nieuwsbrief Kinderopvang 8 copy
Transcripción
nieuwsbrief Kinderopvang 8 copy
Edicion 8 Augustus 2009 Movecion ta e base Tur e bon cu nos haci pa un mucha ta manera un simia planta. Cu bon cuido y guia e simia aki lo spruit bira un mata cu lo crece y duna su frutanan den futuro! Boletin “Simia” y mucho mas riba nos website nobo!!! Asina cu un baby nace, e ta cuminsa explora mundo cu su 5 sintidonan. E ta busca pecho di su mama, e ta hol’e su lechi, scucha su boz y sinti su curpa. For di e momento ey su desaroyo motorico (movecion di curpa) y su experiencia cu e 5 sintidonan ta cuminsa. Esakinan ta mara na tur otro aspecto di cuido y crecemento. Pasobra sea bo ta duna e baby un boter, lesa un storia p’e of siñ’e come, semper bai ta trata di movecion y e 5 sintidonan. Ora e mucha ta masomenos 1 aña por ripara diferencia den preferencia. Algun lo gusta haci movecionnan bruto (manera subi, baha, core, schop bala) mientras cu otro ta prefera movecion fini (puzzle, pinta) of djis sinta keto dilanti television of scucha storia. Pa un desaroyo completo y sano ta masha importante pa tene cuenta cu e siguiente puntonan: • mucha mester haña oportunidad y espacio pa ta activo tur dia y na diferente manera. • mucha mester haña estimulo positivo di su 5 sintidonan • ripiticion ta sumamente importante pa conecta e 5 sintidonan cu movecion. (e mucha ta discubri cu door di rek su brasanan, un hende ta his’e). Mucha mester di sosiego y tempo pa tuma su experiencianan y graba nan den su mente. Siguridad y bienestar Muchanan cu sinti comodo, lo desaroya nan movecionnan y 5 sintidonan casi automáticamente. Por stimula e mucha pa ta activo dor di: • ofrece un lugar sigur di hunga (paden y pafo) • Cuido di mucha ta un trabou di cariño y dedicacion. Pero alabes e ta manera un negoshi. Bo por haci ambos sin perhudica niun di dos? ofrece un variación di coi hunga y tempo pa hunga • participa den wega spontaneo di e mucha • ofrece retonan difícil según e ta crece No fiha riba loke e ta presta sino riba e placer cu e ta haña den su hungamento Movecion ta e base pa desaroyo sano! Pagina 2 boletin p a Ce nt r onan d i cuid o y A ug ust us 2009 Kico FPNM ta ofrece centronan te December? Oktober: Curso Maneho Pedagogico y Plan di trabou pedagogico (pa cabesante y suplentenan cu a inscribi. E ta bai segun turno) November: Curso Prome asistencia y Siguridad den centro di mucha Curso Maneho financiero (pa cabesante y suplente cu a haci e curso “Maneho Pedagogico”) December: Boletin “Simia” edicion 9 Pa mas informacion of pa inscribi pa cursonan, yama nos na 583-4247 of 588-0856. 1. E mucha cu no tin interes pa actividad fisico. Podise e mucha aki a perde smaak pa motibo cu otro- nan a tent’e durante un actividad físico. Encurash’e pa participa toch, maske ta un rato, na actividadnan di movecion. Elogi’e pa e minimo esfuerso cu e haci. 2. E mucha cu ta interesa den actividad fisico pero e no ta e miho hungado. E ta core riesgo pa disgusta den un ambiente di competencia continuo. Mayoria mucha ta cai den e categoria aki. Encurash’e pa keda activo maske e no ta e miho hungado di e grupo. 3. E mucha cu gusta actividad cu hopi movecion y cu no tin problema pa ta activo. Semper e ta den movecion y ta parce manera e no ta cansa. Ta importante pa yuda e mucha aki relaha después di un actividad, tuma tempo pa su tareanan di scol prome cu e sigi bai atrobe+. Maske ki tipo di mucha bo tin , tur mester haña por lo menos 1 ora di actividad fisico pa dia. Esaki por ta core den cura, subi y baha trapi, core baiskel, bula cabuya, baila, haci ehercicio fisico, schop bala etc. Ban motiva tur mucha (y nos mes) pa ta activo! FPNM tin 3 parachute cu por fia pa haci weganan di movecion den bo centro! Yama nos na 5834247 of 588-0856! boletin p a Ce nt r onan d i cuid o y A ug ust us 2009 Pagina 3 Loke un “peluche” ta nifica pa un mucha... Nos tur conoce un of mas mucha cu ta hopi pega cu un obheto. Un “peluche” ta e nomber pa un beer of popchi di paña (algo suave) cu nos ta bisa e mucha ta su mama. Pero tambe e por ta un bruki, cusinchi of pyjama di su mama. Den e fase entre 7 pa 10 luna un baby ta experiencia soledad ora cu su mayor no tei. Den e momentonan aki e peluche ta cuminsa ta bira e consuelo. E ta haci e mucha corda su ambiente familiar. Su suavidad ta duna e mucha un sintimento di siguridad durante momentonan tenso p’e. Según cu e mucha