ko aaj hum roshni mein badal denge. Iss jaadoobhari raat mein, jismein ek taraf St. John ke hawan jal rahe hain, doosri taraf hum Agni ki shakti ka aahvaan karenge taaki hamare raaste se un rukaavaton ko hatane mein madad karein jinhone humein apni jeevan yojna se alag kar rakha hai. Uske baad hum Ishwar ki shakti se vinnati karenge ki humein woh mazbooti dein jiski humein zaroorat hai yeh kaam poora karne ke liye. Hamari jeevan yojna chahe chhoti ho yaa oonchi, woh utni hi mahatvapoorna hai. Usse poora karne par bharpoor anand milta hai aur aatma khush ho jaati hai kyonki iss duniyan mein jiss maksad ko lekar woh aayi thee, woh poora ho jaata hai. Kabhi kabhi uss maksad ko poora karne ke liye humein himmat aur mazbooti ki zaroorat hoti hai. Hamare apne liye mazbooti, taaki hum darr, udaasi aur niraasha ke jaisi bhaavnaaon mein beh naa jaaen. Mazbooti, raaste mein aane waali pareekshaaon ka saamna karne ke liye. Mazbooti, un logon ka saamna karne ke liye jo hamari baaton ko samajh nahin paane ki wajah se hamare khilaaf ho jaate hain. Pyaar ki mazbooti ke saath koi ladaai nahin hai. Kabhi kabhi duniyaan mein pradarshit karne ke liye mazbooti ka istmaal karna padhtaa hai. Pyaar bhari mazbooti aisi shakti hai jo humein doobne se bachaati hai aur bhaavnaaon ke ashaant samundar mein raasta kho dene se pehle tairnaa sikha deti hai. Mazbooti se hamari aatma ki pavitrata nasht hone se bach jaati hai. Agle poonam ke chaand mein, jab hum puraani baaton ko peechey chhodhne ke liye taiyaar ho jaaenge, tab humein apne jeevan ke aashaya ka bhi gyaan hoga aur yeh bhi samajhne mein aa jaayga ki usse poora karne ke liye humein kaun si baaton ko peechey chodhna hoga. TAIYAARI 1 - Aapke bheetar jo Pyaar ki shakti hai uska aahvaan karein. 2 – Dil hi dil mein kahein: Mein uss Roshni ke jeev ki izzat karta/karti houn jo mere andar hai. Aur jo iss dhyaan par aane waale har ek insaan ke andar bhi hai. Ab issi waqt, mein Ishwar ke saath apne sambandh ko jaagrit karta/karti houn. 3 – Aisaa mehsoos karein aur kuchh pal intzaar karein taaki yeh shakti poore samuh ke saath santulit ho jaay. AARAAM KI AVASTHA Aakhein band karein aur aaraam karein. Pyaar ki bhaavna aapke bheetar hai. Usse apne seene ke beech mein chamakte hue mehsoos karein. THODA RUKEIN Roshni ki taraf dekhein. Woh roshni jo aapke bheetar bassi hui hai. Jab bhi aap apna dhyaan apni aatma par kendrit karte hain, woh roshni failna shuru hoti hai. THODA RUKEIN Aapko heal karti hai, santulit karti hai aur jeevan se bhar deti hai. Aisa mehsoos karein. THODA RUKEIN Aapki aatma ke paas healing aur pavitrata ke woh beej yaa codes maujood hain jinki aapke shareer ko zaroorat hai, santulit rehne ke liye. Apne astitva ko apni aatma ke saath ek karte hue shaant kar dein. Aapki aatma jeevan hai. Aisa mehsoos karein. THODA RUKEIN Ab dekhein woh kaise aapke seene ke beech roshan hote hue fail rahi hai. THODA RUKEIN Aapke poore shareer mein fail rahi hai. Aapko poori tarah se gher rahi hai. THODA RUKEIN Aap roshni ke ek bahut bade ghere mein magan hain. Woh roshni jo aap hi hain. THODA RUKEIN Yeh roshni aapko raasta dikhane ke liye taiyaar hai. Apni aatma ki aawaaz ko apne bheetar goonjte hue mehsoos karein. THODA ZYAADA RUKEIN Aap Dharti par failti hui roshni hain. Iss roshni ko Ishwar ke strot se judte hue mehsoos karein. Aapki aatma aur Ishwar ka Strot ab ek hi hain. Aisa mehsoos karein. THODA RUKEIN Aapki aatma