Izami CT Pa Piskiza
Transcripción
Izami CT Pa Piskiza
Prusidimentus kumun di Piskiza: CT Scans Kuzé k-é computed tomography (CT)? Computed tomography (CT) é un prusidimentu ki ta uza ikipamentu di raio-x pa kria kes imaji trans-seksional di kuzé ki sta pasa dentu di bu korpu. Duranti izami bu ta deta na un kama plataforma stretu ki ta disliza pa dentu di skaner, ki ten forma moda di un doneti grandi. Un skaner CT ta jera kes imaji klaru y ditalhadu di osu, órgons, tisidus y vazus sanguínio. Purguntas pa fazi: 1. Kel CT li sa ta fazedu propi pa piskiza ô é tanbé un parti di nha kuidadu médiku rigular? 2. Undi ki-m ta bai fazi nha izami CT? 3. Kantu izami k-é prisizu? 4. É prisizu N fazi algun kuza spisial pa pripara pa izami? 5. N ta resébi koranti médiku (“kontrasti”) pa es izami? 6. Kuzé ki ta kontisi si izami monstra un prublema médiku? 7. N ta ben resébi rizultadu di izami? 8. Undi ki Nhas imaji ta guardadu? 9. Modi ki Nha privasidadi ta ser prutejidu? 10. Kuzé ki ta kontisi si-m disidi larga studu mas sedu? Es disdobravel li teni informason jeral pa finalidadi idukasional y el é ka fetu pa da konsedju médiku. Ter di bu médiku ô ikipa di piskiza pa konsedju spisifiku pa bu situason, antis di bu aji ku basi na kualker informason ki sta li. Pa mas purgunta? Txoma: version # (v1.0) Izami CT Pa Piskiza Modi ki-m debi pripara pa izami CT? Fala ku tékniku di piskiza pa bu podi intendi modi ki bu ta pripara pa un izami CT. Oras ki un izami CT é pa piskiza, podi ten nisisidadi di alguns otus mididas. Ikipa di piskiza ta splika-bu kes informasons li. Sertifika ma bu ta intendi kuze ku debi spera antis, duranti y dispos di izami. Ki riskus ki ten na fazi izami CT? Partisipa na piskiza é bu iskolha. Sta informadu. Fazi purgunta. Resébi rispósta. Kuzé ki ten di diferenti na CT Scan uzadu pa piskiza? Partisipa na piskiza é un iskolha Si bu fazi un izami CT komu parti di bu kuidadu médiku rigular, bu dotor normalmenti sa ta txobi bu saúdi ô diagnostika un prublema. Oras ki un izami CT é parti di un piskiza, kel izami ta uzadu pa djuda rispondi un purgunta sientífiku. É ka pa presta-bu kuidadu di saúdi ô diteta prublemas di saúdi. Ten pruteson pa djuda garanti siguransa di vuluntárius di piskiza (tanbé txomadu di “sujeitus di piskiza”) y garanti ki voluntárius ser tratadu ku ruspetu. Ikipa di piskiza ta splika-bu un Fixa di Konsentimentu Informadu. Es ta bai splika objetivus di studu y pusível riskus y binifísius. Pidi apoiu si bu ka sa ta intendi algun kuza. Bu ka debi nunka xinti apresadu ô prisionadu. Fazi parti di un piskiza é un kuza konpletamenti vuluntáriu – é bu iskolha. Bu podi muda di ideia, un kualker ora, pa un kualker mutivu. A kontrariu di un izami CT normal undi ki bo ku bu dotor ta ba fala sobri rizultadus, ikipa di piskiza podi ka partilha rizultadus di izami CT ku bo. Bus izamis podi fazi parti di un grupu grandi ki ta analizadu tudu djuntu y podi ka ser analizadu individualmenti. Kes Izami CT é konsideradu siguru y kuazi sen dor. Izamis CT ten radiason e ten pikenus riskus asosiadu ku ispuzison a radiason. Riskus spisífiku ta bai splikadu en ditalhi na Fixa di Kosentimentu Informadu. Sertifika ma bu ta intendi kes risku pamodi es ten a ver ku izami CT y tanbé ku piskiza en jeral.