Dithero tsa Tirelano mo Kutlwanong
Transcripción
Dithero tsa Tirelano mo Kutlwanong
Dithero tsa Tirelano mo Kutlwanong 53/2013 Thero ya moletlo wa go gopola Ntšhwafatso ya kereke, e le ka 03. 11. 2013 MO LEINENG LA MODIMO O E LENG RARA LE MORWA LE MOWA O O BOITSHEPO! 1. Sefela sa 186 - 172/179 2. Thapelo: Morena, Mong-wa-thata-yotlhe, wa bopelotlhomogi, tshela Mowa wa gago o o Boitshepo mo godimo ga batho ba gago ba ba ikanyegileng! O re bolokele mo bopelotlhomoging le mo boammaaruring jwa gago, o re femele ka metlha, o re golole ka metlha mo dinakong tsa dithaelo, o re femele mo babeng botlhe ba rona, o bolokele kereke ya gago mo kagisong e e pholosang ka ene Jesu Keresete, Morena wa rona yo o tshelang, a busa mmogo le wena le Mowa o o Boitshepo jaanong le ka bosakhutleng. Amen. 3. Epistolo ka fa thulaganyong ya 2 e kwadilwe mo go Baroma 3:21-28; Efangele ka fa thulaganyong ya 1 e kwadilwe mo go Matheo 5:2-12. 4. A go ipolelwe tumelo ya bokeresete! 5. Sefela sa 246 - 227/235 6. Thapelo ya mmadi wa thero. Bopelotlhomogi jwa Morena wa rona Jesu Keresete, le lorato lw 7. Lefoko la thero ka fa thulaganyong ya 5 le kwadilwe mo go Jesaya 62:6-7. 10- 12, le re: "Jerušalema, ke tlhomile badisa mo dipoteng tsa gago, ba ba sa didimaleng bosigo jotlhe le motshegare otlhe. Lona ba lo gopotsang MORENA, lo se ka lwa ba lwa ikhutsa! Le ene lo se ka lwa ba lwa mo ikhutsisa go fitlhelela a tsose Jerušalema, a mo dire yo o tumileng mo lefatsheng! ... Tswaang, tswaang ka dikgoro, baakanyang tsela ya morafe! Katang ka mmu, lo godise tsela e kgolo; tlosang mafika, lo tlhomele merafe sefoka! Bonang, MORENA o utlwatsa go fitlha bokhutlong jwa lefatshe a re: 'Rayang morwadia Sione lo re: 'Bona, Mopholosi wa gago o e tla; bona, tuelo ya gagwe o na nayo, papadi ya gagwe e fa pele ga gagwe.'' Ba tla bidiwa 'Morafe o o Boitshepo' le 'Ba ba golotsweng ba MORENA'. Mme wena o tla bidiwa 'YO O BATLILWENG' le 'MOTSE O O SA TLOGELWENG'." Amen. 03. 11. 2013 / ka ka moletlo wa go gopola Ntšhwafatso ya kereke -1- 53/2013 8. Thero: Phuthego e e rategang mo Moreneng wa rona Jesu Keresete, a o dumela ka tlhomamo gore o pholositswe, le go nnela ruri mo Modimong mo tsamaong yotlhe ya gago? Go ka diragala jang gore re tlhomame mo kitsong ya gore re tla kgona mo katlholong ya bofelo mo letsatsing la katlholo? A re ka ikanyang ka letsatsi la bofelo, fa lefatshe la bogologolo le tla digwa? Dipotso tse di tlhokegang tseo gongwe tse di tshwanang le tsona di leka go tshikinya metheo ya rona, di tshwana le dipotso tse di neng tsa bodiwa ke Martin Luther a ntse a tshikinngwa mo moweng a ntse a nna mo ntlong ya baitlami. Kajeno ka Sontaga wa go gopola ntšhafatso ya kereke re rata go leboa Modimo ka ntlha ya go ntšhwafatsa kereke ka motlhanka wa ona Luther gore go fenngwe ditimetso tse di phatlaladitsweng mo