aur Dharti maan ki atma bhi ek hi hain. Dharti maan ke saar ko aapke poore shareer mein daurte hue mehsoos karein, aapke saath ek hote hue mehsoos karein. THODA RUKEIN Aap Dharti par failti hui roshni hain. Roshni aur Tatva. Aap Pyaar hain. THODA RUKEIN DHYAAN (MEDITATION) Ab aap kalpana karein ki aapki aatma ek chhota saa bacha yaa bachi hai. THODA RUKEIN Woh bacha yaa bachi jo iss waqt aapke saamne hai, aapka haath apne haath mein leta hai. THODA RUKEIN Woh aapko uss pal tak le jaana chahta hai jiss pal aapne yeh janam lene ka nishchaya liya tha. Kyaa aapko manzoor hai? THODA RUKEIN Agar aapka jawaab haan mein hai to apni aatma ke bheetar jo pavitra gyaan hai, usse aapka guide ban´ne dein. Aapki aatma ko raasta maaloom hai. Roshni se aapka milan hote hi hazaaron sitaare jaag uth´te hain. Saara brahmaand khushi se bhar jaata hai. THODA RUKEIN Ab aap uske saath aage badhein. Usse aap apne iss janam ki shuruaat tak le jaane dein. Taaki woh aapko dikha sake ki aapne apni hi marzi se iss Dharti par kyaa kyaa pradarshit karne ka faisla kiya thaa. THODA LAMBE SAMAY TAK RUKEIN Ab aap uss jagah tak pahunch rahe hain. Apne asli roop tak. Aapko saaf dikhaai de raha hai ki aap kaun hain aur aapke jeevan ka aashaya kaun saa hai. Yeh jaankaari aapke bheetar hamesha ke liye sthaapit ho rahi hai. THODA RUKEIN Aur ab, apni aatma ki madad se, jo bache yaa bachi ke roop mein aapka saath de rahi hai, aap samajh sakenge ki woh kaun saa darr yaa asurakshata ki bhaavna hai jo aapko iss duniyaan mein aapka maksad poora karne mein rukaavat la rahi hai. THODA RUKEIN Aapko seemit karne waale woh kaun se khayaal hain jinhonein aapko apne raaste se alag kar diya hai? Iss samaya woh khayaal aapke saamne aayenge. THODA ZYAADA RUKEIN Ab apni aatma ke haathon mein haath dete hue, apne saamne Agni ki shakti ka aahwaan karein. Aisaa teen baar karein. THODA RUKEIN Aapke saamne jalte hue hawan ko dekhein. Jeevit, shaktishaali aur ujjwal hawan. THODA RUKEIN Iss hawan ko apne saare darr, asurakshata ki bhaavna aur seemit karne waale khayaal arpan kar dein. THODA RUKEIN Agni se vinnati karein ki yeh saari bhaavnaaen parivartit hokar roshni mein badal jaaen. THODA RUKEIN Ab dekhein aage kyaa hota hai. Iss pal ke jaadu mein samaah jaaen. THODA ZYAADA RUKEIN Aapke darr ki bhaavnaaon mein parivartan aa chuka hai. Aapko seemit karke apne maksad se door karne waale khayaal ab kho chuke hain. Ab woh roshni mein parivartit ho gaye hain. Woh roshni jo fail kar urr rahi hai. Urrkar uss jahaan tak yatra kar rahi hai jahaan par uski sabse zyaada zaroorat hai. THODA RUKEIN Vayu ko yeh saari roshni arpan kar dein. Agni ki madad se yeh sab roshni mein badal chukaa hai. Hawan mein jalti hui aag mein se hazaaron chhoti si jhalkein chamak rahi hain. THODA RUKEIN Ab samay aa gaya hai faisla lene ka. Yeh nishchaya lein ki aap apni jeevan yojna ko ichha-shakti aur mazbooti dwaara poori karna chahte hain. THODA RUKEIN Uss raaste par chalna chahte hain. Apne pakke iraade ki shakti se iss baat ko sachaai mein mumkin kar sakte hain. THODA RUKEIN Aapki ichha-shakti zaroori hai. Sapnon ko asliyat ka roop dene ke liye, aage badhne ke liye, pradarshan karne ke liye. THODA RUKEIN Jo bacha yaa bachi aapka saath de raha thaa, woh ab phir se aapke bheetar jaakar aapke saath ekatrit ho raha hai. Donon ki ek hi ichha-shakti, ek hi aashaya. Dil aur dimaag ab ek ho chuke. THODA RUKEIN Hum ab aur issi waqt Ishwar