SYNOPSIS ROSE ta bai hasi 21 aña. Su mama Greta

SYNOPSIS ROSE ta bai hasi 21 aña. Su mama Greta

SYNOPSIS
ROSE ta bai hasi 21 aña. Su mama Greta tin hopi gana pa
pone un fiesta grandi p’e.
ROSE ta haya esei un puro lokura.
Pa ki motibu mester pone un fiesta di famia tanten ku hopi
hende ta keda leu di dje?
Ningun hende no ta mustra interes berdadero p’e.
E peliger tei ku e fiesta no ta bai dor paso ROSE kier bai
London ku su amiganan pa boycot e fiesta di famia.
Rose kier pa su famia mustra mas interes pa su malesa.
ROSE ta haya un sosten inesperá di parte di su ruman homber.
PERSONAHE
ROSE
ROSE tin 20 aña. Otro siman e ta bai hasi 21 aña i e ta hasi un
hbo opleiding pa personeelszaken.
E ta kore stage na un CWI kantoor. E ta bai einan 2 x pa
siman.
Apesar di su malesa ROSE ta un mucha muhé ku ta hasi hopi
kos.
E sa masha bon di pone un meta pa su mes i alkansá e meta
aki tambe.
Rose ta masha sabi i e sa kon pa organisá su tempu pa evitá pa
sinti su mes kansá tur biaha.
ROSE tambe por entusiasmá i motivá otro hende. E no sa
mustra lihé kuanto esfuerso algo ta kostele.
E ta duna un impreshon optimista i specialmente e no kier
wordu mirá komo victima.
Ultimo tempu e ta bai bon ku su ruman homber.
GLEN
GLEN ta un all arounder. Hij por un tiki di tur kos. Hopi bes
nan ta pasele forbei dor di e malesa di Rose.
E no tabata haya hopi atenshon. E ta kustumbrá pa navigá
entre dos frente.
E tin un nanishi fini pa e nesesidat i interesnan di otro
hendenan. Un sorto di rèfri.
Ketu bai GLEN ta haya mas i mas admirashon pa su ruman
muhé ora ku e ta ripará e monton di esfuerso ku e mester hasi.
Nan laso emoshonal ta krese.
MAMA
Greta tin 42 aña. E tin tres yu.
E prototipo di intuishon i dedikashon maternal . Greta ta stima
su yunan hopi.
Semper e kier hasi su mes útil.Greta ta traha komo bezoek
moeder. E ta gusta kalor i gezelligheid.
Dor di su netwerk social sterki e ta haya hopi atenshon. Greta
por sinti su mes hopi menospresiá ora ku e no ta haya su kier.
Mashá poko e ta kritiká otro hende.
ESENA 1
Un mesa di kushina ku un klechi di plèstik floriá riba dje.
Ariba mesa un makutu di frutu di plèstik poní.
Mama ta na telefòn. Su so ta na cas.
MAMA
Mi tin Nina pa yama so ainda i e ora ei mi a haya tur hende.
Si …Melvin?…. E tambe ta bin ku tur su hendenan.
[aanhang]
Eveline i Paula tambe t’ei
Desiree ! o si ta bon kubo bisami
Mi ta bai bel e tambe.
E fiesta di su yu muhé si ……..
…….si… tremendo…..
Milo ta kontentu pa duna mi yu muhé un fiesta asina tambe.
Pero bo mes sa kon e ta !
Si…….si…….traha un bolo yen i grandi bunita di kashipete
un bunita kurason i meimei pone 21….si, di chèri.
MAMA ta asina druk papiando na telefòn ku e no ta ripara ku
ROSE a drenta..
ROSE ta tende pida pida di e konversashon.
Chèri kora …….si……e ta gusta
Korda bon no bisa nada, b’a tende
E no ta gran amante di fiesta
Paula ta pérkurá pa e catering
Mi ta bai macro huntu kune.
E tio tin un macro pas.
Ku e pas ei mi por kumpra hopi kos na un prijs barata.
Wardami un ratu……
ROSE ta hasi manera ela kabi drenta.
MAMA
Di kon bo ta trempan asina!
ROSE
Pa via di e tempu !
Un ratu e ta hasi kalor, den esei e ta bira frio i despues e ta
kasi fris atrobe.
Mi ta haya grip òf pulmonia i e or’ei mi tin chèns di haya un
krisis.
MAMA
Bo’n tabatatin bo jas huntu ku bo ?
ROSE
Mi’n ta bai sinta ku jas na mi trabou.
MAMA
…Bo ke bebe algo?...
Awa ta bon pabo
Mi tin ku sera…
Rose a kabi drenta
Doei
ROSE
Ma, regla bo ta reglandu kos atrobe?
MAMA
Ta e pas so mi tabatatin mester di bo tio
ROSE
Ai…si… Ayera tambe bo tabata bezig kaba.
MAMA
Bo ke mi traha un kopi te pa bo dushi ?
Nèt abo ku bo malesa bo mester bebe hopi.
ROSE
Mi konosébo hopi tempu kaba
MAMA
Bon
MAMA
Bo a bai bo stage awe tòg?
Kon a bai?
ROSE
Mihó bo’n tin un malesa deskonosi den e pais aki paso niun
hende no ta komprondebo e or’ei. Awe nan tabatatin un
kliente ku sikkelcelziekte..nan ta yama ami erbij. Mane ku ami
ta eksperto.
M’a sali un tiki mas trempan
E tabata hopi benauwd einan awe nan ta habri bentana i e or’ei
e ta bira friu di mas.