kerekeng, lefoko la Modimo le phatsime sentle sešwa. Ga dirafadiwa ke Modimo ka Luther yo o neng a araba dipotso tse di tshwentseng batho mo moweng ka go ruta boammaaruri jwa pholoso ya rona. Ba bantsi ba rona ba itse gore Modimo o ne wa bulela Luther tlhaloganyo gore a tlhaloganye, le go bona gore re pholosiwa ka bopelotlhomogi fela, go se nne ka go ipaakanyetsa sengwe ka ditiro tsa molao, a gogiwa ke Mowa o o Boitshepo ka Lefoko la Modimo le le kwadilweng go ikanya fela pholoso ya nnete ya Modimo. A tlhaloganya mo tshimologong ya botshelong jwa gagwe gore tshiamo ya Modimo e rayang tota. A tlhaloganya gore tshiamo ke ya Modimo fela. A ke tlhalose gore ke rayang, fa ke bua ka ga motorokara ya ga Petoro. Fa ke re: Ke ya ga Petoro, ke ya gagwe, ga se ya gago, le e seng ya motho yo mongwe. Fela jalo, Luther a simolola go akanya gore tshiamo ya Modimo e raya gore ke ya ona. Fa re akanya ka tse di dirilweng ke Jesu mo lefatsheng, re ka re: Modimo o romile Morwaaona. Morwaaona a dira ditiro tse di siameng fela. A swa, le fa ene ka nosi o ne a se na boleo. Jesu o siame, jaaka Modimo e le mosiami. Mme rona re ka reng ka kemo ya rona? Fa lefoko la tshiamo ya Modimo le re bolelela fela gore Modimo ke yo o siameng fela, le gore Jesu ke yo o siameng tota. Kitso eo e tla re thusang? Fa lereo leo le ka bo le reile seo fela, polelo eo e ka bo e sa re thuse sepe, bogolo fa go tiisiwa gore Modimo o o siameng o tshwanetse go re betsa rona ba 03. 11. 2013 / ka ka moletlo wa go gopola Ntšhwafatso ya kereke -2- 53/2013 re leng baleofi. Kitso eo e ka bo e re thusitseng, a e ka bo e le molaetsa o o molemo mo go rona? Mowa o o Boitshepo o gogile Luther gore a tlhaloganye kgang eo ka tshwanelo. Tlhaloganyo e e leng ya nnete e, e tshwayiwa sentle ka Lefoko la thero ya kajeno le le reng: “'Rayang morwadia Sione lo re: 'Bona, Mopholosi wa gago o e tla; bona, tuelo ya gagwe o na nayo, papadi ya gagwe e fa pele ga gagwe.’ Ba tla bidiwa 'Morafe o o Boitshepo' le 'Ba ba golotsweng ba MORENA'. Mme wena o tla bidiwa 'YO O BATLILWENG' le 'MOTSE O O SA TLOGELWENG'.” Phuthego e e rategang, Mopholosi wa gago o tla mo go wena. A lo utlwa se se rewang fa? Pholoso e tla mo go wena ka go tla ga Mopholosi wa gago. Ga o kgone go tlhatlogela mo legodimong ka ditepisi tsa gago ka thata ya gago fela. A o kgonne go iphetola gore o nne modumedi ka bogagago?Legodimo le tla mo go wena, le tla mo go wena jang? Ene yo e leng Tlhogo ya puso ya Modimo, Jesu Keresete o tshwere tuelo ya gagwe, e le tshiamo ya gagwe. O na le moputso o a o re baakanyeditseng. O re o fetisetsa mo go rona ka go dirafatsa thato ya ga Rraagwe ka botlalo. Modimo ga se motimi, ga a re time gore re se ka ra bona monate oo. Ke maaka a ga Satane go tswa mo tshimologong, a ntse a leka go re tsietsa go tloga nako, e re re sena go wela mo boleong. Modimo ga