Preisnan pa konsumidó na Kňrsou, ougůstůs 2013
Transcripción
Preisnan pa konsumidó na Kňrsou, ougůstůs 2013
Ofisina Sentral di Statistik Informashon : (599 9) 461-1031 - Fax: 461-1696 Adrès: Fort Amsterdam s/n E-mail: [email protected] Website: www.cbs.cw Preisnan pa konsumidó na Kòrsou, ougùstùs 2013 Preisnan stabil kompará ku luna di yüli E sifra índise di preis pa konsumidó na Kòrsou na luna di ougùstùs 2013 a keda stabil kompará ku luna di yüli 2013. Si kompará e periodo di e último 12 luna te ku ougùstùs 2013 ku mes periodo promé ku esei, ta resultá ku preisnan a subi ku 2,0 porshento. E kambionan di preis ku mas a influenshá e desaroyo di preis durante luna di ougùstùs último a okurí den e kategorianan di konsumo “Bibienda”, “Kuminda” i “Bebida i sigaria” i “Transporte i komunikashon”. Esaki ta sali na kla for di datonan ku a ser publiká awe dor di Ofisina Sentral di Statistik (CBS). Desaroyo di preis entre yüli i ougùstùs 2013 E sifra índise di preis pa konsumidó (CPI, “Consumer Price Index”) na Kòrsou a keda meskos durante luna di ougùstùs 2013 kompará ku luna di yüli 2013, pues 121,5. Si enfoká riba e kategorianan di konsumo, sí algun kambio den preis ta notabel. E kategorianan di konsumo ku a bira mas barata ta: “Kuminda” (-0,7%) , “Transporte i komunikashon” (-0,3%), “Salubridat” (-0,2%) i “Rekreashon, edukashon i desaroyo” (0,1%). E kategorianan di konsumo ku a bira mas karu ta “Bebida i sigaria” (+2,0%) , “Bibienda” (+0,3%) i “Paña i sapatu” (+0,3%). E kategorianan di konsumo ku a keda stabil den preis ta “Muebel, aparato- i artíkulonan doméstiko” i “Sobrá” Den e totalidat subida i bahada di preisnan durante luna di ougùstùs a tene otro den balansa, resultando den un CPI -pues e nivel di preis promedio- stabil. 1 E kambionan di preis spesífiko ku mas a sobresalí na luna di ougùstùs ta: • subida di preis di tarifa di uso di awa i elektrisidat ku respektivamente 3 i 0,4 porshento (kategoria di konsumo “Bibienda”), • bahada di preis di e gruponan di kuminda “batata, berdura i fruta” (-3,5%) i “produktonan di grano” (-1,2%) –espesialmente aros blanku (-7%) i aros brùin (6%)- (kategoria di konsumo “Kuminda”), • subida di preis di gruponan di produkto “bebida”(+2,0%) i “sigaria” (+1,7%) (kategoria di konsumo “Bebida i sigaria”) i • bahada di preis di gasolin ku 2 porshento (kategoria di konsumo “Transporte i komunikashon”). Desaroyo di preis kompará ku un aña pasá i inflashon riba término largu E sifra índise pa konsumidó a subi entre ougùstùs 2012 i ougùstùs 2013 di 120,7 pa 121,5, un subida di 0,7 porshento. E sifra aki ta duna un indikashon kon karu e luna di ougùstùs di e aña aki ta, kompará ku luna di ougùstùs di aña pasá. Na ougùstùs 2013 e promedio di diesdos luna di preis tabata 2,0 porshento mas haltu ku na ougùstùs 2012, pues un subida di e promedio di diesdos luna di e sifra índise pa konsumidó di 119,7 pa 122,1. E sifra di 2,0 porshento ariba menshoná ta duna segun CBS un bon bista di inflashon riba término largu i p’esei ta wòrdu rekomendá komo instrumento pa indeksashon. Inflashon na Kòrsou pues ta demonstrando último seis lunanan un trènt di bahada. 7 6 5 4 3 2 1 11 O kt 11 D es 11 Fe b 12 Ap r1 Yu 2 n 1 O 2 ug 12 O kt 12 D es 12 Fe b 13 Ap r1 Yu 3 n 1 O 3 ug 13 0 O ug Inflashon (subida procentual di e promedio ultimo 12 luna IPK) Inflashon na Kòrsou den e ultimo 2 aña 2