E or’ei mi tin miedu di bira malu.
MAMA
Nan no por sera e verwarming e or’ei?
ROSE
E verwarming ta reglá sentral kualkier kaminda den un otro
edifisio.
Un hende mester bin spesial pa hasi esei.
“Nos ta bezig kune” nan a bisa tres luna pasa.
MAMA
Ke men bo a konta nan di bo malesa na bo stage?.
ROSE
Kompolaga, antes mi tabata tin berguensa pa mi malesa.
Mi no ta bai skonde mi malesa mas awor?
Na e asosiashon di patient mi ta ripara ku nos tin hopi kos
komun.
Nos ta papia ofer di dje i nos ta duna otro apoyo.
E dokter den hospital a bisami ku mi mester kuida mi mes
bon.
Biba ku regularidat, kome bon i saludabel, bastante awa,
bastante sosiegu i evita stress.
Asina ta, mama tin di molestia sumes pa mi hasimentu di aña
MAMA
Rose mi no sa di kiko bo ta papia..
ROSE
Mama mi no ta tuma parti [doe mee.]
MAMA
No hasi asina laf
ROSE
Mama mi t bon fadá di tur e fiesta di famia ei.
Mi no kier fiesta i mi no ta bai ningun kaminda ku e famia.
MAMA
Rose mi ta kompronde ku bo tin problema ku e idea di fiesta
Abo no tin di hasi nada. Bo no tin di hasi ningun esfuerso.
ROSE
Ami mes kier bini ku un idea, pakiko mi no ta wordu
consulta?
MAMA
Ta AMI tòg ku mag di bini ku un idea gezellig pa mi yu muhé
ku ta bai hasi 21?
Mi ta orguyoso dibo.
Soru pa bo no bira malu. Esei ta e uniku kos ku bo mester
hasi.
ROSE
Mama mi no kier nèt nèt nada. Riba mi aña mi lo ta na
London huntu ku mi amiganan.
MAMA
ROSE bo’n por ta serio. Ademas, nunka mi no a waak e
amiganan ei.
ROSE
Si mi ta serio!. Mi ta preferá sali un par di dia ku mi amiganan
di e asosiashon di pashent.
Ta nan sikiera ku tin kariño pami.
Ta nan ku sikiera ta komprondemi. Pa nan mi no tin mester di
sinti berguensa. Ku nan sikiera mi tin un laso.
MAMA
No hasi asina desagradabel.
ROSE
Mama ta ken ta desagradabel akinan! Ningun hende no ta
puntrami nada
Mi sa ku nan ta papia ta hasi redu. Mi ta preferá pa nan no
husga di biaha pero pa nan puntra ami prome.
MAMA
Porta nan no kier ofendébo.
ROSE
Mi no ta profilá mi mes komo Rose ku ta malo tòg
Or ku mi bin na fiesta di famia semper mi ta haya e akshonan
obligá.
Di bon manera nan ta dunami man, un harí chiki bobo i
despues e ta bira ketu ketu
Ta parse ku mi tin lepra paso ningun hende no ta papia
berdaderamente ku mi.
Siendo ku mi tin ocho prima i diesun primo plus shete tanta i
sinko tio.
MAMA
Esei no ta berdat
Tanta Cynthia semper ta puntra pabo
ROSE
Cynthia a yega di skuchami un biaha mas ku 2 minut?
Ora ku mi tabata chikito si e tabata pasa waak mi den hospital
pero awor mi no ta mirele mas.
Ademas mi lo gusta sa di kon
ningun hende den famia a laga test su mes
Ta via test di sanger so bo por haya sa si bo tine den bo
sanger.
Mayornan ku ta malinformá por dramatikamente influensha e
funkshonamentu di nan yu ku tin un malesa króniko.
Mama, ta un malesa hereditario i sí nan ta tuma mucha sin
para pensa ni un ratu.
MAMA
Nan no tin molester di dje.
ROSE
Natural ku no paso nan ta pensa ku e ta kanser di sanger òf
nan ta bruhele ku anemia.
E malesa di Sikkelcel ta un forma hereditario di anemia
króniko, ku keho mediko serio.
E ta bin dilanti mas tantu ku nos tipo di hende. Hende ku ta
originá di paisnan trópiko i suptrópiko.
Ta esei nan mester realisá nan mes bon i no warda te ku nan ta
haya un yu ku e malesa ei.
MAMA
E ta deskonosí i bo sa ku nos no ta gusta kolga nos paña sushi
pafó.
ROSE
Paña sushi! Paña sushi! Ta mi bida e ta.
Fe ki dia mi salut ta paña sushi.
No mama ta miedo gewoon nan tin! I pakiko?
Keda abo skonde bo paña sushi numa.
Bo’n ta kompronde nada di e asuntu!
ROSE ta kana bai
MAMA
ROSE tende……bin aki!
Nunka mi no a skonde nada!
E kos di London no ta berdat tòg?
Glen ta drenta i ta boks kontra un ROSE rabiá
GLEN
Ta ki tempu nos tin awe?
Tin mal tempu [zware depressie] ta kologá ariba nos atrobe?
Òf tin áwaseru ku stot di bientu pisá ku ta pasando dordi e
kushina aki?
Kiko tin pa kome awe?
MAMA
Glen mi tin otro kos na mi kabes.
GLEN
Mi tin hamber
MAMA
Awo diripiente mi no ta komprondele i mi ta hasi tur kos
robes.
GLEN
Portá mama a malkriele di mas. Dor di su malesa mama a
ponele di mas riba un pedestal.