ki shakti se yeh anurodh karenge ki mazboot aur sthaayi hone mein hamari madad karein. Taaki hum apne path ke har kadam par apni jeevan yojna ko asliyat ka roop de sakein. THODA RUKEIN Ishwar ke strot se divya roshni behte hue hum har ek ke ooper barasti hai. Ishwar ki shakti ko apne bheetar jaate hue mehsoos karein. THODA RUKEIN Apne astitva ke kone kone mein goonjte hue mehsoos karein. Aapke divya saar ka poshan karte hue mehsoos karein. THODA ZYAADA RUKEIN Aur ab iss shakti ko apne dil se failate hue ghere ke beech tak lekar aayen. THODA RUKEIN Hum har ek ki madad se jo roshni ka ghera bantaa jaa raha hai, uska iss shakti se poshan karein. Ishwar ki roshni ka ek mahaan ghera. THODA RUKEIN Yeh ghera har ek dil mein jeevan yojna ki yaad ko jaagruk rakhega. Kissi bhi tarah ke darr, duvidha yaa seemit karne waale khayaalon se aazaad karega. Unko roshni mein badal dega. Uske liye, ab aur issi waqt, hum sab milkar, iss ghere ke bheetar agni ki shakti ka aahwaan karte hain. THODA RUKEIN Ghere ke beech se nikalti hui agni ko dhyaan se dekhein. Aazaad karne waali, heal karne waali, badlaav laane waali agni. THODA RUKEIN Yeh ghera, hum sab ko ichha-shakti aur mazbooti bhi dega. Dil ki aawaaz sun´ne ki mazbooti. Dhundh se baahar aane ki mazbooti. Mushkilon aur chunautiyon ka saamna karne ki mazbooti. Duvidhaa se baahar aane ki mazbooti. THODA RUKEIN Teen gin´ne par hum uss roshni ko failaenge. Ek, do, teen. Aur ab. THODA RUKEIN Dekhiye kaise yeh ghera badhte hue aapko bhi gher leta hai. THODA RUKEIN Aapke aar-paar jaa raha hai. Roshni iss ghere ko uss paar tak failaa rahi hai. THODA RUKEIN Har ek dil aur dimaag par apne saar ka beej bo rahi hai. Dharti par rehne waale har ek insaan ke bheetar ek nayi roshni badhegi. THODA RUKEIN Jin-jin logon tak yeh pahunch rahi hai un par iska asar dekhiye. THODA RUKEIN Dekhiye kaise unki yaaden jaag rahi hain. THODA RUKEIN Dekhein kaise woh apne darr aur asurakshata se aazaad ho rahe hain. Yeh uss aag ki shakti se mumkin hua hai jo iss roshni mein hai. THODA RUKEIN Dekhein kaise sab mazbooti se bhar jaate hain. THODA RUKEIN Dheere-dheere ghera prakirti ki taraf badhte jaa raha hai. Nadiyaan, samundar, door jahaan….. THODA RUKEIN Dheere-dheere woh un doosre gheron ki taraf badhti jaa rahi hai, jo aaj doori se banaaye gaye hain. Ishwar ki roshni se bane hue hazaaron ghere agni ke saath ekatrit ho rahe hain. THODA RUKEIN Uske aage aane par, usse mehsoos karte hi aapki vibration badhne lagti hai. Ekta ki taakat ko apne astitva tak bhi aate hue mehsoos karein. THODA RUKEIN Sab ghere milkar ek hone waale hain. Ek hi ghera jo Dharti maan ko apni baahon mein le lega. THODA RUKEIN Woh samay ab hai! Poore Dharti par ek hi badaa saa ghera. Anant roshni waala ek mahaan ghera, jismein ekta ki taakat hai, Aur woh har ek aatma ke divya aashaya ko bhi badhaava deta hai. THODA RUKEIN Dhyaan dein. Dekhein iss ghere mein se kyaa nikal raha hai. Hazaaron roshni ki jhalkein, jo lagaatar Dharti ke kone kone ka poshan kar rahi hain. THODA RUKEIN Ekta ki taakat se yeh jo humne roshni ka jaal banaaya hai, woh ab hamesha ke liye Dharti ke ird-gird jaagruk rahega, aaur hum sab ki madad karega dil ki baat yaani aatma ka sandesh sun´ne ke liye. Aatma ke haathon mein haath dekar aage badhne ke liye, taaki phir kabhi bhi hum raasta mein bhatak na jaayen. Darr aur duvidha se aazaadi. Sirf aage badhne ke sapne, khushi aur mazbooti. Tathastu. Hum