Ofisina di Defensor di Pueblo

Ofisina di Defensor di Pueblo
Djaluna pa Djabièrnè
08:30 – 11:30
Scharlooweg 41
Tras di edifisio di CUROIL na Scharloo
T. 461 0303
F. 461 9483
E. [email protected]
W. www.ombudsman-curacao.cw
No tin gastu mará na nos servisionan
Ofisina di Defensor di Pueblo
2016
EDISHON 6
Mensualmente Defensor di Pueblo ta
informá pueblo di Kòrsou di su
aktividatnan pa pueblo por konosé e
trabounan di su ofisina.
E organisashon ku den luna di ÿuni mas a koperá ku Ofisina di Defensor di Pueblo ta Gabinete di Minister di
Enseñansa, Siensia, Kultura i Deporte.
Kontenido:
>> PA MAS INFORMASHON BISHITÁ WWW.OMBUDSMAN-CURACAO.CW
Ombudsman ta informá
Defensor di Pueblo regularmente ta risibí
kehonan i pregúntanan tokante e aplikashon di e
“Landsverordeningbasisverzekering
ziektekosten”, e asina yamá lei di Seguro Básiko.
Hopi di e preguntanan i kehonan aki, ta bin for di
persónanan preokupá ku kièr sa si nan òf nan
yu(nan) menor di edat ta kai bou di e lei di
Seguro Básiko. E lei di Seguro Básiko su punto di
salida ta ku tur persona ku ta residenshá
legalmente na Kòrsou, ta kai bou di dje. E lei mes
sinembargo ta hasi diferente eksepshon riba e
punto di salida aki. Un di e eksepshonnan ku e lei
ta hasi ta regardá muchanan menor di edat ku a
nase riba òf despues di 1 febrüari 2013. Pa e
muchanan aki e lei ta indiká entre otro ku den e
kaso ku e mayor mes tabata tin un seguro médiko
partikular kaba na momentu di introdukshon di e
lei di Seguro Básiko na 2013, e muchanan no ta
kai bou di e lei di Seguro Básiko. E lei ta indiká sí
ku e eksepshon aki ta konta te asina leu ku e
seguro partikular di e mayor, ta kubri tambe e
gastunan médiko di e mucha(nan). Den práktika
e situashon aki por trese kuné ku un yu resien
nasí, kisas no ta keda segurá a base di e lei di
Seguro Básiko, siendo ku e otro miembronan di e
famia si ta kai bou di e lei di Seguro Basiko.
>> PA MAS INFORMASHON BISHITÁ WWW.OMBUDSMAN-CURACAO.CW
Meskos ta konta tambe pa e yunan ku a nase for
di mayornan strañero, ya komo ku e lei ta indiká
ku e personanan aki, ku mester di pèrmit di
estadia pa por permanesé na Kòrsou, no ta kai
outomátikamente bou di e lei di Seguro Básiko.
Banko di Seguro Soshal (SVB) ta e instansha ku
tin e tarea pa evaluá si un adulto òf un menor di
edat ta kai bou di e lei di Seguro Básiko. SVB tin e
obligashon pa duna e personanan ku aserké, e
oportunidat pa entrega tur nan pruebanan di e
situashon ku nan ta aden pa loke ta trata entre
otro seguro pa gastunan médiko. Den e kaso ku e
persona no ta di akuerdo ku e desishon di SVB, e
por apelá esaki denter di seis siman serka SVB.