MAMA
M’a bai poko poko kune.
GLEN
Poko poko di mas tampoko no ta bon.
Lokual ku mama ta yama bai pokopoko ami ta yama
malkriansa.
MAMA
Glen abo tambe ta kuminsá awo ?
GLEN
E ta bai pasa di su mes.
Kiko nos ta kome awe?
ESENA 2
MAMA, GLEN i ROSE
Tur tres ta sintá hopi serka di otro. Nan ta wak direktamente
den publik.
( prome ROSE ta bati riba un gòm)
GLEN
Esaki ta mi ruman Rose
Entre nos tin un diferensha di exactamente 1 aña i tres luna.
ROSE
Si, e ta mi ruman homber chikí
GLEN
Ruman homber grandi
ROSE i GLEN
Nos MAMA
MAMA
Esaki ta mi yunan.
Mi tin un yu mas grandi Paula
Ela sali fe kas kaba i mi tin un nieto/nieta na kaminda.
Ta ROSE só ku tin sikkelcel anemia.
Glen tin e karakterístika hereditario di sikkelcel i nan ta yama
esei un
Portadó[drager]. E tine den su sanger pero e no ta malu.
ROSE
Un parti serka dje ta normal i un parti ta sikkelsanger.
GLEN
Ta un kambio masha chikitu só den e karakterístika
hereditario ku ta pone ku mi ruman no ta traha sanger normal.
Un forma ku ta desviá en bes di e forma normal manera
moneda.
MAMA
Ta pesei su sèl kora di sanger ta forma un medio luna of sikkel
fe djeinan e nomber di malesa di Sikkelcel ta bini.
ROSE
Mi mes por kontele!
MAMA
Ami tambe ta un portadó mes kos ku nan tata.
Mes kos ku e otro dos muchanan Glen i Paula.
Nos tur kuater ta portadó pero nos no ta malu.
ROSE
Ora ku ambos mayor no ta portadó di e malesa di sikkelcel, na
un embaraso tampoko lo no nase mucha ku tin e malesa di
sikkelcel òf ku ta portadó.
GLEN
Esei ta lógiko pasobra sikkelcel ta hereditario.
MAMA
Ami no tabata sa ku mi ta portadó, i tampoko ku nan tata
tabata portadó. Shete luna despues ku ela nase e prome
kehonan a kuminsa.
Mannan i pianan chikitu hinchá i ku ta hasi dolor i un barika
bol i semper bai inflamashonnan, i keintura ku no tabata baha.
ROSE
Esaki ta bai ofer ami komo bebi.
GLEN
Ami ta portadó i mi no tin molester di nada.
Solamente si mi lo bai kore un maratòn, òf bula ku parashüt , i
mi no tin plania pa hasi esei tòg.
ROSE
E no ta deportista i e tin hoogtevrees [miedu di lugá halto]
ROSE
B’a yeg’i pensa di futuro?
GLEN
Kiko bo kier men ku futuro?
ROSE
Ora bo tin un kasá of un frei i bo kier haya yu?
GLEN
Esei lo solushoná di su mes.
No wòri bo, mi sa ku dos portadó tin mas chèns pa haya un yu
ku lo tin e malesa di sikkelcel..
Mi ta bai tene kuenta ku esei.
MAMA
Kon anto?
ROSE
Kon anto?
GLEN
(ta keda ketu)
ROSE
Ku un flyer lo ta
( ku stèm erótiko) Bin dushi lesa e flyer aki. Paso mi no por
traha yu sin mas.
MAMA
Ku un komementu romántiko bou shelu yen di strea briante i
ku luna yen.
GLEN
Boso mensahe ta zuìver.
Mi ta bai tuma un galiña di Islandia.
Bon awó?
ROSE
Bo tin mester di informashon urgentemente.
MAMA
Papia ku Paula bo ruman mayor i puntrele kon ela hasiele.
GLEN
Boso hende muhé ta papia di mas i boso ta lubidá tur kos.
M’a tende Paula konta hopi detayá di su tèst na telefòn i
tambe na e mesa di kushina aki.
MAMA
Kua tèst?
GLEN
Den hospital nan a hasi un tèst kune.
E anochi promé boso a papia di un tèst
Pa su mañan boso a papia di un tèst
ROSE
Bin kontá! Kontá!
GLEN
Nan a zuìg un pida tehido[weefsel] chikítu for di e plasènta.
MAMA
Awa di parimentu [vruchtwater]
ROSE
Plasènta.
GLEN
Plasènta! Nèt e pisina ku su yu ta landa eiden den su barika.
(Mama i Rose no ta tumele na sèrio i ta hasi moveshon di
landa.)
GLEN
Pa medio di DNA nan a saminá i nan a wak si na su yuchi e
malesa di sikkelcel lo desaroyá.
Asina ta, plasèntanan, algo mas?
MAMA
Mener kier bira dòkter su mes.
GLEN
Un gai sabí ta prepará pa su futuro./Un hòmber drechi ta kòrda
riba mañan.
Glen ta kana bai.
ROSE
E ta bai prepará su mes
Go Glen…Go Glen…
( Rose ta bolbe bati e gòm)
ESENA 3
Glen i mama.
Glen ts sintá na mesa ku un tayó bashí. Mama ta drenta. E tin
un par di invitashonnan den su man..
MAMA
M’a traha invitashon asina bonita p’ele.
Awó e ta rabiá ku e famia
GLEN
Ela bisa asina?