o ipolokele molemo wa ona. Kitso eo ke e kgolo e re e senoletsweng ke Jesu Keresete. Ke Morena wa botshelo o re abela tse re di baakanyeditsweng ke ene ka loso lwa gagwe mo sefapaanong. Pholoso ya gagwe e fetisediwa mo go wena. O mosiami ka tshiamo ya gagwe ntle le moputso le tshwanelo tse di tswang mo go wena. Fela jalo, fa re ithuta ka tshiamo ya Modimo, re tshwanetse go e tlhaloganya ka fa go kwadilweng ka ga yona mo Testamenteng e ntšhwa, fa Modimo o rata go re abela, nna le wena, tshiamo e re e baakanyeditsweng ke Jesu Keresete. Ke jona bopelotlhomogi jwa Modimo. O re abela dineo tsotlhe tse di molemo le dimpho tsa botlalo. Tota-tota di tswa mo go ena. O rata go kabolola ditsebe tsa rona, le go re sedimosetsa dipelo tsa rona ka go re senolela kgang ya Efangele ya ga Jesu Keresete. Tiragalo eo ke thero e e tlhomameng ya Modimo ya go re rata, nna le wena. Lorato lwa ona lo o re itshwarelang maleo ka lona lo re tsoseletsa gore le rona re itshwarele, le go rata ba ba re leofelang. Mo go Keresete boitshepo jwa gagwe jaanong ke boitshepo jwa rona, le botshelo jwa 03. 11. 2013 / ka ka moletlo wa go gopola Ntšhwafatso ya kereke -3- 53/2013 gagwe ke jwa rona, tshiamo ya gagwe ke ya rona ka go itshwarelwa maleo mo leineng la gagwe. A go na le molemo o o fetang molemo o wa Modimo? O tla bona kae Morena yo o tshwanang le ene? O tla bona kae yo o sa godiseng puso ya gagwe ka go nna Modiredi wa rona jaaka Morena Jesu? Ke sona se se re senolelang se re se tlhokang go direlwa ke Modimo pele re ise re kgone go o direla, le go direla ba bangwe. Re badiredi ba ona ka go o leboga, ka re sa tlhole re boifa katlholo ya bofelo. Ka go bona bopaki mo lefatsheng re a itse gore bofelo bo setse bo atametse, bo gaufi. Mme ga re tlhoke go boifa, re sena go dirisa dimpho tsa Modimo, pholoso ya rona e e tlhomameng, fa e theilwe ka tiro ya ga Jesu le Lefoko la gagwe. Ke fa re sa tlhole re fenngwa. Ene ga a re tsietse ka maaka. O wa boammaaruri mo go tse a di solofetsang. Ka go dirisa dibopiwa, e bong Lefoko, metsi, senkgwe, le weine o lebisa ditsholofetso tsa ona mo go rona. Ke tse di abelwang mo tirelong-Modimo ya phuthego ya Lutere ka Sontaga le Sontaga. Re tshwanetse go di gakololwa sešwa ka metlha. Go molemo go ithuta sešwa ka dimpho tse di abelwang ka bopelotlhomogi jwa Modimo gore tebogo ya rona e ate, e gole. Ka go ithuta ka metlha ka dimpho tsa bopelotlhomogi jwa Modimo re senolelwa botoka gore kitso eo e atisa maungo a magolo le mo tsamaong ya rona. Ka sekao: Re ka gana jang go fetisetsa mpho ya Modimo mo go ba bangwe, jaaka yona ya go itshwarelwa dibe, le lorato lwa Modimo, ke re: Le mo go ba ba re leofetseng. Fa re gopola gore re ba puso ya Modimo ka go itshwarelwa ke ona fela, re ka gana jang go itshwarelana le bomorwa le bomorwadie ba ga Rraetsho? Boammaaruri jwa go nna mo go Keresete ka ntlha ya go abelwa tshiamelo eo ke ene ka bopelotlhomogi fela bo tswalela boikgogomoso le boithato kwa ntle. Rotlhe re bakopi le baingodisi fela fa pele ga Modimo. Rotlhe re amogela tse re di fiwang ke Rara yo o mo legodimong jaaka masea a a tlamelwang ke mmaabo. Se sengwe ke se: Re setse re tlhophetswe ka bopelotlhomogi jo bo mo go Keresete, le go gololwa, le go itshekisiwa, le go pholosiwa. Mo ntlheng nngwe tsa bogologolo di latlhilwe, mo go e nngwe re amogela botshelo jo bošwa. Boammaaruri joo bo a re kokobetsa. Re simolola go leba bana ba ga Rraetsho mo go Keresete ka matlho a mašwa. Re a ba leba, jaaka ba lejwa ke Keresete ka gore ke baleofi jaaka rona ba ba abetsweng bopelotlhomogi mo bopelotlhomoging. Le bone ba a bidiwa batho ba ba 03. 11. 2013 / ka ka moletlo wa go gopola Ntšhwafatso ya kereke -4- 53/2013 boitshepo, ba ba pholositsweng, ba ba golotsweng ke Morena. Le wena o mongwe wa baitshepi, wa ba ba pholositsweng, wa ba ba golotsweng ke Morena mmogo le bale. Tse tsotlhe tseo ke maungo a tshiamo ya Modimo, ke raya tshiamo e re e balelwang ka ntlha ya ga Keresete. Lefoko le le le thata, le le tshedisang re tshwanetse go le utlwa sešwa ka metlha gore re gopole bopelotlhomogi jwa Modimo jo re amgelwang ka jona. Atame, lefatshe, le Satane ba le bararo ba ba leka ka metlha go fitlha dimpho tsa Modimo ka go bua le rona ka ga tse re tshwanetseng go di dira fa pele ga Modimo gore o re amogele. Morena, a o lebogwe ka go re disa, le go re femela ka metlha. Ka dinako tsotlhe o re tlhomamisetsa badisa ba ba re gopotsang ka tiro ya Morena e re e direlwang ke ene. Morena ga a re tlogele. Amen. 9. Thapelo: A tlotlo le kgalalelo di nne go wena Modimo o o leng Rara, le Morwa le Mowa o o Boitshepo o o re tshegofaditseng mo go kalo ka Morwao Jesu Keresete. Amen Thapelo ya Morena: Rara wa rona yo o mo legodimong ... 10. Sefela sa 247 - 228/236 A kagiso ya Modimo e e fetang tlhaloganyo yotlhe e boloke dipelo tsa rona le maikutlo a rona mo go Keresete Jesu, Morena, Morepholosi. Amen. Thero eno e kwadilwe ke K. H. Schnackenberg, ,ka ngwaga wa 2013 Kgatiso le go rongwa ga dithero tseo go tshegediwa ke kopano e e bidiwang The Lutheran Heritage Foundation. 03. 11. 2013 / ka ka moletlo wa go gopola Ntšhwafatso ya kereke -5- 53/2013
Documentos relacionados
Dithero tsa Tirelano mo Kutlwanong Thero ka moletlo wa go gopola
molelwane wa boammaruri le tshokamo o leng teng. A re tsenyeng mo moletlong ono ka go ikgakolola gore: I. Bontšhwafatso ke sefapaano sa katlholo: Ditsala Moreneng, mo ditemaneng 26-27, Morena o bu...
Más detallesDithero tsa Tirelano mo Kutlwanong
legodimo le lefatshe mo diatleng tsa lona, ba le ntshetsa dineo, e bong gouta le maswalo le mera. Ba khubama fa pele ga lona le e leng tshimologo le bokhutlo, Morena wa kgalalelo. Morena, o re tlho...
Más detalles