Persbericht CATC scriptie prijs (papiamento)
Transcripción
Persbericht CATC scriptie prijs (papiamento)
PERSBERICHT 24 september 2009 “Economieprijs na Aruba” Recientemente, durante e apertura di e Academisch Jaar na Universidad di Aruba e CATC-prijs a wordo entrega pa e promer biaha pa e mihor economie-scriptie. Caribbean Accounting & Tax Consultants (CATC), hunto cu e team di docentenan di FEF (Financieel Economische Faculteit) a nomina 4 scriptie. E nominadonan tabata Gracienne Vasquez, Roselyn de Cuba, Daynenna Tromp y Karen Cabelerro. Dayenna Tromp a bira e ganador di e CATC-prijs. E topico di e scriptie ta “Budgetbeheer bij de overheid”, Entre CATC y FEF tin un bon relashon pa hopi aña caba. Hopi studiantenan cu a finalisa nan estudio na FEF ta haya e oportunidad pa desaroya nan mes riba e tereno di bedrijfseconomie na CATC. Tambe CATC ta ofrece cada aña stage- y afstudeerplaatsen na studiantenan di FEF. Pa motibo di e bon relashon aki, e idea a nase pa recompensa cada aña e mihor scriptie cu e CATC-prijs (cu ta bal Afl. 1.000,--). Pa e scriptie-prijs aki, tur afstudeeropdrachten ta bin na remarke cu un resultado final cu minimal un 8. Un team di docentenan di FEF y un team di CATC ta evalua e scriptienan y despues ta bin hunto pa scohe e ganador. Den e promer edishon di e CATC-prijs aki e jurado tabata den harmonia. Nan a haya e scriptie di Dayenna Tromp e ganador evidente. Den su 15 aña di existencia Caribbean Accounting & Tax Consultants (CATC) conoci pa su servicio administrativo y fiscal a conquista su propio lugar riba e mercado Arubano. Na 1994 Reint Roossien a cuminsa cu e compania y actualmente tin 40 empleado den servicio cu ta altamente cualifica. CATC ta ofrese expertisio na comerciantenan ariba tereno di administrashon, impuesto, salarial, fiscal-juridico y conseho comercial. CATC ta brindando su servicionan na su clientenan cu ta expandiendo rapidamente, den casi tur sector manera construction, mercadeo, industria, sector medico, desarrollo di projectonan, turismo y mucho mas. Mientras tanto, CATC tambe tin oficinanan na Boneiro y Corsow.