MAMA
Wak kon bo ta bisa e famia ku e paña sushi aki no kier fiesta.
E ta bai London huntu ku si amiganan antó!
Biaha pasá ela haya un krises einan i tè na hospital ela haya su
mes.
Mi no ta komprondé kiko e tin di buska einan.
GLEN
Mi ta haya ta làstima tambe
MAMA
Mi ta sintími poni manera un idiot
Despues di tur ku mi a hasi p’e
GLEN
Mama, no t’esei ta e kaso no
MAMA
Kiko ta e kaso sí anto?
GLEN
Mi no ta ni sikólog ni sikiatra perrrooooo….mi por imaginámi
ku Rose ta kere ku bo tin berguensa pa e famia i ta pesei bo ta
mata bo kurpa asina tantu
MAMA
Esei no ta berdad! Ta ki sort’i kos e ta hinka den su kabes!
GLEN
Si mi por papia pa Rose un ratu mi ta pensa ku sí e kier un
fiesta asina.
Solamente e lo gusta wak ku e famia mustra mas interes. Rose
no kier skonde su malesa pa e famia ta juist papia e kier papia
ofer di dje.
E no ta por nada ku e ta bai na e assosiashon di pashent. Fe dia
ku e ta sinti su mes sostené einan e ta dùrf mas.
Einan e no ta sinti su mes manera un pobersitu. Di un manera
òf otro Rose ta sinti su mes ekskluí.
Ban tuma e insidente ku skuter i e atrako di primo Marlon.
Bo atenshon i bo envolvementu na e famia no tabatata normal
mas.
Segun Rose e ta mas preferibel pa ta un yu kriminal ku un yu
malu.
MAMA
Ela bisa esei?
GLEN
Nan ta mi palabra nan ta pero Rose si a sinti algo asina.
MAMA
Pakiko e no ta bisa ámi esei?
GLEN
E no kier molestiá ningun hende ku so kosnan.
Rose a sera amistad na e asosiashon di pashènt awó,
Kende sí ta komprondele kende ta pasa dor di meskos kune.
MAMA
Esei lo no mester ta motibu pa laga nos kai?
E ta bezig ku e hendenei sò. Ela sera nos afò.
GLEN
Nan ta hasi cos leuk ku otro i Rose ta gusta esei.
Portá mama ta yalus ku Rose no ta asina dependiente mas di
su mama.
MAMA
Esei no ta berdat. Ta e ta esun ku no ta konta nada mas akinan
i ku ta bai sin mas ku su amiganan.
Nunka mi no a wak su amiganan ainda..
GLEN
Portá nos mester hasi algo pa Rose.
Portá nos por yudele.
MAMA
M’a hasi asina tantu kos p’e i nunka e no ta bon.
GLEN
Mama, Rose ta hende grandi i e kier wordu aserka na un
manera adulto.
E no ta e mucha muhé mas pa ken bo mester regla tur kos.
MAMA
Mi ta keda su mama!
GLEN
Portá nos mester tene un akshon di rekoudashon pa e
asosiashon di pashènt den famia i dunele un sorpresa.
MAMA
Bo ta kere e lo haya esei bon?
GLEN
Mi ta bai puntra un par di su amigonan di e asosiashon di
pashènt pa tambe bin na su hasimentu di aña.
MAMA
Abo konosé nan anto ?
GLEN
Mi ta mas mihó ku FBI. Lagami hasi mi kosnan.
MAMA
Bo kier men ku nos ta bai selebrá su aña huntu kune i su
amigonan i konosínan?
Hendenan di e asosiashon di pa……
GLEN
Si mama. Esei ta bon p’e i pa e famia.
E mester bira un sorpresa pa e famia sí.
Laga nan bini. Nos no ta bisa nan nada.
Laga nan mes deskubrí esei..
MAMA
Ta kuantu hende mi mester spera awó anto?
GLEN
Di bèrdat mi no ta bai kombidá tur hende mama.
No mas ku diesdos o diesinku. Portá sinko òf seis lo bini.
MAMA
Pero si nan tur ta bin?
GLEN
E or’ei ta bira un fiesta gezellig.
Rose ta haya un party bonita.
MAMA
Pero awó, kiko ta pasa si Rose di berdat a kumpra un pasashi
ku su amiganan?
GLEN
Ku su plaka di studie beurs?
Konfiámi tur kos lo sali bon..
Esena 4
Rose, i ruman Glen
Ruman ta lesa korant i un ratu despues e ta stòp i ta
kuminsa koba su oreya.
ROSE ta wak ku atenshon kiko su ruman ta hasi.
ROSE
Nèt papa!
Papa semper ta hasi meskos. Promé e ta koba su oreya ku su
huña.
Despues e ta wak e djèm di orea ku ela piska den su huñanan,
pa e or’ei primi su huña kontra otro pa pèrs e djèm afo.
I komo ultimo smer e djèm primí riba su karson.
I abo ta hasi presis meskos.
Ruman ta keda keto i no ta bisa nada.
ROSE
Ken bo ta haya mi ta parse mas tantu?
Mama òf papa?
GLEN
Si
ROSE
…si?
GLEN
si
ROSE
Kiko si?
Ken mi ta parse mas tantu?
GLEN
Si
ROSE
Bo’n ta skuchando
GLEN
No
ROSE
No?
Mi tine wowo i e lepnan di papa òf no?
GLEN
Si
ROSE
Abo tin mas tantu su pia di keshi
GLEN
Pia di keshi, hende hòmber tin mas molèster di esei, bo sa
ROSE
Bo ta hasi meskos ku papa
Bo ta bó bisa si i no siendu ku ni tende bo a tende kiko mi ta
bisa..