un sab Roshni ke Jeevon ka dhanyawaad karenge jinhonein apni marzi se, iss kaam ko samarthan dene mein hamara saath diya hai. Aur chaaron tatvon ko bhi, khaaskar agni tatva ko. Dharti Maan ko dhanyawaad, hamara poshan karne ke liye aur humein apni god mein lene ke liye. Aur un sab sehbhaagiyon ko bhi, jinhonein yahaan se, yaa doori se, Ekta mein hamara saath diya hai. Ab apni hatheliyon ko Dharti par rakhein aur Dharti Maan se vinnati karein ki jo bhi shakti aapka bhautik shareer naa jhel sake, woh apne bheetar le lein. ___________________________________________________________ ____ POONAM KA DHYAAN (MEDITATION) 23 june 2013 YEH DHYAAN (MEDITATION) POONAM KI RAAT KO ISLIYE KIYA JAATA HAI KYONKI CHAAND KE ISS DAUR KI BADHTI SHAKTIYAAN DHYAAN KE PRABHAAV KO AUR BADHAAVA DETI HAIN. Agar aap kissi ek aise ghere mein shaamil hona chahein jo iss dhyaan ko alagalag shehron mein karte hain to humein iss patte par ek email bhejen: [email protected] aur hum aapko aapke shahar ke sabse kareebi ghere (group) se sampark kara dengen. Uske liye zaroori hai ki aap humein bataein ki aap kis desh aur shahar mein maujood hain. Apne desh ke sabse kareebi group ki jaankaari aap hamaari website www.agartam.com mein, RED DE LUZ naam ki `khirki´mein bhi dhoondh sakte hain, halanki sirf wahi prakashit (publish) kiye jaate hain jinki humein aagyaa milti hai. Agar aap khud ek naya group shuru karna chahein, toh kripaya humein iss patte par ek email bhejein [email protected] * AGAR AAPKO MEDITATION ENGLISH MEIN CHAHIYE, TO ISS PATTE PAR ANURODH KAREIN [email protected] * AGAR AAPKO MEDITATION CATALAN MEIN CHAHIYE, TO ISS PATTE PAR ANURODH KAREIN [email protected] * AGAR AAPKO MEDITATION GERMAN MEIN CHAHIYE, TO ISS PATTE PAR ANURODH KAREIN [email protected] * AGAR AAPKO MEDITATION BULGARIAI MEIN CHAHIYE, TO ISS PATTE PAR ANURODH KAREIN [email protected] * AGAR AAPKO MEDITATION HINDI MEIN CHAHIYE, TO ISS PATTE PAR ANURODH KAREIN [email protected] * AGAR AAPKO MEDITATION GALLEGO MEIN CHAHIYE, TO ISS PATTE PAR ANURODH KAREIN [email protected] * AGAR AAPKO MEDITATION RUSSIAN MEIN CHAHIYE, TO ISS PATTE PAR ANURODH KAREIN [email protected] * AGAR AAPKO MEDITATION ITALIAN MEIN CHAHIYE, TO ISS PATTE PAR ANURODH KAREIN [email protected] * AGAR AAPKO MEDITATION FRENCH MEIN CHAHIYE, TO ISS PATTE PAR ANURODH KAREIN [email protected] * AGAR AAPKO MEDITATION POLISH MEIN CHAHIYE, TO ISS PATTE PAR ANURODH KAREIN [email protected] * Poonam ka dhyaan (meditations) Agartam dwaara aapko pesh kiya gaya ek bilkul muft kaarya hai jo har uss insaan ke liye maujood hai jo ismein bhaag lena chahe. www.agartam.com www.english.agartam.com ____________________________ Raat ke 9.00 baje SPAIN MEIN: ARENYS DE MAR (BARCELONA) CASTELLANO MEIN MEDITATION: [email protected] SAMUNDRA KE TAT PAR WAAPASI TOTTA NUA beach bar ke saamne http://tottanua.blogspot.com.es/p/como-llegar-al-totta-nua.html CATALAN MEIN MEDITATION: [email protected] * GRAN CANARIA: [email protected] VALENCIA: [email protected] MADRID: [email protected] SEVILLA: [email protected] MÁLAGA: [email protected] PONTEVEDRA: [email protected] CÁDIZ: [email protected] * GAVÁ (BARCELONA): [email protected] * MEXICO MEIN: [email protected] * ARGENTINA MEIN: [email protected] * CHILE MEIN: [email protected] * INDIANAPOLIS MEIN (USA): [email protected] * LIMA MEIN (PERU): [email protected] * CUSCO MEIN (PERU): [email protected] * LA PAZ MEIN (BOLIVIA): [email protected] * ______________________________________________________________ MEDITATION ON LINE KARNE KE LIYE: http://login.meetcheap.com/conference,dragonrojo (Password daalna zaroori nahin hai. Kewal upyogkarta ki `khirki´mein naam) Raat ke 9.00 baje, Spain ka time aur raat ke 9.00 baje, Venezuela ka time. ______________________________________________________________ Doosre desh aur shahar dhoondhne ke liye hamari is website mein paramarsh karein www.agartam.com RED DE LUZ (ROSHNI KA JAAL) EKTA HAASIL KARTE HUE RED DE LUZ KAISE BANI, USS PAR VIDEOS Alicia Sánchez Montalbán ki Conference XIIIth. Congress of Science and Spirit mein, Sevilla mein. Septiembre of 2012. http://www.vimeo.com/52922336 Doori se iss dhyaan ko karne waale kuchh gheron (groups) ki tasveeren http://www.vimeo.com/51350858 Red de Luz (Roshni ki jaal) ka janam hua hai Poonam ke dhyaan (meditations) se. Iss dhyaan ke liye mahine ka yeh samay isiliye chunaa gaya hai kyonki iss daur mein jaise chaand thoda thoda karke patli lakeer se badhtaa hua poore chandrama ka roop leta hai, waise hi in dinon mein jo bhi kaarya kiya jaata hai, uska asar badhkar hota hai. Iss dhyaan ka asar waise hi EKTA ki wajah se shaktishaali hai aur iss samay mein kiye jaane ki wajah se aur doogna ho jaata hai. Aur phir, chaand ke chakra ka paalan karte hue, hum PRAKRITIK CHAKRON ka bhi sammaan karte hain jo hamare pyaare grahon se guzarte hain aur hum Red de Luz (Roshni ke Jaal) ka asar pun: badhaate hain, har naye chakra mein ek nayi meditation ke saath. Hum ek ghera banaate hue ek hokar dhyaan karte hain, aur phir jo har ghere mein shakti utpann hoti hai, aur jo doori par kiye gaye dhyaan se doosre gheron mein shakti utpann hoti hai, un sab ko bhi ek karte hain. Yeh roshni ka ek ghera hai jiska mahatva hai pehle khud ka santulan karna aur phir maanavta aur saare jahaan ki madad karna. Is waqt poori duniyaan mein 700 se zyaada ghere (groups) is meditation ko karte hain, ek aisi sankhya jo din-ba-din badhti jaa rahi hai. ¿Kyaa aap apne desh mein iska bandobast karna chahenge? Hum har mahine ke dhyaan (meditation) ke aadesh aapko bhejenge. Aapko sirf, jo log yeh dhyaan karna chahte hain…. un logon ko sahi din aur nishchit jagah par ikathha karke bheji gayi meditation se aadesh padhne honge. Aap kuchh mitron yaa jaan-pehchaan waalon se shuruaat kar sakte hain. Sabse achha hoga ki aap isse waise hi karein jaise aapko theek lage aur karte waqt aapko khud ko aaraamdaayak mehsoos karna chahiye….dhyaan karte samay aapki khud ki shakti aur karne ka tareeka bhi shaamil hona chahiye. Hum ek hi baat ki sifaarish karte hain ki yeh kaam bilkul muft (free) ho, aur uss har ek ke liye khula ho jo ismein bhaag lena chahte hain. In videos mein aapko zyaada jaankaari milegi: Agartam kyaa hai? Interview: http://www.youtube.com/watch?feature=player_embedded&v=2Ii0UleScXw Agartam, ekta ki taakat. Interview: http://www.youtube.com/watch?feature=player_embedded&v=BU64G8DB5mg June 2010 mein poonam ke chaand ki reet. Direct nirdeshan: http://www.vimeo.com/13173586 Red de Luz (Roshni ke jaal) ka ek chhota saa namunaa: http://www.vimeo.com/51350858 Kyaa aap sehyog karna chahenge? http://www.vimeo.com/11377649 Agartam aapka dhanyawaad karte hai. http://www.vimeo.com/26080616 Agar aap Poonam ke dhyaan ka apne desh mein aayojan karna chahte hain, To humein iss patte par ek email likhein [email protected]