crece e importancia di e peluche tambe ta crece. No por bisa exactamente con largo ni con intenso un mucha mester pasa cu su “peluche”. Mayornan hunto cu e mucha por dicidi ki ora ta tuma despedida di e peluche. Pa muchanan chikito e peluche por ta crucial pa nan bienestar. E ta duna consuelo na momento di tristesa, dolor of cansancio. Scheur, buraco, mancha of perdida di un wowo no ta importante pa e mucha ya cu su amor pa su peluche ta incondicional. E tin un “perfume” special cu ta trankilisa y laga e mucha sinti comodo. Bo ta ripara den bo centro cu e peluche ta stroba e mucha di participa na e actividadnan of causa pleito entre mucha? Palabra cu e mayor y e mucha cu na momento cu e yega, juffrouw ta warda su “knuffel”. Ora di bay drumi y bai cas e ta hañ’e back! Cumpli cu bo promesa tambe. Naturalmente mester ta flexibel ora ta mucha nobo den e centro cu tin cu custuma na e situación nobo sin su mayornan. Como centro bo por recomenda e mayor cu (pa motibo di hygiena) ta bon pa tin 2 peluche mesun cos. Asina tur dos ta hanja e “perfume” special y e mayor ta hanja chens pa laba nan pa turno sin cu e mucha ta ripara. Bo a yega di pensa pa organisa un dia di peluche? Riba e dia special aki tur mucha por trece nan peluche y kisas nan por conta algo di dje. Igual manera por duna atención special na despedida di un peluche. ...harimento ta haci mucha mas sabi, sano y capas pa enfrenta situacionnan dificil den nan bida? ...hende cu ta hari hopi generalmente ta gosa di miho salud y tin mas resistencia contra malesa? ...Dowco Santa Cruz ta bende hopi articulo pa obra di man na bon prijs? ...FPNM tin 4 trahador so y cu ta imposibel pa responde na tur invitacion di centronan? Pa ta sigur cu nos ta presente na bo actividad, yama y confirma du nos 2 siman delanta. ...centronan cu a inscribi riba nos lista publico pronto lo ta riba nos website tambe? ...bon cuido y guia di mucha den un centro ta esencial pa e futuro exito di un mucha na scol? ...coleganan ta manera un ekipo di futbol? Solamente hunto boso por score y gana e wega! ...awor Aruba tambe tin varios centro di cuido (style di creche) pa grandinan? ...FPNM ta ofrece e curso Maneho financiero pa esnan cu a termina e curso Maneho pedagogico? CAMBIO Bo centro a cambia nomber, servicio, adres, number di telefon? Por fabor laga nos sa! Telefon: 583-4247 of 588-0856 Fax: 583-5658 E-mail: [email protected] Website: www.fpnm.aw Kiwanis Club cu campaña di conscientisacion. Pa yuda conscientisa mayornan y educadornan di e importancia di “child seat”, Kiwanis Club lo ofrece centronan di mucha un tas cu informacion pa cada mucha hiba cas. Keda pendiente y ban coopera! Snack saludabel Na diferente ocacion tin celebración special ora nos ta traha cu mucha. E por ta pa motibo di un dia di fiesta specifico (Dia di Himno y Bandera, Pascu Grandi, hacimento di aña). Algun centro ta parti un snack pa treat. Abo tin idea di algun snack facil, barata y nutritivo pa treat muchanan den bo grupo? For di momento cu bai cumpra algo pa treat caba, tanto e centro como mayor tin diferente cos cu e mester tene cuenta cune. Por ehempel: evita mucho sucu (mangel, bals etc), e treat mester ta adapta na edad di e muchanan. Ademas mester tene cuenta cu muchanan cu por tin alergia pa pinda, strawberry etc. E ta practico si bo centro tin un lista diponibel di snack saludabel pa parti na un ocacion special. Bo centro sa haci actividadnan social pa trahadornan? Ke hubo pasa un dia hunto den nos parke nacional Arikok? Dushi yiu! Esey e centro por comparti cu mayornan tambe. Ehempelnan di snack saludabel ta: rasenchi, appelmoes of puding (sin sucu). Fruta (mandarina, appel, druif), sandwich bags cu cereal (fruitloops cu tiki sucu, corn flakes etc) of snacks manera pretzels of popcorn. Den un clima cayente por treat e muchanan boli of frio. Nos por cumpra esakinan cla caba of por prepara nan di diferente sabor di juice di fruta. Pa fin di e aña aki FPNM ta planea pa traha riba un buki di receta cu diferente receta pa centro di mucha. Boso centro tin receta cu ta barata, nutritivo y cu e muchanan ta gusta? Esaki por ta di un sopi, cuminda cayente of snacks. Boso por manda e receta mencionando e nomber di boso centro via mail na [email protected] of pasa lag’e personalmente na oficina di FPNM. E idea ta pa intercambia di idea y amplia e menú cu ideanan nobo. Nos lo publik’e den “Simia” !!!