GLEN
Papa tin un karakter generoso di berdat.
ROSE
Semper e ta duna tur kos
GLEN
Pero tambe hopi dominante
ROSE
Apsolutamente ku nò
nèt papa ta manera un praatpaal pa tur hende
GLEN
Mi no a wak e nunka di e manera ei..
ROSE
Kon bo ta wak e anto?
GLEN
Mi ta hayele mas un hende ken ta bula segun biento ta supla
E ta asta yama un hende deskonosí su amigo lihé.
ROSE
Pampuna no sa pari kalbas.
GLEN
Ègt, mi no ta asina.
ROSE
E’orei ègt algo ta falta den bo outoimagen
GLEN
Objection!
Straño ku bo por heredá kosnan asina.
ROSE
Kiko bo kier men
GLEN
Heredá komportashon i karakter – karakterístika di un otro
hende
Ku un hende por bisa “esei e tin di su welo” òf su tata ta mes
meskos”
ROSE.
Komportashon bo ta kópia. Kustumber i tradishon bo ta tuma
ofer.
Bo por heredá kosnan manera prenda, kas, pero malesa
tamben bo por heredá por ehempel suku pero tambe sikkelcel (
un silensio)
Portá ku abo a haya suerte i ami mala suerte?
(un silensio)
Mi kier men serka abo tambe tabatatin 25 % chèns riba
sikkelcelziekte i abo ta portadó sò.
Mi ruman Paula tampoko no tiné.
GLEN
Tin malesa ku ta hereditario, ta den famia i no ta hasi
diferensia si bo ta hende muhé of hende hòmber.
E destino ta determiná.
ROSE
Papa semper ta bisa asina tambe.
Destino ta determiná, destino ta determiná.
Un tipo di remarka inútil sin kontesta esei ta! [dooddoener]
Per ami ta keda horká kune!
No ta hustu !
(Glen no sa kon pa hasi i e ta purba algo otro)
GLEN
Ta berdat kiko mama ta bisa?
ROSE
Kiko mama ta bisa anto?
GLEN
Ku abo no kier selebra bo di 21 aña ku e famia i ta pesei bo ta
bai London huntu ku bo amiganan.
ROSE
Mi tin gana di hasi esei.
GLEN
Biaha pasá b’a bira bon malu i b’a haya bo mes di biaha den
hospital na London.
ROSE
Boso ta hasi asina Hypòkrita. Ta bo ora e ta kumbiní bosonan.
Mi por hasi algo 100 biaha mi no ta tende nada, i pa su
shentiun biaha algo sí ta bai malu, mi ta bira malu i di biaha
bosonan ta bisa bo ta wak, bo ta wak.
GLEN
Bo ta rabiá kumi awó?
ROSE
Simplemente mi no tabatatin e bon paña huntu kumi. Esei
tabatata pa via di e airco friu a bordo.
Mi’n tabata sa anto. Esei sa pasa tin biaha. Bon anto!
GLEN
Por ta asina ku mama tin berguensa pa su famia pasobra ku e
tin un yu malu?
ROSE
E no ta bai admintí esei abiertamente pero e ta ripará sí ku nan
ta papia patras di su lomba.
GLEN
Eigenlijk abo tin mes kabes duru ku mama
Pampuna no sa pari kalbas.
Nan ta wak otro i nan ta fris.
ESENA 4
Mama Glen i Rose ta sintá banda di otro atrobe i nan ta
wak dirèkt den publik.
(Rose ta bati e gòm)
GLEN
Sanger
ROSE
Sanger
GLEN
Mi ta un sèl blanku di sanger
ROSE
Mi ta un sèl kora di sanger
MAMA
E or’ei ami ta e trombosítonan [bloedplaatjes]
Sanger tambe ta kontené trombosito no?.
GLEN
Si mami, bini aserka!
ROSE
Mihó pa bo ta oksígeno, mami.
GLEN
Ta kon un hende por ta oksígeno?
ROSE
Anto ami un sèl di sanger korá i mi ta kontené hemoglobina i
proteina korá ku por mara oksígeno.
MAMA
Bo tin mester di oksígeno pa bo por biba.Ora bo falta
oksígeno bo ta bira kansá.
GLEN
Si
MAMA
Por ehempel bo tin tiki energia bo ta bira apátiko, bo ta haya
batimentu di kurason/palpitashon i bo ta tende zonidu den bo
orea
GLEN
Mi ta korda bon bon ora ku mi a wak mi ruman chikí plat
abou na suela pa e prome biaha.
Nos a kab’i bin fe pisina. E tabata yora hopi i e mester a bai
hospital.
Tabatatin algo ku e awa di pisina. E awa no tabata bastante
kayente. Mi lo tabata tin 7 òf 8 aña e tempu ei. Esei a hasi
hopi impreshon riba mi.
MAMA
Un biaha mi a pleita ku bo lerar di gymnastiek paso e no a
keréle i a pensa ku bo tabata mustra komportashon di puber ku
bo no tabata kier hasi gymnastiek.
Rose por eksitá asina tantu pa algo, manera antes ku
sinterklaas. Rose a bira malu promé ku fiesta por a kuminsá.
ROSE
Fiesta di Sinterklaas si! MI ta korda bon.
Hopi biaha mi a haya un kríses i regularmente den hospital ku
doló tur kaminda na mi kurpa.
Spesialmente mi weso tabata doló. Mi no por a kana mas.
MAMA
E tabata kohe e lugánan doloroso, su lomba, pianan, su stoma.
Hinká di feneta/ Pinchasonan, batí di martin, hinká di kuchú
kontinuamente riba un plèki, doló skerpi.
Mi no por a yudele
ROSE
Dòkter a bisa ku ta pa via di e forma di medio luna di mi sèl di
sanger.
Nan ta hak fasilmente den otro i esei ta kousa ku pròpnan ta
surgi den vaso di sanger.
I esei ta e kousa di un situashon di krísis.
GLEN
Mi tin un proposishon tremendo.Bo mester imaginá bo mes na
e manera aki. Mama ta un labaplato ok. Abo ta un pipita di
aros kushiná.
Den MAMA kè men e labaplato un weya ku pipita di aros
kushiná ta wordu bashí eiden.
Pero bosonan ta basha di mas pipita di aros. Tur e pipitanan di
aros kushiná ku ta pushando.E labaplato no por prosesá esei i
kiko ta pasa e or’ei ?
Rose i mama ta wak otro strañá.
GLEN
Korekto! E vaso di sanger ta ferstòp. Mi kier men e labaplato
I esei nan ta yama..….???
Un krisis!
ROSE
Pa hasi tur kos kla na un hende ku e Sikkelcel ziekte e sèl di
sanger kora ta hak den pròp i asina nan ta kousa e ferstòp.
Nan por ferstòp tur kamina i esei ta duna doló lokalisá den bo
weso por ehempel.
GLEN
Pulmon
MAMA
Serebro
ROSE
Nir
GLEN
Bòfi
MAMA
Wowo
GLEN
Dòlò
ROSE
Mi no tin
MAMA
Tin biaha su kútis i su wowo tabata mustra un tiki hel.
ROSE
Mayoria bes e ta pasami den anochi . Di biaha mi ta bai na e
auxílio urgente di hospital.
Un ratu despues nan ta dunámi e palu di bida ku vògt i remedi
kontra e doló. Kè men morfina òf pethidine.
MAMA
E por bira rabiá di berdad. Un biaha ela rabia riba dòkter.
ROSE
E doló tabata unsuportabel. M’a perde mi pasenshi.
M’a duna e kulpa n’e dòkter paso ami a haya ku ela dunami
un dosis abou di mas.
M’a zundra e verpleger , eigenlijk tur hende ku tabata den mi
serkania riba e momentu ei.
Pero no tin palabra pa ekspresá e doló teribel ku esei ta hasi!
MAMA
Dòkter porta lo tabatatin miedu pa bo bira adikto na morfina.
ROSE
Mi wesonan ta asina doló, ku mi no por kana mas, e ta píka
tantu asina. E’n ta spierpijn!
Mi tin miedo pa mi orgánonan no funktioná mas. Einan mi lo
bai di malu pa peor.[Dan ben ik verder van huis.]
MAMA
Tin bes mi ta sinti ku esei ta na kaminda. Asina ku e tin mal
beis i ku e ta nervioso.
GLEN
Komo mucha e cos tabata fasinámi, un ruman den hospital. Na
kas nos tata tabata traha un kama spesial pele.
Mama tabata kushiná kuminda spesial p’e por bira mas sterki.
ROSE
Wela tabata trese yerba spesial pa traha té.
Mi mester a bebe tur i fis ku e tabatata..
GLEN
Bo tabata gaña!
Skondí bo tabatata dunami e pa mi tir’e afo.
E promé par di dia despues ku ela sali fe hospital wela tambe
lo bini keda i papa tabata konta nos kuentanan promé ku nos
bai drumi.
Ora ku nos tabatatin bishíta mama semper tabata bisa : “Mi
mester wak e bon tur ora paso e tin tantu energia.
ROSE
Mi tabata obligá di drumi un ora i mi no tabatatin mag di sali
sin jas bistí.
GLEN
Bo’n por ripará mes ku ela keda den hospital”.
“E ta bai na un skol normal ” huntu ku Glen.
ROSE
Esei mi a haya bon di mi mama.
M’a tabata bai skol gewoon asina huntu ku mi ruman chikí.
MAMA
Semper e tabata fuerte i un luchadó manera tur hende den nos
famia.
(Rose ta bati riba gòm)
ESENA 5
Glen ta bisti su meya i sapatu, tanten ku Rose ta na telefòn.
ROSE
No…no…
Ku hende mi kier traha…….
Na Cwi si mi lo topa hende malu
Einan bo ta haya hende ku a sali fe ziektewet komen i kosnan
asina…hende ku malesa kroniko pero esei no tin mi
ofíshi….{noot vertaler: zin loopt niet?}
determiná pa chòis [keuze-bepaald]………no….no. Tampoko
ku mi kier hasi algo ku ta hopi rustig …..tin di nan ku portá
sí….pero mi no sa esei…….aerobics òf algo asina pero mi ta
hasi esei 1x den siman i mi ta sòru pa mi drumi bon. Tuma
bastante sosiegu ….portá mi lo a bira bailadó sí mi no sa.
Asina e kos a bai. Pokopoko/Gradualmente …bo ta nase
kune…..tur hende kier sierto kosnan den bida …hende salú
tambe i nan deseonan tampoko no ta resultá tur
ora……Anto….Abo tambe danki…. i traha un bonita artukulo
di dje. Ki dia e ta sali?.....Bon, mi ta haya un kopia sí
tòg?....Doei..
GLEN
Asina bo ta bira popular
ROSE
Gewoon un interview
Unda bo ta bai?
GLEN
Aki ratú mi ta bai star Wars
ROSE
Ku bo frei?
GLEN
No.. esei a kibra dos siman pasá kaba.
ROSE
Esei no a tarda hopi pa kibra [Dat heeft niet lang geduurd.]
GLEN
En todo kaso ela tarda mas ku esun mas promé.
Mi ta kere mi ta bai riba rust awó
Entre abo ku… eh…tampoko no a bira nada
Kon yama e gai atrobe?
ROSE
Robert
Abo lo gusta haya un frei ku bo no por sali kune hopi biaha?
Tur ora e kier sali etc, pero mi’n por ku e huma den disco i
p’ami salimentu tur bes kier men seka, bo mes sa, bebida,
sodó etc.…
Mi tin mester di aire fresku i sosiego i esei simplemente ta
rekeri outodisiplina.
GLEN
Ela hayabo laf
ROSE
Tabatatin biaha ku mi tabata sintími kansá i e or’ei mi tabata
puntrele pa bini i e or’ei e tabata hasi difísil i nos tabata pleita.
E tabatatin miedu di e opinion di su amigonan tokante di
esaki.
GLEN
Si…Wèl, mi ta haya esei ègt koi loko.
ROSE
E no. Mi a kontéle ku mi tabatatin miedu pa haya un
infekshon. Ku mi mester wak pa mi no haya grip of pulmonía.
Rabiá e tabata bira i ela ègt pensa ku mi a fabriká un kuenta.
Pero un ratu despues m’a bira malu di tur e stress ei ect. i tòg
ela spanta hopi mes.
E no tabata sa ki pa hasi i e or’ei mi a kibra kune..
Segun mi tabatata un alívio grandi p’e.
GLEN
Sorry, pero ami a hayele ègt un gai straño
ROSE
Ami tambe kè bai Star War
GLEN
Bo tin plaka?
No!
ROSE
Bo por trit bo ruman tòg?
Ach….mi’n por bai mes!
Mi tin ku yama!
GLEN
Lastima!
ROSE (na tèlèfon)
Oh warda…..
Mi kier papia ku studie coördinator Dijkstra
Oh si…e ta den reunion
Bo sa ki ora mi por hayele sí?
Dialuna i diamars ja….ja..
Mi kier laga un respondi p’e
No ta posibel?
Ja…ok… pero awe ta djaweps…
Ok… mala suerte
Mi ta yama bèk otro siman
Danki!
Atá mi akí reglando yen di kos atrobe..
Dos luna pasá mi tabatatin un krísis tòg?
Dies dia di hospital i di biaha bo ta haya un atraso. M’a pèrdè
sierto tentamen i proyektonan, i awo ku mi kier partisipá na un
symposium, nan ta hasi difísil.
Hèrkans otro aña nan ta bisami.
GLEN
Bo studie begeleider ta bisa esei?
ROSE
Si
GLEN
Nan por regla algo pabo tòg?
ROSE
No, paso regla ta regla. Protokòl di e skol.
Mi mester hal e tentamen promé i ta e oréi só mi mag di
partisipá na e
Symposium.
Siendo ku e symposium mester kuminsá ainda.
Abo por komprondé esei?
GLEN
No..….nan kabes no ta bon. Nan mes no por ni pensa pa nan
mes.
ROSE
E bonita konsekuensia pami ta ku awo mi mester hasi dos kos
di nobo. Un Tentamen i un symposium.
Pa via di esaki mi estudio ta bai dura un aña mas largu. Tur
esaki ta trese stress kune.
Di stress mi por bira malu atrobe…Mi’n por presentá na mi
stage bla..bla
E or’ei mi ta keda tranká den e mulina di yenamento di
formularionan..bla …bla…blabla..bla
problema ku studiefinanciering…..bla bla bla kitamentu…
bla….bla..bla
i mas oró mi ta hasi trinta i ainda mi no tin diploma.......
òf mi ta sinta hasi deprimí kualkier kaminda den wao.Un
spiral ku ta bira bai abou i ami ta bai wak pami no kai eiden!
Mi ta bai skohe un otro mentrix . Un hende ku por splika mi
situashon mas mihó.
GLEN
Si….Bo tin rason.
Mi ta bai trit bo riba un kondishon.
Ami ta bai papia ku bo studie begeleider mañan.
ROSE
Bo kabes no a bon no!
Mi ta regla esei mi mes ruman chikí!
Mi bida ta un sòm grandi.
Tur dia mi ta kita i mi ta suma.
Bo konosé e prehuisionan
E ta parse mi masha bon pa kuminsá ku un uitzendbureau di
mi mes mas despues pa nos hendenan.
GLEN
Bo ta ambisioso.
ROSE
Wak, e tratamentunan ta bira di mas i mas mihó i nos chèns pa
sobreviví ta birando di mas i mas favorabel.
Asina ta, mi tin speransa haltu pa e kalidat di mi bida.
GLEN
Fe unda bo ta bai saka e saku ku plaka?
ROSE
Tin fondo ku por apoyá mi pa mi por logra mi ambisionnan.
GLEN
Ja….. Rose ta bai kuminsá su proprio empresa.
Anto Rose no kier wordu hinká den WAO .
ROSE
Ya mi ta wak bastante misèria na ofisina di CWI .
Hende ku ta lucha añanan largu pa e rekonosementu di nan
malesa.
E mener ei mester lucha na Gak, lucha pa un WAO. E malesa
di Sikkelcel no ta konosí ainda.
Bo ta konosé e prehuisionan tokante di hende koló skur,
anto……
GLEN
AMEN
ROSE
Poko dia ei un hende ku Sikkelcelziekte a bini papia i e or’ei
nan ta puntra ami pa bin aserka.
Awó mi ta wordu yamá aserka komo eksperto.
E shon tin yu chikítu ku mester bai skol. Su kasá ta traha. Nan
ta biba di su entrada
Huesnan tin di drenta den e asuntu i tur esei mester wordu
pagá tambe. Esei ta trese stress kune, shon ta bira malu
Ta haya su mes den hospital. Yunan mester bai skol. Su kasá
mester traha pasobra abogadonan tambe mester wordu pagá.
E konisidu sírkolo visioso. Shon ta obligá di prueba ki e tin
derecho riba algo despues di a traha pa dies aña. E Gak, WAO
CWI no ta kompronde nada di e asuntu.
GLEN
Abo sí ta pasa den hopi kos.
ROSE
Un kaso ku ta lastra. Ku ta pone hopi preshon riba e famia.
Ademas shon mester bai botíka tur dia pa buska su remedi. Su
remedi ta kai bou di Ley di Droga. Kier men ku e shon no mag
di tin mas ku un sierto kantidat na kas paso sinó e ta
kastigabel..
Anto ainda hende ta tribi di remarká ku “hende sabí no ta
traha”.
GLEN
Interesante!
ROSE
Stòp/keda ketu.
Mi no a ni papia di deseo di haya yu.
GLEN
Ta basta awó
Bo ta den un dip.
Bo tin mester di ègt algo pa bo bira kontentu bèk/pa drecha bo
beis.
Ban nos ta bai sine.
ROSE
Nos no ta hende patétiku,
Ku un par di adaptashonnan nos por logra sí.
Warda ! Mi ta bai kambia mi paña !
Rose ta kana bai
GLEN
Nooo…Nos no tin asina hopi tempu…
MAMA ta drenta
MAMA
Glen bo tin un ratu pami?
GLEN
No
MAMA
Mi ta kere mi lo keda kas tòg
GLEN
Si..si..
Mama, Rose tambe ta bai
Relahá un ratu i despues nos por papia di su hasimentu di aña.
GLEN
Bo ta ban?
MAMA
E ta haya ta bon ku mi ta bai tambe?
ROSE ta drenta
GLEN
Si ...Mama tambe ta bai
Mi ta bai n’e auto numa
Rose i MAMA ta wak otro asombrá.
ESENA 6
ROSE, MAMA i GLEN
MAMA
Nervioso bo ta
ROSE
Pa kiko?
GLEN
Aki un ratu bo ta bai wordu blindá/ bo wowo ta bai wordu
tapá.
MAMA
Mi ta bai wak si bo tata ta na kaminda kaba.
ROSE
Pa kiko anto?.
GLEN
Si…warda numa e suspenso ta bai krese ketu bai
MAMA
Nos ta yudabo subi auto pero despues di esei nos ta keda ketu
ROSE
Mi ta bai warda manera bon mucha
Mama portá e no tabatata asina simpátiko di mi pa bruha bo
plannan.
Pero mi kier a pone un akto/mustra algo.
London tabatata ful blòf
MAMA
Bo a haya bo mes un bon abogado.
ROSE
Kua abogado?
MAMA
Si.. mucha bo ruman !Glen a apoyabo kon ku bai bin.
Ela hasi hopi su bèst pa konvensémi pa wak e kos di un otro
manera.
GLEN
Ful gratis
M’a hasi nada mas ku kompartí su sentimientonan.
MAMA
Asta Glen ta birando un mucha homber sabí.
Antes sí kos tabata otro.
GLEN
Nunka e no tabatata asina malu/ Esei semper a val hopi mee.
ROSE
Mi ta korda bon bon.
Pero Glen a hasi meskos pa mama serka mi.
MAMA
Segun mi antes kos tabata otro.
GLEN
Ta un bonita famia mi tin bo’n ta haya! [Van je familie moet
je het maar hebben!]
Si…..Un merdia di hunga Bingo ku famia tambe ta dushi.
MAMA
Ki bo ta hasi awó ba konta e sekretu !
ROSE
Ta Bingo nos ta bai hunga ?
GLEN
Si…..ku hopi bonita preis!
Un fin di siman na London ku amiganan, òf un een tèst di
plasenta.
ÒÒÒÒFF e premio mayor un bishíta na e Sentro di Genetíko
Klíniko na Leiden [Klinisch Genetisch Centrum in Leiden.]
E sentro di herensia.
MAMA
Ta un biaha só bo ta hasi 21.
ROSE
Ta tenta bo ta tentami!
Mama ta berdat ku e ta bisa?
MAMA
E bus a yega
ROSE
Ta kiko esaki ta awó !Bus??
MAMA
Mi ta wak ku mi tin un yu muhé balente.
Den nos famia semper nos tabatata hopi sterki.
Mi wela a yeg’i kontami antes ku su bisawela den tempu di
katibu
A lucha pa un kaso. A dura ocho aña.
Promé ku e haya su rason. Korda bon den e tempu ei.
Anto skondí skondi kualkier kaminda den nos gèn nos ta
luchadó.
ROSE
Anto tambe e gènnan ku mi a haya di me wela.
MAMA
Bo ta wak bon bon fe ken ela haya esei/ fe ken ela siña esei.
GLEN
I ami anto…
MAMA
Tapa su wowo promé.
FIN